Sri Siddha Lakshmi Stotram (Variation) pdf download – శ్రీ సిద్ధలక్ష్మీ స్తోత్రం (పాఠాంతరం)

ధ్యానం |
బ్రాహ్మీం చ వైష్ణవీం భద్రాం షడ్భుజాం చ చతుర్ముఖీం |
త్రినేత్రాం ఖడ్గత్రిశూలపద్మచక్రగదాధరాం ||
పీతాంబరధరాం దేవీం నానాఽలంకారభూషితాం |
తేజఃపుంజధరీం శ్రేష్ఠాం ధ్యాయేద్బాలకుమారికాం ||
స్తోత్రం |
ఓంకారం లక్ష్మీరూపం తు విష్ణుం వాగ్భవమవ్యయం |
విష్ణుమానందమవ్యక్తం హ్రీంకారబీజరూపిణీం ||
క్లీం అమృతా నందినీం భద్రాం సత్యానందదాయినీం |
శ్రీం దైత్యశమనీం శక్తీం మాలినీం శత్రుమర్దినీం ||
తేజఃప్రకాశినీం దేవీ వరదాం శుభకారిణీం |
బ్రాహ్మీం చ వైష్ణవీం రౌద్రీం కాలికారూపశోభినీం ||
అకారే లక్ష్మీరూపం తు ఉకారే విష్ణుమవ్యయం |
మకారః పురుషోఽవ్యక్తో దేవీ ప్రణవ ఉచ్యతే |
సూర్యకోటిప్రతీకాశం చంద్రకోటిసమప్రభం |
తన్మధ్యే నికరం సూక్ష్మం బ్రహ్మరుపం వ్యవస్థితం |
ఓంకారం పరమానందం సదైవ సురసుందరీం |
సిద్ధలక్ష్మీ మోక్షలక్ష్మీ ఆద్యలక్ష్మీ నమోఽస్తు తే |
ఐంకారం పరమం సిద్ధం సర్వబుద్ధిప్రదాయకం |
సౌభాగ్యాఽమృతా కమలా సత్యలక్ష్మీ నమోఽస్తు తే |
హ్రీంకారం పరమం శుద్ధం పరమైశ్వర్యదాయకం |
కమలా ధనదా లక్ష్మీ భోగలక్ష్మీ నమోఽస్తు తే |
క్లీంకారం కామరూపిణ్యం కామనాపరిపూర్తిదం |
చపలా చంచలా లక్ష్మీ కాత్యాయనీ నమోఽస్తు తే ||
శ్రీంకారం సిద్ధిరూపిణ్యం సర్వసిద్ధిప్రదాయకం |
పద్మాననాం జగన్మాత్రే అష్టలక్మీం నమోఽస్తు తే |
సర్వమంగళ మాంగళ్యే శివే సర్వార్థ సాధికే |
శరణ్యే త్రయంబకే గౌరి నారాయణీ నమోఽస్తు తే |
ప్రథమం త్ర్యంబకా గౌరీ ద్వితీయం వైష్ణవీ తథా |
తృతీయం కమలా ప్రోక్తా చతుర్థం సుందరీ తథా |
పంచమం విష్ణుశక్తిశ్చ షష్ఠం కాత్యాయనీ తథా |
వారాహీ సప్తమం చైవ హ్యష్టమం హరివల్లభా |
నవమం ఖడ్గినీ ప్రోక్తా దశమం చైవ దేవికా |
ఏకాదశం సిద్ధలక్ష్మీర్ద్వాదశం హంసవాహినీ |
ఏతత్ స్తోత్ర వరం దేవ్యా యే పఠంతి సదా నరాః |
సర్వాపద్భ్యో విముచ్యంతే నాత్ర కార్యా విచారణా |
ఏకమాసం ద్విమాసం చ త్రిమాసం మాసచతుష్టయం |
పంచమాసం చ షణ్మాసం త్రికాలం యః సదా పఠేత్ |
బ్రాహ్మణః క్లేశితో దుఃఖీ దారిద్ర్యభయపీడితః |
జన్మాంతర సహస్రోత్థైర్ముచ్యతే సర్వకిల్బషైః |
దరిద్రో లభతే లక్ష్మీమపుత్రః పుత్రవాన్ భవేత్ |
ధన్యో యశస్వీ శత్రుఘ్నో వహ్నిచౌరభయేషు చ |
శాకినీ భూత వేతాల సర్ప వ్యాఘ్ర నిపాతనే |
రాజద్వారే సభాస్థానే కారాగృహ నిబంధనే |
ఈశ్వరేణ కృతం స్తోత్రం ప్రాణినాం హితకారకం |
స్తువంతు బ్రాహ్మణాః నిత్యం దారిద్ర్యం న చ బాధతే |
సర్వపాపహరా లక్ష్మీః సర్వసిద్ధిప్రదాయినీం |
సాధకాః లభతే సర్వం పఠేత్ స్తోత్రం నిరంతరం |
యా శ్రీః పద్మవనే కదంబశిఖరే రాజగృహే కుంజరే
శ్వేతే చాశ్వయుతే వృషే చ యుగలే యజ్ఞే చ యూపస్థితే |
శంఖే దైవకులే నరేంద్రభవనే గంగాతటే గోకులే
సా శ్రీస్తిష్ఠతి సర్వదా మమ గృహే భూయాత్ సదా నిశ్చలా ||
యా సా పద్మాసనస్థా విపులకటితటీ పద్మపత్రాయతాక్షీ
గంభీరావర్తనాభిః స్తనభరనమితా శుద్ధవస్త్రోత్తరీయా |
లక్ష్మీర్దివ్యైర్గజేంద్రైర్మణిగణఖచితైః స్నాపితా హేమకుంభైః
నిత్యం సా పద్మహస్తా మమ వసతు గృహే సర్వమాంగళ్యయుక్తా ||