Sri Kalika Argala Stotram pdf download – శ్రీ కాళికా అర్గళ స్తోత్రం

అస్య శ్రీ కాళికార్గళ స్తోత్రస్య భైరవ ఋషిరనుష్టుప్ ఛందః శ్రీకాళికా దేవతా మమ సర్వసిద్ధిసాధనే వినియోగః |
ఓం నమస్తే కాళికే దేవి ఆద్యబీజత్రయ ప్రియే |
వశమానయ మే నిత్యం సర్వేషాం ప్రాణినాం సదా || 1 ||
కూర్చయుగ్మం లలాటే చ స్థాతు మే శవవాహినా |
సర్వసౌభాగ్యసిద్ధిం చ దేహి దక్షిణ కాళికే || 2 ||
భువనేశ్వరి బీజయుగ్మం భ్రూయుగే ముండమాలినీ |
కందర్పరూపం మే దేహి మహాకాలస్య గేహిని || 3 ||
దక్షిణే కాళికే నిత్యే పితృకాననవాసిని |
నేత్రయుగ్మం చ మే దేహి జ్యోతిరాలేపనం మహత్ || 4 ||
శ్రవణే చ పునర్లజ్జాబీజయుగ్మం మనోహరం |
మహాశ్రుతిధరత్వం చ మే దేహి ముక్త కుంతలే || 5 ||
హ్రీం హ్రీం బీజద్వయం దేవి పాతు నాసాపుటే మమ |
దేహి నానావిధి మహ్యం సుగంధిం త్వం దిగంబరే || 6 ||
పునస్త్రిబీజప్రథమం దంతోష్ఠరసనాదికం |
గద్యపద్యమయీం వాజీం కావ్యశాస్త్రాద్యలంకృతాం || 7 ||
అష్టాదశపురాణానాం స్మృతీనాం ఘోరచండికే |
కవితా సిద్ధిలహరీం మమ జిహ్వాం నివేశయ || 8 ||
వహ్నిజాయా మహాదేవి ఘంటికాయాం స్థిరా భవ |
దేహి మే పరమేశాని బుద్ధిసిద్ధిరసాయకం || 9 ||
తుర్యాక్షరీ చిత్స్వరూపా కాళికా మంత్రసిద్ధిదా |
సా చ తిష్ఠతు హృత్పద్మే హృదయానందరూపిణీ || 10 ||
షడక్షరీ మహాకాళీ చండకాళీ శుచిస్మితా |
రక్తాసినీ ఘోరదంష్ట్రా భుజయుగ్మే సదాఽవతు || 11 ||
సప్తాక్షరీ మహాకాళీ మహాకాలరతోద్యతా |
స్తనయుగ్మే సూర్యకర్ణో నరముండసుకుంతలా || 12 ||
తిష్ఠ స్వజఠరే దేవి అష్టాక్షరీ శుభప్రదా |
పుత్రపౌత్రకలత్రాది సుహృన్మిత్రాణి దేహి మే || 13 ||
దశాక్షరీ మహాకాళీ మహాకాలప్రియా సదా |
నాభౌ తిష్ఠతు కల్యాణీ శ్మశానాలయవాసినీ || 14 ||
చతుర్దశార్ణవా యా చ జయకాళీ సులోచనా |
లింగమధ్యే చ తిష్ఠస్వ రేతస్వినీ మమాంగకే || 15 ||
గుహ్యమధ్యే గుహ్యకాళీ మమ తిష్ఠ కులాంగనే |
సర్వాంగే భద్రకాళీ చ తిష్ఠ మే పరమాత్మికే || 16 ||
కాళి పాదయుగే తిష్ఠ మమ సర్వముఖే శివే |
కపాలినీ చ యా శక్తిః ఖడ్గముండధరా శివా || 17 ||
పాదద్వయాంగుళిష్వంగే తిష్ఠ స్వపాపనాశిని |
కుల్లాదేవీ ముక్తకేశీ రోమకూపేషు వై మమ || 18 ||
తిష్ఠతు ఉత్తమాంగే చ కురుకుల్లా మహేశ్వరీ |
విరోధినీ విరోధే చ మమ తిష్ఠతు శంకరీ || 19 ||
విప్రచిత్తే మహేశాని ముండధారిణి తిష్ఠ మాం |
మార్గే దుర్మార్గగమనే ఉగ్రా తిష్ఠతు సర్వదా || 20 ||
ప్రభాదిక్షు విదిక్షు మాం దీప్తాం దీప్తం కరోతు మాం |
నీలాశక్తిశ్చ పాతాళే ఘనా చాకాశమండలే || 21 ||
పాతు శక్తిర్బలాకా మే భువం మే భువనేశ్వరీ |
మాత్రా మమ కులే పాతు ముద్రా తిష్ఠతు మందిరే || 22 ||
మితా మే యోగినీ యా చ తథా మిత్రకులప్రదా |
సా మే తిష్ఠతు దేవేశి పృథివ్యాం దైత్యదారిణీ || 23 ||
బ్రాహ్మీ బ్రహ్మకులే తిష్ఠ మమ సర్వార్థదాయినీ |
నారాయణీ విష్ణుమాయా మోక్షద్వారే చ తిష్ఠ మే || 24 ||
మాహేశ్వరీ వృషారూఢా కాశికాపురవాసినీ |
శివతాం దేహి చాముండే పుత్రపౌత్రాది చానఘే || 25 ||
కౌమారీ చ కుమారాణాం రక్షార్థం తిష్ఠ మే సదా |
అపరాజితా విశ్వరూపా జయే తిష్ఠ స్వభావినీ || 26 ||
వారాహీ వేదరూపా చ సామవేదపరాయణా |
నారసింహీ నృసింహస్య వక్షఃస్థలనివాసినీ || 27 ||
సా మే తిష్ఠతు దేవేశి పృథివ్యాం దైత్యదారిణీ |
సర్వేషాం స్థావరాదీనాం జంగమానాం సురేశ్వరీ || 28 ||
స్వేదజోద్భిజాండజానాం చరాణాం చ భయాదికం |
వినాశ్యాప్యభిమతిం చ దేహి దక్షిణ కాళికే || 29 ||
య ఇదం చార్గళం దేవి యః పఠేత్కాళికార్చనే |
సర్వసిద్ధిమవాప్నోతి ఖేచరో జాయతే తు సః || 30 ||