Sarva Deva Krutha Sri Lakshmi Stotram pdf download – శ్రీ లక్ష్మీ స్తోత్రం (సర్వదేవ కృతం)

దేవా ఊచుః |
క్షమస్వ భగవత్యంబ క్షమాశీలే పరాత్పరే |
శుద్ధసత్త్వస్వరూపే చ కోపాదిపరివర్జితే || 1 ||
ఉపమే సర్వసాధ్వీనాం దేవీనాం దేవపూజితే |
త్వయా వినా జగత్సర్వం మృతతుల్యం చ నిష్ఫలం || 2 ||
సర్వసంపత్స్వరూపా త్వం సర్వేషాం సర్వరూపిణి |
రాసేశ్వర్యధిదేవీ త్వం త్వత్కలాః సర్వయోషితః || 3 ||
కైలాసే పార్వతీ త్వం చ క్షీరోదే సింధుకన్యకా |
స్వర్గే చ స్వర్గలక్ష్మీస్త్వం మర్త్యలక్ష్మీశ్చ భూతలే || 4 ||
వైకుంఠే చ మహాలక్ష్మీర్దేవదేవీ సరస్వతీ |
గంగా చ తులసీ త్వం చ సావిత్రీ బ్రహ్మలోకతః || 5 ||
కృష్ణప్రాణాధిదేవీ త్వం గోలోకే రాధికా స్వయం |
రాసే రాసేశ్వరీ త్వం చ బృందావన వనే వనే || 6 ||
కృష్ణప్రియా త్వం భాండీరే చంద్రా చందనకాననే |
విరజా చంపకవనే శతశృంగే చ సుందరీ || 7 ||
పద్మావతీ పద్మవనే మాలతీ మాలతీవనే |
కుందదంతీ కుందవనే సుశీలా కేతకీవనే || 8 ||
కదంబమాలా త్వం దేవి కదంబకాననేఽపి చ |
రాజలక్ష్మీః రాజగృహే గృహలక్ష్మీర్గృహే గృహే || 9 ||
ఇత్యుక్త్వా దేవతాః సర్వాః మునయో మనవస్తథా |
రురుదుర్నంరవదనాః శుష్కకంఠోష్ఠతాలుకాః || 10 ||
ఇతి లక్ష్మీస్తవం పుణ్యం సర్వదేవైః కృతం శుభం |
యః పఠేత్ప్రాతరుత్థాయ స వై సర్వం లభేద్ధ్రువం || 11 ||
అభార్యో లభతే భార్యాం వినీతాం సుసుతాం సతీం |
సుశీలాం సుందరీం రంయామతిసుప్రియవాదినీం || 12 ||
పుత్రపౌత్రవతీం శుద్ధాం కులజాం కోమలాం వరాం |
అపుత్రో లభతే పుత్రం వైష్ణవం చిరజీవినం || 13 ||
పరమైశ్వర్యయుక్తం చ విద్యావంతం యశస్వినం |
భ్రష్టరాజ్యో లభేద్రాజ్యం భ్రష్టశ్రీర్లభతే శ్రియం || 14 ||
హతబంధుర్లభేద్బంధుం ధనభ్రష్టో ధనం లభేత్ |
కీర్తిహీనో లభేత్కీర్తిం ప్రతిష్ఠాం చ లభేద్ధ్రువం || 15 ||
సర్వమంగళదం స్తోత్రం శోకసంతాపనాశనం |
హర్షానందకరం శశ్వద్ధర్మమోక్షసుహృత్ప్రదం || 16 ||
ఇతి సర్వదేవకృత శ్రీలక్ష్మీ స్తోత్రం |