Sri Sai Sahasranama Stotram pdf download – శ్రీ సాయి సహస్రనామ స్తోత్రం

ధ్యానం –
బ్రహ్మానందం పరమసుఖదం కేవలం జ్ఞానమూర్తిం
ద్వంద్వాతీతం గగనసదృశం తత్త్వమస్యాదిలక్ష్యం |
ఏకం నిత్యం విమలమచలం సర్వధీసాక్షిభూతం
సాయీనాథం త్రిగుణరహితం సద్గురుం తం నమామి || [భావాతీతం] స్తోత్రం –
అఖండసచ్చిదానందశ్చాఽఖిలజీవవత్సలః |
అఖిలవస్తువిస్తారశ్చాఽక్బరాజ్ఞాభివందితః || 1 ||
అఖిలచేతనాఽఽవిష్టశ్చాఽఖిలవేదసంప్రదః |
అఖిలాండేశరూపోఽపి పిండే పిండే ప్రతిష్ఠితః || 2 ||
అగ్రణీరగ్ర్యభూమా చ అగణితగుణస్తథా |
అఘౌఘసన్నివర్తీ చ అచింత్యమహిమాఽచలః || 3 ||
అచ్యుతశ్చ తథాజశ్చ అజాతశత్రురేవ చ |
అజ్ఞానతిమిరాంధానాం చక్షురున్మీలనక్షమః || 4 ||
ఆజన్మస్థితినాశశ్చ అణిమాదివిభూషితః |
అత్యున్నతధునీజ్వాలామాజ్ఞయైవనివర్తకః || 5 ||
అత్యుల్బణమహాసర్పాదపిభక్తసురక్షితా |
అతితీవ్రతపస్తప్తశ్చాతినంరస్వభావకః || 6 ||
అన్నదానసదానిష్ఠః అతిథిభుక్తశేషభుక్ |
అదృశ్యలోకసంచారీ అదృష్టపూర్వదర్శితా || 7 ||
అద్వైతవస్తుతత్త్వజ్ఞః అద్వైతానందవర్షకః |
అద్భుతానంతశక్తిశ్చ అధిష్ఠానో హ్యధోక్షజః || 8 ||
అధర్మతరుచ్ఛేతా (చ) అధియజ్ఞః స ఏవ చ |
అధిభూతోఽధిదైవశ్చ తథాధ్యక్ష ఇతీరితః || 9 ||
అనఘోఽనంతనామా చ అనంతగుణభూషణః |
అనంతమూర్త్యనంతశ్చ అనంతశక్తిసంయుతః || 10 ||
అనంతాశ్చర్యవీర్యశ్చాఽనహ్లక అతిమానితః |
అనవరతసమాధిస్థః అనాథపరిరక్షకః || 11 ||
అనన్యప్రేమసంహృష్టగురుపాదవిలీనహృత్ |
అనాధృతాష్టసిద్ధిశ్చ అనామయపదప్రదః || 12 ||
అనాదిమత్పరబ్రహ్మా అనాహతదివాకరః |
అనిర్దేశ్యవపుశ్చైష అనిమేషేక్షితప్రజః || 13 ||
అనుగ్రహార్థమూర్తిశ్చ అనువర్తితవేంకూశః |
అనేకదివ్యమూర్తిశ్చ అనేకాద్భుతదర్శనః || 14 ||
అనేకజన్మజం పాపం స్మృతిమాత్రేణ హారకః |
అనేకజన్మవృత్తాంతం సవిస్తారముదీరయన్ || 15 ||
అనేకజన్మసంప్రాప్తకర్మబంధవిదారణః |
అనేకజన్మసంసిద్ధశక్తిజ్ఞానస్వరూపవాన్ || 16 ||
అంతర్బహిశ్చసర్వత్రవ్యాప్తాఖిలచరాచరః |
అంతర్హృదయ ఆకాశః అంతకాలేఽపి రక్షకః || 17 ||
అంతర్యాంయంతరాత్మా హి అన్నవస్త్రేప్సితప్రదః |
అపరాజితశక్తిశ్చ అపరిగ్రహభూషితః || 18 ||
అపవర్గప్రదాతా చ అపవర్గమయో హి సః |
అపాంతరాత్మరూపేణ స్రష్టురిష్టప్రవర్తకః || 19 ||
అపావృతకృపాగారో అపారజ్ఞానశక్తిమాన్ |
తథాఽపార్థివదేహస్థః అపాంపుష్పనిబోధకః || 20 ||
అప్రపంచోఽప్రమత్తశ్చ అప్రమేయగుణాకారః |
అప్రాకృతవపుశ్చైవ అప్రాకృతపరాక్రమః || 21 ||
అప్రార్థితేష్టదాతా వై అబ్దుల్లాది పరాగతిః |
అభయం సర్వభూతేభ్యో దదామీతి వ్రతీ చ సః || 22 ||
అభిమానాతిదూరశ్చ అభిషేకచమత్కృతిః |
అభీష్టవరవర్షీ చ అభీక్ష్ణదివ్యశక్తిభృత్ || 23 ||
అభేదానందసంధాతా అమర్త్యోఽమృతవాక్సృతిః |
అరవిందదళాక్షశ్చ తథాఽమితపరాక్రమః || 24 ||
అరిషడ్వర్గనాశీ చ అరిష్టఘ్నోఽర్హసత్తమః |
అలభ్యలాభసంధాతా అల్పదానసుతోషితః || 25 ||
అల్లానామసదావక్తా అలంబుధ్యా స్వలంకృతః |
అవతారితసర్వేశో అవధీరితవైభవః || 26 ||
అవలంబ్యస్వపదాబ్జః అవలియేతివిశ్రుతః |
అవధూతాఖిలోపాధి అవిశిష్టః స ఏవ హి || 27 ||
అవశిష్టస్వకార్యార్థే త్యక్తదేహం ప్రవిష్టవాన్ |
అవాక్పాణిపాదోరుః అవాఙ్మానసగోచరః || 28 ||
అవాప్తసర్వకామోఽపి కర్మణ్యేవ ప్రతిష్టితః |
అవిచ్ఛిన్నాగ్నిహోత్రశ్చ అవిచ్ఛిన్నసుఖప్రదః || 29 ||
అవేక్షితదిగంతస్థప్రజాపాలననిష్ఠితః |
అవ్యాజకరుణాసింధురవ్యాహతేష్టిదేశగః || 30 ||
అవ్యాహృతోపదేశశ్చ అవ్యాహతసుఖప్రదః |
అశక్యశక్యకర్తా చ అశుభాశయశుద్ధికృత్ || 31 ||
అశేషభూతహృత్స్థాణుః అశోకమోహశృంఖలః |
అష్టైశ్వర్యయుతత్యాగీ అష్టసిద్ధిపరాఙ్ముఖః || 32 ||
అసంయోగయుక్తాత్మా అసంగదృఢశస్త్రభృత్ |
అసంఖ్యేయావతారేషు ఋణానుబంధిరక్షితః || 33 ||
అహంబ్రహ్మస్థితప్రజ్ఞః అహంభావవివర్జితః |
అహం త్వంచ త్వమేవాహమితి తత్త్వప్రబోధకః || 34 ||
అహేతుకకృపాసింధురహింసానిరతస్తథా |
అక్షీణసౌహృదోఽక్షయః తథాఽక్షయసుఖప్రదః || 35 ||
అక్షరాదపి కూటస్థాదుత్తమపురుషోత్తమః |
ఆఖువాహనమూర్తిశ్చ ఆగమాద్యంతసన్నుతః || 36 ||
ఆగమాతీతసద్భావః ఆచార్యపరమస్తథా |
ఆత్మానుభవసంతుష్టో ఆత్మవిద్యావిశారదః || 37 ||
ఆత్మానందప్రకాశశ్చ ఆత్మైవ పరమాత్మదృక్ |
ఆత్మైకసర్వభూతాత్మా ఆత్మారామః స ఆత్మవాన్ || 38 ||
ఆదిత్యమధ్యవర్తీ చ ఆదిమధ్యాంతవర్జితః |
ఆనందపరమానందః తథాఽఽనందప్రదో హి సః || 39 ||
ఆనాకమాదృతాజ్ఞశ్చ ఆనతావననివృతిః |
ఆపదామపహర్తా చ ఆపద్బాంధవః ఏవ హి || 40 ||
ఆఫ్రికాగతవైద్యాయ పరమానందదాయకః |
ఆయురారోగ్యదాతా చ ఆర్తత్రాణపరాయణః || 41 ||
ఆరోపణాపవాదైశ్చ మాయాయోగవియోగకృత్ |
ఆవిష్కృత తిరోధత్త బహురూపవిడంబనః || 42 ||
ఆర్ద్రచిత్తేన భక్తానాం సదానుగ్రహవర్షకః |
ఆశాపాశవిముక్తశ్చ ఆశాపాశవిమోచకః || 43 ||
ఇచ్ఛాధీనజగత్సర్వః ఇచ్ఛాధీనవపుస్తథా |
ఇష్టేప్సితార్థదాతా చ ఇచ్ఛామోహనివర్తకః || 44 ||
ఇచ్ఛోత్థదుఃఖసంఛేతా ఇంద్రియారాతిదర్పహా |
ఇందిరారమణాహ్లాదినామసాహస్రపూతహృత్ || 45 ||
ఇందీవరదళజ్యోతిర్లోచనాలంకృతాననః |
ఇందుశీతలభాషీ చ ఇందువత్ప్రియదర్శనః || 46 ||
ఇష్టాపూర్తశతైర్లబ్ధః ఇష్టదైవస్వరూపధృత్ |
ఇష్టికాదానసుప్రీతః ఇష్టికాలయరక్షితః || 47 ||
ఈశాసక్తమనోబుద్ధిః ఈశారాధనతత్పరః |
ఈశితాఖిలదేవశ్చ ఈశావాస్యార్థసూచకః || 48 ||
ఉచ్చారణాధృతే భక్తహృదాంత ఉపదేశకః |
ఉత్తమోత్తమమార్గీ చ ఉత్తమోత్తారకర్మకృత్ || 49 ||
ఉదాసీనవదాసీనః ఉద్ధరామీత్యుదీరకః |
ఉద్ధవాయ మయా ప్రోక్తం భాగవతమితి బ్రువన్ || 50 ||
ఉన్మత్తశ్వాభిగోప్తా చ ఉన్మత్తవేషనామధృత్ |
ఉపద్రవనివారీ చ ఉపాంశుజపబోధకః || 51 ||
ఉమేశామేశయుక్తాత్మా ఊర్జితభక్తిలక్షణః |
ఊర్జితవాక్ప్రదాతా చ ఊర్ధ్వరేతస్తథైవ చ || 52 ||
ఊర్ధ్వమూలమధఃశాఖామశ్వత్థం భస్మసాత్కరః |
ఊర్ధ్వగతివిధాతా చ ఊర్ధ్వబద్ధద్వికేతనః || 53 ||
ఋజుః ఋతంబరప్రజ్ఞః ఋణక్లిష్టధనప్రదః |
ఋణానుబద్ధజంతునాం ఋణముక్త్యై ఫలప్రదః || 54 ||
ఏకాకీ చైకభక్తిశ్చ ఏకవాక్కాయమానసః |
ఏకాదశ్యాం స్వభక్తానాం స్వతనోకృతనిష్కృతిః || 55 ||
ఏకాక్షరపరజ్ఞానీ ఏకాత్మా సర్వదేశదృక్ |
ఏకేశ్వరప్రతీతిశ్చ ఏకరీత్యాదృతాఖిలః || 56 ||
ఐక్యానందగతద్వంద్వః ఐక్యానందవిధాయకః |
ఐక్యకృదైక్యభూతాత్మా ఐహికాముష్మికప్రదః || 57 ||
ఓంకారాదర ఓజస్వీ ఔషధీకృతభస్మదః |
కథాకీర్తనపద్ధత్యాం నారదానుష్ఠితం స్తువన్ || 58 ||
కపర్దే క్లేశనాశీ చ కబీర్దాసావతారకః |
కపర్దే పుత్రరక్షార్థమనుభూతతదామయః || 59 ||
కమలాశ్లిష్టపాదాబ్జః కమలాయతలోచనః |
కందర్పదర్పవిధ్వంసీ కమనీయగుణాలయః || 60 ||
కర్తాఽకర్తాఽన్యథాకర్తా కర్మయుక్తోప్యకర్మకృత్ |
కర్మకృత్ కర్మనిర్ముక్తః కర్మాఽకర్మవిచక్షణః || 61 ||
కర్మబీజక్షయంకర్తా కర్మనిర్మూలనక్షమః |
కర్మవ్యాధివ్యపోహీ చ కర్మబంధవినాశకః || 62 ||
కలిమలాపహారీ చ కలౌ ప్రత్యక్షదైవతం |
కలియుగావతారశ్చ కల్యుత్థభవభంజనః || 63 ||
కళ్యాణానంతనామా చ కళ్యాణగుణభూషణః |
కవిదాసగణుత్రాతా కష్టనాశకరౌషధం || 64 ||
కాకాదీక్షితరక్షాయాం ధురీణోఽహమితీరకః |
కానాభిలాదపి త్రాతా కాననే పానదానకృత్ || 65 ||
కామజిత్ కామరూపీ చ కామసంకల్పవర్జితః |
కామితార్థప్రదాతా చ కామాదిశత్రునాశనః || 66 ||
కాంయకర్మసుసన్యస్తః కామేరాశక్తినాశకః |
కాలశ్చ కాలకాలశ్చ కాలాతీతశ్చ కాలకృత్ || 67 ||
కాలదర్పవినాశీ చ కాలరాతర్జనక్షమః |
కాలశునకదత్తాన్నం జ్వరం హరేదితి బ్రువన్ || 68 ||
కాలాగ్నిసదృశక్రోధః కాశీరామసురక్షకః |
కీర్తివ్యాప్తదిగంతశ్చ కుప్నీవీతకలేబరః || 69 ||
కుంబారాగ్నిశిశుత్రాతా కుష్ఠరోగనివారకః |
కూటస్థశ్చ కృతజ్ఞశ్చ కృత్స్నక్షేత్రప్రకాశకః || 70 ||
కృత్స్నజ్ఞశ్చ కృపాపూర్ణః కృపయాపాలితార్భకః |
కృష్ణరామశివాత్రేయమారుత్యాదిస్వరూపధృత్ || 71 ||
కేవలాత్మానుభూతిశ్చ కైవల్యపదదాయకః |
కోవిదః కోమలాంగశ్చ కోపవ్యాజశుభప్రదః || 72 ||
కోఽహమితి దివానక్తం విచారమనుశాసకః |
క్లిష్టరక్షాధురీణశ్చ క్రోధజిత్ క్లేశనాశనః || 73 ||
గగనసౌక్ష్ంయవిస్తారః గంభీరమధురస్వనః |
గంగాతీరనివాసీ చ గంగోత్పత్తిపదాంబుజః || 74 ||
గంగాగిరిరితిఖ్యాత యతిశ్రేష్ఠేన సంస్తుతః |
గంధపుష్పాక్షతైః పూజ్యః గతివిద్గతిసూచకః || 75 ||
గహ్వరేష్ఠపురాణశ్చ గర్వమాత్సర్యవర్జితః |
గాననృత్యవినోదశ్చ గాలవణ్కర్వరప్రదః || 76 ||
గిరీశసదృశత్యాగీ గీతాచార్యః స ఏవ హి |
గీతాద్భుతార్థవక్తా చ గీతారహస్యసంప్రదః || 77 ||
గీతాజ్ఞానమయశ్చాసౌ గీతాపూర్ణోపదేశకః |
గుణాతీతో గుణాత్మా చ గుణదోషవివర్జితః || 78 ||
గుణాగుణేషు వర్తంత ఇత్యనాసక్తిసుస్థిరః |
గుప్తో గుహాహితో గూఢో గుప్తసర్వనిబోధకః || 79 ||
గుర్వంఘ్రితీవ్రభక్తిశ్చేత్తదేవాలమితీరయన్ |
గురుర్గురుతమో గుహ్యో గురుపాదపరాయణః || 80 ||
గుర్వీశాంఘ్రిసదాధ్యాతా గురుసంతోషవర్ధనః |
గురుప్రేమసమాలబ్ధపరిపూర్ణస్వరూపవాన్ || 81 ||
గురూపాసనసంసిద్ధః గురుమార్గప్రవర్తకః |
గుర్వాత్మదేవతాబుద్ధ్యా బ్రహ్మానందమయస్తథా || 82 ||
గురోస్సమాధిపార్శ్వస్థనింబచ్ఛాయానివాసకృత్ |
గురువేంకుశసంప్రాప్తవస్త్రేష్టికా సదాధృతః || 83 ||
గురుపరంపరాదిష్టసర్వత్యాగపరాయణః |
గురుపరంపరాప్రాప్తసచ్చిదానందమూర్తిమాన్ || 84 ||
గృహహీనమహారాజో గృహమేధిపరాశ్రయః |
గోపీంస్త్రాతా యథా కృష్ణస్తథా నాచ్నే కులావనః || 85 ||
గోపాలగుండూరాయాది పుత్రపౌత్రాదివర్ధనః |
గోష్పదీకృతకష్టాబ్ధిర్గోదావరీతటాగతః || 86 ||
చతుర్భుజశ్చతుర్బాహునివారితనృసంకటః |
చమత్కారైః సంక్లిష్టౌర్భక్తిజ్ఞానవివర్ధనః || 87 ||
చందనాలేపరుష్టానాం దుష్టానాం ధర్షణక్షమః |
చందోర్కరాది భక్తానాం సదాపాలననిష్ఠితః || 88 ||
చరాచరపరివ్యాప్తశ్చర్మదాహేప్యవిక్రియః |
చాంద్భాయాఖ్య పాటేలార్థం చమత్కార సహాయకృత్ || 89 ||
చింతామగ్నపరిత్రాణే తస్య సర్వభారం వహః |
చిత్రాతిచిత్రచారిత్రశ్చిన్మయానంద ఏవ హి || 90 ||
చిరవాసకృతైర్బంధైః శిర్డీగ్రామం పునర్గతః |
చోరాద్యాహృతవస్తూనిదత్తాన్యేవేతిహర్షితః || 91 ||
ఛిన్నసంశయ ఏవాసౌ ఛిన్నసంసారబంధనః |
జగత్పితా జగన్మాతా జగత్త్రాతా జగద్ధితః || 92 ||
జగత్స్రష్టా జగత్సాక్షీ జగద్వ్యాపీ జగద్గురుః |
జగత్ప్రభుర్జగన్నాథో జగదేకదివాకరః || 93 ||
జగన్మోహచమత్కారః జగన్నాటకసూత్రధృత్ |
జగన్మంగళకర్తా చ జగన్మాయేతిబోధకః || 94 ||
జడోన్మత్తపిశాచాభోప్యంతఃసచ్చిత్సుఖస్థితః |
జన్మబంధవినిర్ముక్తః జన్మసాఫల్యమంత్రదః || 95 ||
జన్మజన్మాంతరజ్ఞశ్చ జన్మనాశరహస్యవిత్ |
జనజల్పమనాద్యత్య జపసిద్ధిమహాద్యుతిః || 96 ||
జప్తనామసుసంతుష్టహరిప్రత్యక్షభావితః |
జపప్రేరితభక్తశ్చ జప్యనామా జనేశ్వరః || 97 ||
జలహీనస్థలే ఖిన్నభక్తార్థం జలసృష్టికృత్ |
జవారాలీతి మౌలానాసేవనేఽక్లిష్టమానసః || 98 ||
జాతగ్రామాద్గురోర్గ్రామం తస్మాత్పూర్వస్థలం వ్రజన్ |
జాతిర్భేదమతైర్భేద ఇతి భేదతిరస్కృతః || 99 ||
జాతివిద్యాధనైశ్చాపి హీనానార్ద్రహృదావనః |
జాంబూనదపరిత్యాగీ జాగరూకావితప్రజః || 100 ||
జాయాపత్యగృహక్షేత్రస్వజనస్వార్థవర్జితః |
జితద్వైతమహామోహో జితక్రోధో జితేంద్రియః || 101 ||
జితకందర్పదర్పశ్చ జితాత్మా జితషడ్రిపుః |
జీర్ణహూణాలయస్థానే పూర్వజన్మకృతం స్మరన్ || 102 ||
జీర్ణహూణాలయం చాద్య సర్వమర్త్యాలయంకరః |
జీర్ణవస్త్రసమం మత్వా దేహం త్యక్త్వా సుఖం స్థితః || 103 ||
జీర్ణవస్త్రసమం పశ్యన్ త్యక్త్వా దేహం ప్రవిష్టవాన్ |
జీవన్ముక్తశ్చ జీవానాం ముక్తిసద్గతిదాయకః || 104 ||
జ్యోతిశ్శాస్త్రరహస్యజ్ఞః జ్యోతిర్జ్ఞానప్రదస్తథా |
జ్యోక్చసూర్యం దృశా పశ్యన్ జ్ఞానభాస్కరమూర్తిమాన్ || 105 ||
జ్ఞాతసర్వరహస్యశ్చ జ్ఞాతబ్రహ్మపరాత్పరః |
జ్ఞానభక్తిప్రదశ్చాసౌ జ్ఞానవిజ్ఞాననిశ్చయః || 106 ||
జ్ఞానశక్తిసమారూఢః జ్ఞానయోగవ్యవస్థితః |
జ్ఞానాగ్నిదగ్ధకర్మా చ జ్ఞాననిర్ధూతకల్మషః || 107 ||
జ్ఞానవైరాగ్యసంధాతా జ్ఞానసంఛిన్నసంశయః |
జ్ఞానాపాస్తమహామోహః జ్ఞానీత్యాత్మైవ నిశ్చయః || 108 ||
జ్ఞానేశ్వరీపఠద్దైవప్రతిబంధనివారకః |
జ్ఞానం జ్ఞేయం జ్ఞానగంయం జ్ఞాతసర్వ పరం మతః || 109 ||
జ్యోతిషాం ప్రథమజ్యోతిర్జ్యోతిర్హీనద్యుతిప్రదః |
తపస్సందీప్తతేజస్వీ తప్తకాంచనసన్నిభః || 110 ||
తత్త్వజ్ఞానార్థదర్శీ చ తత్త్వమస్యాదిలక్షితః |
తత్త్వవిత్ తత్త్వమూర్తిశ్చ తంద్రాఽఽలస్యవివర్జితః || 111 ||
తత్త్వమాలాధరశ్చైవ తత్త్వసారవిశారదః |
తర్జితాంతకదూతశ్చ తమసః పరః ఉచ్యతే || 112 ||
తాత్యాగణపతిప్రేష్ఠస్తాత్యానూల్కర్గతిప్రదః |
తారకబ్రహ్మనామా చ తమోరజోవివర్జితః || 113 ||
తామరసదళాక్షశ్చ తారాబాయ్యాసురక్షః |
తిలకపూజితాంఘ్రిశ్చ తిర్యగ్జంతుగతిప్రదః || 114 ||
తీర్థకృతనివాసశ్చ తీర్థపాద ఇతీరితః |
తీవ్రభక్తినృసింహాదిభక్తాలీభూర్యనుగ్రహః || 115 ||
తీవ్రప్రేమవిరాగాప్తవేంకటేశకృపానిధిః |
తుల్యప్రియాఽప్రియశ్చైవ తుల్యనిందాఽఽత్మసంస్తుతిః || 116 ||
తుల్యాధికవిహీనశ్చ తుష్టసజ్జనసంవృతః |
తృప్తాత్మా చ తృషాహీనస్తృణీకృతజగద్వసుః || 117 ||
తైలీకృతజలాపూర్ణదీపసంజ్వలితాలయః |
త్రికాలజ్ఞస్త్రిమూర్తిశ్చ త్రిగుణాతీత ఉచ్యతే || 118 ||
త్రియామాయోగనిష్ఠాత్మా దశదిగ్భక్తపాలకః |
త్రివర్గమోక్షసంధాతా త్రిపుటీరహితస్థితిః || 119 ||
త్రిలోకస్వేచ్ఛసంచారీ త్రైలోక్యతిమిరాపహః |
త్యక్తకర్మఫలాసంగస్త్యక్తభోగసదాసుఖీ || 120 ||
త్యక్తదేహాత్మబుద్ధిశ్చ త్యక్తసర్వపరిగ్రహః |
త్యక్త్వా మాయామయం సర్వం స్వే మహింని సదాస్థితః || 121 ||
దండధృద్దండనార్హాణాం దుష్టవృత్తేర్నివర్తకః |
దంభదర్పాతిదూరశ్చ దక్షిణామూర్తిరేవ చ || 122 ||
దక్షిణాదానకర్తృభ్యో దశధాప్రతిదాయకః |
దక్షిణాప్రార్థనాద్వారా శుభకృత్తత్త్వబోధకః || 123 ||
దయాపరో దయాసింధుర్దత్తాత్రేయః స ఏవ హి |
దరిద్రోఽయం ధనీవేతి భేదాచారవివర్జితః || 124 ||
దహరాకాశభానుశ్చ దగ్ధహస్తార్భకావనః |
దారిద్ర్యదుఃఖభీతిఘ్నో దామోదరవరప్రదః || 125 ||
దానశౌండస్తథా దాంతర్దానైశ్చాన్యాన్ వశం నయన్ |
దానమార్గస్ఖలత్పాదనానాచాందోర్కరావనః || 126 ||
దివ్యజ్ఞానప్రదశ్చాసౌ దివ్యమంగళవిగ్రహః |
దీనదయాపరశ్చాసౌ దీర్ఘదృగ్దీనవత్సలః || 127 ||
దుష్టానాం దమనే శక్తః దురాధర్షతపోబలః |
దుర్భిక్షోఽప్యన్నదాతా చ దురాదృష్టవినాశకృత్ || 128 ||
దుఃఖశోకభయద్వేషమోహాద్యశుభనాశకః |
దుష్టనిగ్రహశిష్టానుగ్రహరూపమహావ్రతః || 129 ||
దుష్టమూర్ఖజడాదీనామప్రకాశస్వరూపవతే |
దుష్టజంతుపరిత్రాతా దూరవర్తిసమస్తదృక్ || 130 ||
దృశ్యం నశ్యం న విశ్వాస్యమితి బుద్ధిప్రబోధకః |
దృశ్యం సర్వం హి చైతన్యమిత్యానందప్రతిష్ఠః || 131 ||
దేహే విగలితాశశ్చ దేహయాత్రార్థమన్నభుక్ |
దేహో గేహస్తతో మాంతు నిన్యే గురురితీరకః || 132 ||
దేహాత్మబుద్ధిహీనశ్చ దేహమోహప్రభంజనః |
దేహో దేవాలయస్తస్మిన్ దేవం పశ్యేత్యుదీరయన్ || 133 ||
దైవీసంపత్ప్రపూర్ణశ్చ దేశోద్ధారసహాయకృత్ |
ద్వంద్వమోహవినిర్ముక్తః ద్వంద్వాతీతవిమత్సరః || 134 ||
ద్వారకామాయివాసీ చ ద్వేషద్రోహవివర్జితః |
ద్వైతాద్వైతవిశిష్ఠాదీన్ కాలే స్థానే విబోధకః || 135 ||
ధనహీనాన్ ధనాఢ్యాం చ సమదృష్ట్యైవ రక్షకః |
ధనదేనసమత్యాగీ ధరణీధరసన్నిభః || 136 ||
ధర్మజ్ఞో ధర్మసేతుశ్చ ధర్మస్థాపనసంభవః |
ధుమాలేఉపాసనీపత్న్యో నిర్వాణే సద్గతిప్రదః || 137 ||
ధూపఖేడా పటేల్ చాంద్భాయ్ నష్టాశ్వస్థానసూచకః |
ధూమయానాత్ పతత్పాథేవారపత్నీ సురక్షకః || 138 ||
ధ్యానావస్థితచేతాశ్చ ధృత్యుత్సాహసమన్వితః |
నతజనావనశ్చాసౌ నరలోకమనోరమః || 139 ||
నష్టదృష్టిప్రదాతా చ నరలోకవిడంబనః |
నాగసర్పే మయూరే చ సమారూఢ షడాననః || 140 ||
నానాచాందోర్కమాహూయా తత్సద్గత్యై కృతోద్యమః |
నానా నింహోణ్కరస్యాంతే స్వాంఘ్రి ధ్యానలయప్రదః || 141 ||
నానాదేశాభిధాకారో నానావిధిసమర్చితః |
నారాయణమహారాజసంశ్లాఘితపదాంబుజః || 142 ||
నారాయణపరశ్చైష తథాసౌ నామవర్జితః |
నిగృహితేంద్రియగ్రామః నిగమాగమగోచరః || 143 ||
నిత్యసర్వగతస్థాణుర్నిత్యతృప్తో నిరాశ్రయః |
నిత్యాన్నదానధర్మిష్ఠో నిత్యానందప్రవాహకః || 144 ||
నిత్యమంగళధామా చ నిత్యాగ్నిహోత్రవర్ధనః |
నిత్యకర్మనియోక్తా చ నిత్యసత్త్వస్థితస్తథా || 145 ||
నింబపాదపమూలస్థః నిరంతరాగ్నిరక్షితా |
నిస్పృహో నిర్వికల్పశ్చ నిరంకుశగతాగతిః || 146 ||
నిర్జితకామనాదోషః నిరాశశ్చ నిరంజనః |
నిర్వికల్పసమాధిస్థో నిరపేక్షశ్చ నిర్గుణః || 147 ||
నిర్ద్వంద్వో నిత్యసత్త్వస్థో నిర్వికారశ్చ నిశ్చలః |
నిరాలంబో నిరాకారో నివృత్తగుణదోషకః || 148 ||
నూల్కర విజయానంద మాహిషాం గతిదాయకః | [దత్త సద్గతిః] నరసింహ గణూదాస దత్త ప్రచారసాధనః || 149 ||
నైష్ఠికబ్రహ్మచర్యశ్చ నైష్కర్ంయపరినిష్ఠితః |
పండరీపాండురంగాఖ్యః పాటిల్ తాత్యాజీ మాతులః || 150 ||
పతితపావనశ్చాసౌ పత్రిగ్రామసముద్భవః |
పదవిసృష్టగంగాంభః పదాంబుజనతావనః || 151 ||
పరబ్రహ్మస్వరూపీ చ పరమకరుణాలయః |
పరతత్త్వప్రదీపశ్చ పరమార్థనివేదకః || 152 ||
పరమానందనిస్యందః పరంజ్యోతిః పరాత్పరః |
పరమేష్ఠీ పరంధామా పరమేశ్వరః హ్యేవ సః || 153 ||
పరమసద్గురుశ్చాసౌ పరమాచార్య ఉచ్యతే |
పరధర్మభయాద్భక్తాన్ స్వే స్వే ధర్మే నియోజకః || 154 ||
పరార్థైకాంతసంభూతిః పరమాత్మా పరాగతిః |
పాపతాపౌఘసంహారీ పామరవ్యాజపండితః || 155 ||
పాపాద్దాసం సమాకృష్య పుణ్యమార్గ ప్రవర్తకః |
పిపీలికాసుఖాన్నదః పిశాచేశ్వ వ్యవస్థితః || 156 ||
పుత్రకామేష్ఠి యాగాదేః ఋతే సంతానవర్ధనః |
పునరుజ్జీవితప్రేతః పునరావృత్తినాశకః || 157 ||
పునః పునరిహాగంయ భక్తేభ్యః సద్గతిప్రదః |
పుండరీకాయతాక్షశ్చ పుణ్యశ్రవణకీర్తనః || 158 ||
పురందరాదిభక్తాగ్ర్యపరిత్రాణధురంధరః |
పురాణపురుషశ్చాసౌ పురీశః పురుషోత్తమః || 159 ||
పూజాపరాఙ్ముఖః పూర్ణః పూర్ణవైరాగ్యశోభితః |
పూర్ణానందస్వరూపీ చ తథా పూర్ణకృపానిధిః || 160 ||
పూర్ణచంద్రసమాహ్లాదీ పూర్ణకామశ్చ పూర్వజః |
ప్రణతపాలనోద్యుక్తః ప్రణతార్తిహరస్తథా || 161 ||
ప్రత్యక్షదేవతామూర్తిః ప్రత్యగాత్మనిదర్శకః |
ప్రపన్నపారిజాతశ్చ ప్రపన్నానాం పరాగతిః || 162 ||
ప్రమాణాతీతచిన్మూర్తిః ప్రమాదాభిధమృత్యుజిత్ |
ప్రసన్నవదనశ్చాసౌ ప్రసాదాభిముఖద్యుతిః || 163 ||
ప్రశస్తవాక్ ప్రశాంతాత్మా ప్రియసత్యముదాహరన్ |
ప్రేమదః ప్రేమవశ్యశ్చ ప్రేమమార్గైకసాధనః || 164 ||
బహురూపనిగూఢాత్మా బలదృప్తదమక్షమః |
బలాతిదర్పభయ్యాజిమహాగర్వవిభంజనః || 165 ||
బుధసంతోషదశ్చైవ బుద్ధః బుధజనావనః |
బృహద్బంధవిమోక్తా చ బృహద్భారవహక్షమః || 166 ||
బ్రహ్మకులసముద్భూతః బ్రహ్మచారివ్రతస్థితః |
బ్రహ్మానందామృతేమగ్నః బ్రహ్మానందః స ఏవ చ || 167 ||
బ్రహ్మానందలసద్దృష్టిః బ్రహ్మవాదీ బృహచ్ఛ్రవః |
బ్రాహ్మణస్త్రీవిసృష్టోల్కాతర్జితశ్వాకృతిస్తథా || 168 ||
బ్రాహ్మణానాం మశీదిస్థః బ్రహ్మణ్యో బ్రహ్మవిత్తమః |
భక్తదాసగణూప్రాణమానవృత్త్యాదిరక్షకః || 169 ||
భక్తాత్యంతహితైషీ చ భక్తాశ్రితదయాపరః |
భక్తార్థే ధృతదేహశ్చ భక్తార్థే దగ్ధహస్తకః || 170 ||
భక్తపరాగతిశ్చాసౌ భక్తవత్సల ఏవ చ |
భక్తమానసవాసీ చ భక్తాతిసులభస్తథా || 171 ||
భక్తభవాబ్ధిపోతశ్చ భగవాన్ భజతాం సుహృత్ |
భక్తసర్వస్వహారీ చ భక్తానుగ్రహకాతరః || 172 ||
భక్తరాస్న్యాది సర్వేషాం అమోఘాభయసంప్రదః |
భక్తావనసమర్థశ్చ భక్తావనధురంధరః || 173 ||
భక్తభావపరాధీనః భక్తాత్యంతహితౌషధం |
భక్తావనప్రతిజ్ఞశ్చ భజతామిష్టకామధుక్ || 174 ||
భక్తహృత్పద్మవాసీ చ భక్తిమార్గప్రదర్శకః |
భక్తాశయవిహారీ చ భక్తసర్వమలాపహః || 175 ||
భక్తబోధైకనిష్ఠశ్చ భక్తానాం సద్గతిప్రదః |
భద్రమార్గప్రదర్శీ చ భద్రం భద్రమితి బ్రువన్ || 176 ||
భద్రశ్రవశ్చ భన్నూమాయి సాధ్వీమహితశాసనః |
భయసంత్రస్తకాపర్దేఽమోఘాభయవరప్రదః || 177 ||
భయహీనో భయత్రాతా భయకృద్భయనాశనః |
భవవారిధిపోతశ్చ భవలుంఠనకోవిదః || 178 ||
భస్మదాననిరస్తాధివ్యాధిదుఃఖాఽశుభాఽఖిలః |
భస్మసాత్కృతభక్తారీ భస్మసాత్కృతమన్మథః || 179 ||
భస్మపూతమశీదిస్థః భస్మదగ్ధాఖిలామయః |
భాగోజి కుష్ఠరోగఘ్నః భాషాఖిలసువేదితః || 180 ||
భాష్యకృద్భావగంయశ్చ భారసర్వపరిగ్రహః |
భాగవతసహాయశ్చ భావనాశూన్యతః సుఖీ || 181 ||
భాగవతప్రధానశ్చ తథా భాగవతోత్తమః |
భాటేద్వేషం సమాకృష్య భక్తిం తస్మై ప్రదత్తవాన్ || 182 ||
భిల్లరూపేణ దత్తాంభః భిక్షాన్నదానశేషభుక్ |
భిక్షాధర్మమహారాజో భిక్షౌఘదత్తభోజనః || 183 ||
భీమాజి క్షయపాపఘ్నస్తథా భీమబలాన్వితః |
భీతానాం భీతినాశీ చ తథా భీషణభీషణః || 184 ||
భీషాచాలితసుర్యాగ్నిమఘవన్మృత్యుమారుతః |
భుక్తిముక్తిప్రదాతా చ భుజగాద్రక్షితప్రజః || 185 ||
భుజంగరూపమావిశ్య సహస్రజనపూజితః |
భుక్త్వా భోజనదాతౄణాం దగ్ధప్రాగుత్తరాశుభః || 186 ||
భూటిద్వారా గృహం బద్ధ్వా కృతసర్వమతాలయః |
భూభృత్సమోపకారీ చ భూమాఽసౌ భూశయస్తథా || 187 ||
భూతశరణ్యభూతశ్చ భూతాత్మా భూతభావనః |
భూతప్రేతపిశాచాదీన్ ధర్మమార్గే నియోజయన్ || 188 ||
భృత్యస్యభృత్యసేవాకృత్ భృత్యభారవహస్తథా |
భేకం దత్తవరం స్మృత్వా సర్పస్యాదపి రక్షకః || 189 ||
భోగైశ్వర్యేష్వసక్తాత్మా భైషజ్యేభిషజాంవరః |
మర్కరూపేణ భక్తస్య రక్షణే తేన తాడితః || 190 ||
మంత్రఘోషమశీదిస్థః మదాభిమానవర్జితః |
మధుపానభృశాసక్తిం దివ్యశక్త్యా వ్యపోహకః || 191 ||
మశీధ్యాం తులసీపూజాం అగ్నిహోత్రం చ శాసకః |
మహావాక్యసుధామగ్నః మహాభాగవతస్తథా || 192 ||
మహానుభావతేజస్వీ మహాయోగేశ్వరశ్చ సః |
మహాభయపరిత్రాతా మహాత్మా చ మహాబలః || 193 ||
మాధవరాయదేశ్పాండే సఖ్యుః సాహాయ్యకృత్తథా |
మానాపమానయోస్తుల్యః మార్గబంధుశ్చ మారుతిః || 194 ||
మాయామానుష రూపేణ గూఢైశ్వర్యపరాత్పరః |
మార్గస్థదేవసత్కారః కార్య ఇత్యనుశాసితా || 195 ||
మారీగ్రస్థ బూటీత్రాతా మార్జాలోచ్ఛిష్ఠభోజనః |
మిరీకరం సర్పగండాత్ దైవాజ్ఞాప్తాద్విమోచయన్ || 196 ||
మితవాక్ మితభుక్ చైవ మిత్రేశత్రౌసదాసమః |
మీనాతాయీ ప్రసూత్యర్థం ప్రేషితాయ రథం దదత్ || 197 ||
ముక్తసంగ ఆనంవాదీ ముక్తసంసృతిబంధనః |
ముహుర్దేవావతారాది నామోచ్చారణనివృతః || 198 ||
మూర్తిపూజానుశాస్తా చ మూర్తిమానప్యమూర్తిమాన్ |
మూలేశాస్త్రీ గురోర్ఘోలప మహారాజస్య రూపధృత్ || 199 ||
మృతసూనుం సమాకృష్య పూర్వమాతరి యోజయన్ |
మృదాలయనివాసీ చ మృత్యుభీతివ్యపోహకః || 200 ||
మేఘశ్యామాయపూజార్థం శివలింగముపాహరన్ |
మోహకలిలతీర్ణశ్చ మోహసంశయనాశకః || 201 ||
మోహినీరాజపూజాయాం కుల్కర్ణ్యప్పా నియోజకః |
మోక్షమార్గసహాయశ్చ మౌనవ్యాఖ్యాప్రబోధకః || 202 ||
యజ్ఞదానతపోనిష్ఠః యజ్ఞశిష్ఠాన్నభోజనః |
యతీంద్రియమనోబుద్ధిః యతిధర్మసుపాలకః || 203 ||
యతో వాచో నివర్తంతే తదానందసునిష్ఠితః |
యత్నాతిశయసేవాప్త గురుపూర్ణకృపాబలః || 204 ||
యథేచ్ఛసూక్ష్మసంచారీ యథేష్టదానధర్మకృత్ |
యంత్రారూఢం జగత్సర్వం మాయయా భ్రామయత్ప్రభుః || 205 ||
యమకింకరసంత్రస్త సామంతస్య సహాయకృత్ |
యమదూతపరిక్లిష్టపురందరసురక్షకః || 206 ||
యమభీతివినాశీ చ యవనాలయభూషణః |
యశసాపిమహారాజః యశఃపూరితభారతః || 207 ||
యక్షరక్షఃపిశాచానాం సాన్నిధ్యాదేవనాశకః |
యుక్తభోజననిద్రశ్చ యుగాంతరచరిత్రవిత్ || 208 ||
యోగశక్తిజితస్వప్నః యోగమాయాసమావృతః |
యోగవీక్షణసందత్తపరమానందమూర్తిమాన్ || 209 ||
యోగిభిర్ధ్యానగంయశ్చ యోగక్షేమవహస్తథా |
రథస్య రజతాశ్వేషు హృతేష్వంలానమానసః || 210 ||
రసశ్చ రససారజ్ఞః రసనారసజిచ్చ సః |
రసోఽప్యస్య పరం దృష్ట్వా నివర్తితమహాయశః || 211 ||
రక్షణాత్పోషణాత్సర్వపితృమాతృగురుప్రభుః |
రాగద్వేషవియుక్తాత్మా రాకాచంద్రసమాననః || 212 ||
రాజీవలోచనశ్చైషః రాజభిశ్చాభివందితః |
రామభక్తిప్రపూర్ణశ్చ రామరూపప్రదర్శకః || 213 ||
రామసారూప్యలబ్ధశ్చ రామసాయీతి విశ్రుతః |
రామదూతమయశ్చాసౌ రామమంత్రోపదేశకః || 214 ||
రామమూర్త్యాదిశంకర్తా రాసనేకులవర్ధనః |
రుద్రతుల్యప్రకోపశ్చ రుద్రకోపదమక్షమః || 215 ||
రుద్రవిష్ణుకృతాభేదః రూపిణీరూప్యమోహజిత్ |
రూపే రూపే చిదాత్మానం పశ్యధ్వమితి బోధకః || 216 ||
రూపాద్రూపాంతరం యాతోఽమృత ఇత్యభయప్రదః |
రేగే శిశోః తథాంధస్య సతాంగతి విధాయకః || 217 ||
రోగదారిద్ర్యదుఃఖాదీన్ భస్మదానేన వారయన్ |
రోదనాతార్ద్రచిత్తశ్చ రోమహర్షాదవాకృతిః || 218 ||
లఘ్వాశీ లఘునిద్రశ్చ లబ్ధాశ్వగ్రామణిస్తుతః |
లగుడోద్ధృతరోహిల్లాస్తంభనాద్దర్పనాశకః || 219 ||
లలితాద్భుతచారిత్రః లక్ష్మీనారాయణస్తథా |
లీలామానుషదేహస్థో లీలామానుషకర్మకృత్ || 220 ||
లేలేశాస్త్రి శ్రుతిప్రీత్యా మశీది వేదఘోషణః |
లోకాభిరామో లోకేశో లోలుపత్వవివర్జితః || 221 ||
లోకేషు విహరంశ్చాపి సచ్చిదానందసంస్థితః |
లోణివార్ణ్యగణూదాసం మహాపాయాద్విమోచకః || 222 ||
వస్త్రవద్వపురుద్వీక్ష్య స్వేచ్ఛత్యక్తకలేబరః |
వస్త్రవద్దేహముత్సృజ్య పునర్దేహం ప్రవిష్టవాన్ || 223 ||
వంధ్యాదోషవిముక్త్యర్థం తద్వస్త్రే నారికేలదః |
వాసుదేవైకసంతుష్టిః వాదద్వేషమదాఽప్రియః || 224 ||
విద్యావినయసంపన్నో విధేయాత్మా చ వీర్యవాన్ |
వివిక్తదేశసేవీ చ విశ్వభావనభావితః || 225 ||
విశ్వమంగళమాంగళ్యో విషయాత్ సంహృతేంద్రియః |
వీతరాగభయక్రోధః వృద్ధాంధేక్షణసంప్రదః || 226 ||
వేదాంతాంబుజసూర్యశ్చ వేదిస్థాగ్నివివర్ధనః |
వైరాగ్యపూర్ణచారిత్రః వైకుంఠప్రియకర్మకృత్ || 227 ||
వైహాయసగతిశ్చాసౌ వ్యామోహప్రశమౌషధం |
శత్రుచ్ఛేదైకమంత్రం స శరణాగతవత్సలః || 228 ||
శరణాగతభీమాజీశ్వాంధభేకాదిరక్షకః |
శరీరస్థాఽశరీరస్థః శరీరానేకసంభృతః || 229 ||
శశ్వత్పరార్థసర్వేహః శరీరకర్మకేవలః |
శాశ్వతధర్మగోప్తా చ శాంతిదాంతివిభూషితః || 230 ||
శిరస్తంభితగంగాంభః శాంతాకారః స ఏవ చ |
శిష్టధర్మమనుప్రాప్య మౌలానా పాదసేవితః || 231 ||
శివదః శివరూపశ్చ శివశక్తియుతస్తథా |
శిరీయానసుతోద్వాహం యథోక్తం పరిపూరయన్ || 232 ||
శీతోష్ణసుఖదుఃఖేషు సమః శీతలవాక్సుధః |
శిర్డిన్యస్తగురోర్దేహః శిర్డిత్యక్తకలేబరః || 233 ||
శుక్లాంబరధరశ్చైవ శుద్ధసత్త్వగుణస్థితః |
శుద్ధజ్ఞానస్వరూపశ్చ శుభాఽశుభవివర్జితః || 234 ||
శుభ్రమార్గేణ నేతా నౄన్ తద్విష్ణోః పరమం పదం |
శేలుగురుకులేవాసీ శేషశాయీ తథైవ చ || 235 ||
శ్రీకంఠః శ్రీకరః శ్రీమాన్ శ్రేష్ఠః శ్రేయోవిధాయకః |
శ్రుతిస్మృతిశిరోరత్నవిభూషితపదాంబుజః || 236 ||
శ్రేయాన్ స్వధర్మ ఇత్యుక్త్వా స్వేస్వేధర్మనియోజకః |
సఖారామసశిష్యశ్చ సకలాశ్రయకామదుక్ || 237 ||
సగుణోనిర్గుణశ్చైవ సచ్చిదానందమూర్తిమాన్ |
సజ్జనమానసవ్యోమరాజమానసుధాకరః || 238 ||
సత్కర్మనిరతశ్చాసౌ సత్సంతానవరప్రదః |
సత్యవ్రతశ్చ సత్యం చ సత్సులభోఽన్యదుర్లభః || 239 ||
సత్యవాక్ సత్యసంకల్పః సత్యధర్మపరాయణః |
సత్యపరాక్రమశ్చాసౌ సత్యద్రష్టా సనాతనః || 240 ||
సత్యనారాయణశ్చాసౌ సత్యతత్త్వప్రబోధకః |
సత్పురుషః సదాచారః సదాపరహితేరతః || 241 ||
సదాక్షిప్తనిజానందః సదానందశ్చ సద్గురుః |
సదాజనహితోద్యుక్తః సదాత్మా చ సదాశివః || 242 ||
సదార్ద్రచిత్తః సద్రూపీ సదాశ్రయః సదాజితః |
సన్యాసయోగయుక్తాత్మా సన్మార్గస్థాపనవ్రతః || 243 ||
సబీజం ఫలమాదాయ నిర్బీజం పరిణామకః |
సమదుఃఖసుఖస్వస్థః సమలోష్టాశ్మకాంచనః || 244 ||
సమర్థసద్గురుశ్రేష్ఠః సమానరహితశ్చ సః |
సమాశ్రితజనత్రాణవ్రతపాలనతత్పరః || 245 ||
సముద్రసమగాంభీర్యః సంకల్పరహితశ్చ సః |
సంసారతాపహార్యంఘ్రిః తథా సంసారవర్జితః || 246 ||
సంసారోత్తారనామా చ సరోజదళకోమలః |
సర్పాదిభయహారీ చ సర్పరూపేఽప్యవస్థితః || 247 ||
సర్వకర్మఫలత్యాగీ సర్వత్రసమవస్థితః |
సర్వతఃపాణిపాదశ్చ సర్వతోఽక్షిశిరోముఖః || 248 ||
సర్వతఃశ్రుతిమన్మూర్తిః సర్వమావృత్యసంస్థితః |
సర్వధర్మసమత్రాతా సర్వధర్మసుపూజితః || 249 ||
సర్వధర్మాన్ పరిత్యజ్య గుర్వీశం శరణం గతః |
సర్వధీసాక్షిభూతశ్చ సర్వనామాభిసూచితః || 250 ||
సర్వభూతాంతరాత్మా చ సర్వభూతాశయస్థితః |
సర్వభూతాదివాసశ్చ సర్వభూతహితేరతః || 251 ||
సర్వభూతాత్మభూతాత్మా సర్వభూతసుహృచ్చ సః |
సర్వభూతనిశోన్నిద్రః సర్వభూతసమాదృతః || 252 ||
సర్వజ్ఞః సర్వవిత్ సర్వః సర్వమతసుసంమతః |
సర్వబ్రహ్మమయం ద్రష్టా సర్వశక్త్యుపబృంహితః || 253 ||
సర్వసంకల్పసన్యాసీ తథా సర్వసంగవివర్జితః |
సర్వలోకశరణ్యశ్చ సర్వలోకమహేశ్వరః || 254 ||
సర్వేశః సర్వరూపీ చ సర్వశత్రునిబర్హణః |
సర్వైశ్వర్యైకమంత్రం చ సర్వేప్సితఫలప్రదః || 255 ||
సర్వోపకారకారీ చ సర్వోపాస్యపదాంబుజః |
సహస్రశిర్షమూర్తిశ్చ సహస్రాక్షః సహస్రపాత్ || 256 ||
సహస్రనామసుశ్లాఘీ సహస్రనామలక్షితః |
సాకారోఽపి నిరాకారః సాకారార్చాసుమానితః || 257 ||
(*- సాధుజనపరిత్రాతా సాధుపోషకస్తథైవ చ | -*)
సాయీతి సజ్జానైః ప్రోక్తః సాయీదేవః స ఏవ హి |
సాయీరాం సాయినాథశ్చ సాయీశః సాయిసత్తమః || 258 ||
సాలోక్యసార్ష్టిసామీప్యసాయుజ్యపదదాయకః |
సాక్షాత్కృతహరిప్రీత్యా సర్వశక్తియుతశ్చ సః || 259 ||
సాక్షాత్కారప్రదాతా చ సాక్షాన్మన్మథమర్దనః |
సిద్ధేశః సిద్ధసంకల్పః సిద్ధిదః సిద్ధవాఙ్ముఖః || 260 ||
సుకృతదుష్కృతాతీతః సుఖేషువిగతస్పృహః |
సుఖదుఃఖసమశ్చైవ సుధాస్యందిముఖోజ్వలః || 261 ||
స్వేచ్ఛామాత్రజడద్దేహః స్వేచ్ఛోపాత్తతనుస్తథా |
స్వీకృతభక్తరోగశ్చ స్వేమహింనిప్రతిష్ఠితః || 262 ||
హరిసాఠే తథా నానాం కామాదేః పరిరక్షకః |
హర్షామర్షభయోద్వేగైర్నిర్ముక్తవిమలాశయః || 263 ||
హిందుముస్లింసమూహానాం మైత్రీకరణతత్పరః |
హూంకారేణైవ సుక్షిప్రం స్తబ్ధప్రచండమారుతః || 264 ||
హృదయగ్రంథిభేదీ చ హృదయగ్రంథివర్జితః |
క్షాంతానంతదౌర్జన్యః క్షితిపాలాదిసేవితః |
క్షిప్రప్రసాదదాతా చ క్షేత్రీకృతస్వశిర్డికః || 265 ||
ఇతి శ్రీ సాయి సహస్రనామ స్తోత్రం ||