Sri Kalabhairava Kakara Ashtottara Shatanama Stotram pdf download – శ్రీ కాలభైరవ కకార అష్టోత్తరశతనామ స్తోత్రం

అస్య శ్రీశాక్తానందపీయూషస్య నామ శ్రీకాలభైరవాష్టోత్తరశతనామ స్తోత్ర మహామంత్రస్య శ్రీ ఆనందభైరవ ఋషిః అనుష్టుప్ ఛందః శ్రీ కాలభైరవో దేవతా హ్రీం బీజం హ్సౌః శక్తిః క్ష్ఫ్రౌం కీలకం శ్రీకాలభైరవప్రసాదసిద్ధ్యర్థే జపే వినియోగః ||
ఋష్యాదిన్యాసాః –
శ్రీఆనందభైరవ ఋషయే నమః శిరసి |
అనుష్టుప్ ఛందసే నమో ముఖే |
శ్రీకాలభైరవ దేవతాయై నమో హృదయే |
హ్రీం బీజాయ నమో గుహ్యే |
హ్సౌః శక్తయే నమః పాదయోః |
క్ష్ఫ్రౌం కీలకాయ నమో నాభౌ |
వినియోగాయ నమః సర్వాంగే ||
కరన్యాసాః –
క్ష్ఫ్రాం అంగుష్ఠాభ్యాం నమః |
క్ష్ఫ్రీం తర్జనీభ్యాం నమః |
క్ష్ఫ్రూం మధ్యమాభ్యాం నమః |
క్ష్ఫ్రైం అనామికాభ్యాం నమః |
క్ష్ఫ్రౌం కనిష్ఠికాభ్యాం నమః |
క్ష్ఫ్రః కరతలకరపృష్ఠాభ్యాం నమః ||
హృదయాదిన్యాసాః –
క్ష్ఫ్రాం హృదయాయ నమః |
క్ష్ఫ్రీం శిరసే స్వాహా |
క్ష్ఫ్రూం శిఖాయై వషట్ |
క్ష్ఫ్రైం కవచాయ హుం |
క్ష్ఫ్రౌం నేత్రత్రయాయ వౌషట్ |
క్ష్ఫ్రః అస్త్రాయ ఫట్ ||
ధ్యానం –
శ్వస్థం త్రీక్షణశోభితం శ్రితజనోద్ధారం కృపాసాగరం
ఆంనాయాస్యకరోటిఖర్పకరం దండం ధరంతం సదా |
శ్రీకాశీపురనాయకం సకలమంత్రర్షీశ్వరం మోక్షదం
ధ్యాయేత్తం హృది కాలభైరవగురుం కాంతాసమేతం పరం ||
స్తోత్రం –
కాలభైరవదేవః కాలకాలః కాలదండధృక్ |
కాలాత్మా కామమంత్రాత్మా కాశికాపురనాయకః || 1 ||
కరుణావారిధిః కాంతామిళితః కాళికాతనుః |
కాలజః కుక్కురారూఢః కపాలీ కాలనేమిహా || 2 ||
కాలకంఠః కటాక్షానుగృహీతాఖిలసేవకః |
కపాలఖర్పరోత్కృష్టభిక్షాపాత్రధరః కవిః || 3 ||
కల్పాంతదహనాకారః కళానిధికళాధరః |
కపాలమాలికాభూషః కాళీకులవరప్రదః || 4 ||
కాళీకళావతీదీక్షాసంస్కారోపాసనప్రియః |
కాళికాదక్షపార్శ్వస్థః కాళీవిద్యాస్వరూపవాన్ || 5 ||
కాళీకూర్చసమాయుక్తభువనాకూటభాసురః |
కాళీధ్యానజపాసక్తహృదగారనివాసకః || 6 ||
కాళికావరివస్యాదిప్రదానకల్పపాదపః |
కాళ్యుగ్రావాసవబ్రాహ్మీప్రముఖాచార్యనాయకః || 7 ||
కంకాలమాలికాధారీ కమనీయజటాధరః |
కోణరేఖాష్టపత్రస్థప్రదేశబిందుపీఠగః || 8 ||
కదళీకరవీరార్కకంజహోమార్చనప్రియః |
కూర్మపీఠాదిశక్తీశః కళాకాష్ఠాదిపాలకః || 9 ||
కటప్రూః కామసంచారీ కామారిః కామరూపవాన్ |
కంఠాదిసర్వచక్రస్థః క్రియాదికోటిదీపకః || 10 ||
కర్ణహీనోపవీతాభః కనకాచలదేహవాన్ |
కందరాకారదహరాకాశభాసురమూర్తిమాన్ || 11 ||
కపాలమోచనానందః కాలరాజః క్రియాప్రదః |
కరణాధిపతిః కర్మకారకః కర్తృనాయకః || 12 ||
కంఠాద్యఖిలదేశాహిభూషణాఢ్యః కళాత్మకః |
కర్మకాండాధిపః కిల్బిషమోచీ కామకోష్ఠకః || 13 ||
కలకంఠారవానందీ కర్మశ్రద్ధవరప్రదః |
కుణపాకీర్ణకాంతారసంచారీ కౌముదీస్మితః || 14 ||
కింకిణీమంజునిక్వాణకటీసూత్రవిరాజితః |
కళ్యాణకృత్కలిధ్వంసీ కర్మసాక్షీ కృతజ్ఞపః || 15 ||
కరాళదంష్ట్రః కందర్పదర్పఘ్నః కామభేదనః |
కాలాగురువిలిప్తాంగః కాతరార్తాభయప్రదః || 16 ||
కలందికాప్రదః కాళీభక్తలోకవరప్రదః |
కామినీకాంచనాబద్ధమోచకః కమలేక్షణః || 17 ||
కాదంబరీరసాస్వాదలోలుపః కాంక్షితార్థదః |
కబంధనావః కామాఖ్యాకాంచ్యాదిక్షేత్రపాలకః || 18 ||
కైవల్యప్రదమందారః కోటిసూర్యసమప్రభః |
క్రియేచ్ఛాజ్ఞానశక్తిప్రదీపకానలలోచనః || 19 ||
కాంయాదికర్మసర్వస్వఫలదః కర్మపోషకః |
కార్యకారణనిర్మాతా కారాగృహవిమోచకః || 20 ||
కాలపర్యాయమూలస్థః కార్యసిద్ధిప్రదాయకః |
కాలానురూపకర్మాంగమోషణభ్రాంతినాశనః || 21 ||
కాలచక్రప్రభేదీ కాలింమన్యయోగినీప్రియః |
కాహలాదిమహావాద్యతాళతాండవలాలసః || 22 ||
కులకుండలినీశాక్తయోగసిద్ధిప్రదాయకః |
కాళరాత్రిమహారాత్రిశివారాత్ర్యాదికారకః || 23 ||
కోలాహలధ్వనిః కోపీ కౌలమార్గప్రవర్తకః |
కర్మకౌశల్యసంతోషీ కేళిభాషణలాలసః || 24 ||
కృత్స్నప్రవృత్తివిశ్వాండపంచకృత్యవిధాయకః |
కాలనాథపరః కారః కాలధర్మప్రవర్తకః || 25 ||
కులాచార్యః కులాచారరతః కుహ్వష్టమీప్రియః |
కర్మబంధాఖిలచ్ఛేదీ కోష్ఠస్థభైరవాగ్రణీః || 26 ||
కఠోరౌజస్యభీష్మాజ్ఞాపాలకింకరసేవితః |
కాలరుద్రః కాలవేలాహోరాంశమూర్తిమాన్ కరః || 27 ||
ఇత్యుక్తం గురునాథస్య నాంనామష్టోత్తరం శతం |
శ్రీకాలభైరవస్యేదం రహస్యమతిపావనం || 28 ||
శ్రీశాక్తానందపీయుషం మోక్షసాధనముత్తమం |
విద్యాసర్వస్వసారాఢ్యం యోగినీహృదయంగమం || 29 ||
పుణ్యం సుదుర్లభం గోప్యం శమథప్రదమౌషధం |
కకారమాతృకాబృంహం గుర్వనుగ్రహసిద్ధిదం || 30 ||
యో జపేత్పరయా భక్త్యా ప్రేమధ్యానపరః సదా |
గురుప్రసాదాల్లభతే వరం సర్వమభీప్సితం || 31 ||
ఇతి శ్రీ కాలభైరవ కకార అష్టోత్తరశతనామ స్తోత్రం |