మయూరాచలాగ్రే సదారం వసంతం
ముదారం దదానం నతేభ్యో వరాంశ్చ |
దధానం కరాంభోజమధ్యే చ శక్తిం
సదా షణ్ముఖం భావయే హృత్సరోజే || 1 ||
గిరీశాస్యవారాశిపూర్ణేందుబింబం
కురంగాంకధిక్కారివక్త్రారవిందం |
సురేంద్రాత్మజాచిత్తపాథోజభానుం
సదా షణ్ముఖం భావయే హృత్సరోజే || 2 ||
నతానాం హి రాజ్ఞాం గుణానాం చ షణ్ణాం
కృపాభారతో యో ద్రుతం బోధనాయ |
షడాస్యాంబుజాతాన్యగృహ్ణాత్పరం తం
సదా షణ్ముఖం భావయే హృత్సరోజే || 3 ||
పురా తారకం యో విజిత్యాజిమధ్యే
సురాన్దుఃఖముక్తాంశ్చకారాశు మోదాత్ |
తమానందకందం కృపావారిరాశిం
సదా షణ్ముఖం భావయే హృత్సరోజే || 4 ||
శరాణాం వనే జాతమేనం హి బాలం
యతః కృత్తికాః పాయయంతి స్మ దుగ్ధం |
తతః కార్తికేయం వదంతీహ యం తం
సదా షణ్ముఖం భావయే హృత్సరోజే || 5 ||
హరంతం చ బాఢం తమో హార్దగాఢం
గవానాద్యయా చాతిమోదేన లీఢం |
సురేంద్రస్య పుత్ర్యా చ గాఢోపగూఢం
సదా షణ్ముఖం భావయే హృత్సరోజే || 6 ||
ఇయం షట్పదీ యస్య వక్త్రారవిందే
విహారం కరోత్యాదరాన్నిత్యమేవ |
షడాస్యః కృపాతః సమస్తాశ్చ విద్యా
వితీర్యాశు తస్మై స్వభక్తిం దదాతి || 7 ||
ఇతి శ్రీశృంగేరిజగద్గురు శ్రీసచ్చిదానంద శివాభినవనృసింహభారతీ స్వామిభిః విరచితం శ్రీ షణ్ముఖ షట్పదీ స్తవః |
Sri Shanmukha Shatpadi Stava pdf download – శ్రీ షణ్ముఖ షట్పదీ స్తవః
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
