శనిబాధావినాశాయ ఘోరసంతాపహారిణే |
కాననాలయవాసాయ భూతనాథాయ తే నమః || 1 ||
దారిద్ర్యజాతాన్ రోగాదీన్ బుద్ధిమాంద్యాది సంకటాన్ |
క్షిప్రం నాశయ హే దేవా శనిబాధావినాశక || 2 ||
భూతబాధా మహాదుఃఖ మధ్యవర్తినమీశ మాం |
పాలయ త్వం మహాబాహో సర్వదుఃఖవినాశక || 3 ||
అవాచ్యాని మహాదుఃఖాన్యమేయాని నిరంతరం |
సంభవంతి దురంతాని తాని నాశయ మే ప్రభో || 4 ||
మాయామోహాన్యనంతాని సర్వాణి కరుణాకర |
దూరీకురు సదా భక్తహృదయానందదాయక || 5 ||
అనేకజన్మసంభూతాన్ తాపపాపాన్ గుహేశ్వర |
చూర్ణీకురు కృపాసింధో సింధుజాకాంత సంతతే || 6 ||
ఉన్మత్తోద్భూతసంతాపాఽగాధకూపాః మహేశ్వర |
హస్తావలంబం దత్త్వా మాం రక్ష రక్ష శనైశ్చర || 7 ||
దేహి మే బుద్ధివైశిష్ట్యం దేహి మే నిత్యయౌవనం |
దేహి మే పరమానందం దేవ దేవ జగత్పతే || 8 ||
ఇతి శనిబాధా విమోచన శ్రీ శబరీశ్వరాష్టకం |