విశ్వరూపిణి సర్వాత్మే విశ్వభూతైకనాయకి |
లలితా పరమేశాని సంవిద్వహ్నేః సముద్భవ || 1 ||
ఆనందరూపిణి పరే జగదానందదాయిని |
లలితా పరమేశాని సంవిద్వహ్నేః సముద్భవ || 2 ||
జ్ఞాతృజ్ఞానజ్ఞేయరూపే మహాజ్ఞానప్రకాశిని |
లలితా పరమేశాని సంవిద్వహ్నేః సముద్భవ || 3 ||
లోకసంహారరసికే కాళికే భద్రకాళికే |
లలితా పరమేశాని సంవిద్వహ్నేః సముద్భవ || 4 ||
లోకసంత్రాణరసికే మంగళే సర్వమంగళే |
లలితా పరమేశాని సంవిద్వహ్నేః సముద్భవ || 5 ||
విశ్వసృష్టిపరాధీనే విశ్వనాథే విశంకటే |
లలితా పరమేశాని సంవిద్వహ్నేః సముద్భవ || 6 ||
సంవిద్వహ్ని హుతాశేష సృష్టిసంపాదితాకృతే |
లలితా పరమేశాని సంవిద్వహ్నేః సముద్భవ || 7 ||
భండాద్యైస్తారకాద్యైశ్చ పీడితానాం సతాం ముదే |
లలితా పరమేశాని సంవిద్వహ్నేః సముద్భవ || 8 ||
ఇతి శ్రీ లలితా అష్టకారికా స్తోత్రం |
Sri Lalitha Ashtakarika Stotram (Avirbhava Stuti) pdf download – శ్రీ లలితా అష్టకారికా స్తోత్రం (ఆవిర్భావ స్తుతిః)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
