Sri Shani Ashtottara Shatanama Stotram 2 pdf download – శ్రీ శని అష్టోత్తరశతనామ స్తోత్రం –2

సౌరిః శనైశ్చరః కృష్ణో నీలోత్పలనిభః శనిః |
శుష్కోదరో విశాలాక్షో దుర్నిరీక్ష్యో విభీషణః || 1 ||
శితికంఠనిభో నీలశ్ఛాయాహృదయనందనః |
కాలదృష్టిః కోటరాక్షః స్థూలరోమావళీముఖః || 2 ||
దీర్ఘో నిర్మాంసగాత్రస్తు శుష్కో ఘోరో భయానకః |
నీలాంశుః క్రోధనో రౌద్రో దీర్ఘశ్మశ్రుర్జటాధరః || 3 ||
మందో మందగతిః ఖంజోఽతృప్తః సంవర్తకో యమః |
గ్రహరాజః కరాళీ చ సూర్యపుత్రో రవిః శశీ || 4 ||
కుజో బుధో గురుః కావ్యో భానుజః సింహికాసుతః |
కేతుర్దేవపతిర్బాహుః కృతాంతో నైరృతస్తథా || 5 ||
శశీ మరుత్ కుబేరశ్చ ఈశానః సుర ఆత్మభూః |
విష్ణుర్హరో గణపతిః కుమారః కామ ఈశ్వరః || 6 ||
కర్తా హర్తా పాలయితా రాజ్యేశో రాజ్యదాయకః |
ఛాయాసుతః శ్యామలాంగో ధనహర్తా ధనప్రదః || 7 ||
క్రూరకర్మవిధాతా చ సర్వకర్మావరోధకః |
తుష్టో రుష్టః కామరూపః కామదో రవినందనః || 8 ||
గ్రహపీడాహరః శాంతో నక్షత్రేశో గ్రహేశ్వరః |
స్థిరాసనః స్థిరగతిర్మహాకాయో మహాబలః || 9 ||
మహాప్రభో మహాకాలః కాలాత్మా కాలకాలకః |
ఆదిత్యభయదాతా చ మృత్యురాదిత్యనందనః || 10 ||
శతభిద్రుక్షదయితా త్రయోదశీతిథిప్రియః |
తిథ్యాత్మకస్తిథిగణో నక్షత్రగణనాయకః || 11 ||
యోగరాశిర్ముహూర్తాత్మా కర్తా దినపతిః ప్రభుః |
శమీపుష్పప్రియః శ్యామస్త్రైలోక్యభయదాయకః || 12 ||
నీలవాసాః క్రియాసింధుర్నీలాంజనచయచ్ఛవిః |
సర్వరోగహరో దేవః సిద్ధో దేవగణస్తుతః || 13 ||
అష్టోత్తరశతం నాంనాం సౌరేశ్ఛాయాసుతస్య యః |
పఠేన్నిత్యం తస్య పీడా సమస్తా నశ్యతి ధ్రువం || 14 ||
ఇతి శ్రీభవిష్యపురాణే శ్రీ శనైశ్చర అష్టోత్తరశతనామ స్తోత్రం |