Sri Guhya Kali Vajra Kavacham pdf download – శ్రీ గుహ్యకాళీ వజ్ర కవచం (విశ్వమంగళం)

అస్య విశ్వమంగళం నామ శ్రీ గుహ్యకాళీ మహావజ్రకవచస్య సంవర్త ఋషిః అనుష్టుప్ ఛందః, ఏకవక్త్రాది శతవక్త్రాంతా గుహ్యకాళీ దేవతా, ఫ్రేం బీజం, స్ఫ్రేం శక్తిః, ఛ్రీం కీలకం సర్వాభీష్టసిద్ధి పూర్వక ఆత్మరక్షణే జపే వినియోగః ||
ఓం ఫ్రేం పాతు శిరః సిద్ధికరాళీ కాళికా మమ |
హ్రీం ఛ్రీం లలాటం మే సిద్ధివికరాళి సదాఽవతు || 1 ||
శ్రీం క్లీం ముఖం చండయోగేశ్వరీ రక్షతు సర్వదా |
హూం స్త్రీం కర్ణౌ వజ్రకాపాలినీ మే కాళికాఽవతు || 2 ||
ఐం క్రౌం హనూ కాలసంకర్షణా మే పాతు కాళికా |
క్రీం క్రౌం భ్రువావుగ్రచండా కాళికా మే సదాఽవతు || 3 ||
హాం క్షౌం నేత్రే సిద్ధిలక్ష్మీరవతు ప్రత్యహం మమ |
హూం హ్రౌం నాసాం చండకాపాలినీ మే సర్వదాఽవతు || 4 ||
ఆం ఈం ఓష్ఠాధరౌ పాతు సదా సమయకుబ్జికా |
గ్లూం గ్లౌం దంతాన్ రాజరాజేశ్వరీ మే రక్షతాత్ సదా || 5 ||
జూం సః సదా మే రసనాం పాతు శ్రీజయభైరవీ |
స్ఫ్రేం స్ఫ్రేం పాతు స్వర్ణకూటేశ్వరీ మే చిబుకం సదా || 6 ||
బ్లూం బ్లౌం కంఠం రక్షతు మే సర్వదా తుంబురేశ్వరీ |
క్ష్రూం క్ష్రౌం మే రాజమాతంగీ స్కంధౌ రక్షతు సర్వదా || 7 ||
ఫ్రాం ఫ్రౌం భుజౌ వజ్రచండేశ్వరీ రక్షతు మే సదా |
స్త్రేం స్త్రౌం వక్షఃస్థలం పాతు జయఝంకేశ్వరీ మమ || 8 ||
ఫిం ఫాం కరౌ రక్షతు మే శివదూతీ చ సర్వదా |
ఛ్రైం ఛ్రౌం మే జఠరం పాతు ఫేత్కారీ ఘోరరావిణీ || 9 ||
స్త్రైం స్త్రౌం గుహ్యేశ్వరి నాభిం మమ రక్షతు సర్వదా |
క్షుం క్షౌం పార్శ్వో సదా పాతు బాభువీ ఘోరరూపిణీ || 10 ||
గ్రూం గ్రౌం కులేశ్వరీ పాతు మమ పృష్ఠం చ సర్వదా |
క్లూం క్లౌం కటిం రక్షతు మే భీమాదేవీ భయానకా || 11 ||
హైం హౌం మే రక్షతాదూరూ సర్వదా చండఖేచరీ |
స్ఫ్రోం స్ఫ్రౌం మే జానునీ పాతు కోరంగీ భీషణాననా || 12 ||
త్రీం థ్రీం జంఘాయుగం పాతు తామసీ సర్వదా మమ |
జ్రైం జ్రౌం పాదౌ మహావిద్యా సర్వదా మమ రక్షతు || 13 ||
డ్రీం ఠ్రీం వాగీశ్వరీ సర్వాన్ సంధీన్ దేహస్య మేఽవతు |
ఖ్రేం ఖ్రౌం శరారాధాతూన్మే కామాఖ్యా సర్వదాఽవతు || 14 ||
బ్రీం బ్రూం కాత్యాయనీ పాతు దశవాయూంస్తనూద్భవాన్ |
జ్లూం జ్లౌం పాతు మహాలక్ష్మీః ఖాన్యేకాదశ సర్వదా || 15 ||
ఐం ఔం అనూక్తం యత్ స్థానం శరీరేఽంతర్బహిశ్చ మే |
తత్సర్వం సర్వదా పాతు హరసిద్ధా హరప్రియా || 16 ||
ఫ్రేం ఛ్రీం హ్రీం స్త్రీం హూం శరీరసకలం సర్వదా మమ |
గుహ్యకాళీ దివారాత్రౌ సంధ్యాసు పరిరక్షతు || 17 ||
ఇతి తే కవచం ప్రోక్తం నాంనా చ విశ్వమంగళం |
సర్వేభ్యః కవచేభ్యస్తు శ్రేష్ఠం సారతరం పరం || 18 ||
ఇదం పఠిత్వా త్వం దేహం భస్మనైవావగుంఠ్య చ |
తత్తత్ స్థానేషు విన్యస్య బద్ధవాదః కవచం దృఢం || 19 ||
దశవారాన్ మనుం జప్త్వా యత్ర కుత్రాపి గచ్ఛతు |
సమరే నిపతచ్ఛస్త్రేఽరణ్యే స్వాపదసంకులే || 20 ||
శ్మశానే ప్రేతభూతాఢ్యకాంతారే దస్యుసంకులే |
రాజద్వారే సపిశునే గహ్వరే సర్పవేష్టితే || 21 ||
తస్య భీతిర్న కుత్రాపి చరతః పృథివీమిమాం |
న చ వ్యాధిభయం తస్య నైవ తస్కరజం భయం || 22 ||
నాగ్న్యుత్పాతో నైవ భూతప్రేతజః సంకటస్తథా |
విద్యుద్వర్షోపలభయం న కదాపి ప్రబాధతే || 23 ||
న దుర్భిక్షభయం చాస్య న చ మారిభయం తథా |
కృత్యాభిచారజా దోషాః స్పృశంత్యేనం కదాపి న || 24 ||
సహస్రం జపతశ్చాస్య పురశ్చరణముచ్యతే |
తత్కృత్వా తు ప్రయుంజీత సర్వస్మిన్నపి కర్మణి || 25 ||
వశ్యకార్యో మోహనే చ మారణోచ్చాటనే తథా |
స్తంభనే చ తథా ద్వేషే తథా కృత్యాభిచారయోః || 26 ||
దుర్గభంగే తథా యుద్ధే పరచక్ర నివారణే |
ఏతత్ ప్రయోగాత్ సర్వాణి కార్యాణి పరిసాధయేత్ || 27 ||
భూతావేశం నాశయతి వివాదే జయతి ద్విషః |
సంకటం తరతి క్షిప్రం కలహే జయమాప్నుయాత్ || 28 ||
యదీచ్ఛేత్ మహతీం లక్ష్మీం తనయానాయురేవ చ |
విద్యాం కాంతిం తథౌన్నత్యం యశం ఆరోగ్యమేవ చ || 29 ||
భోగాన్ సౌఖ్యం విఘ్నహానిమనాలస్యం మహోదయం |
అధీహి కవచం నిత్యమమునాముంచ చ ప్రియే || 30 ||
కవచేనామునా సర్వం సంసాధయతి సాధకః |
యద్యద్ధ్యాయతి చిత్తేన సిద్ధం తత్తత్పురః స్థితం || 31 ||
దుర్ధటం ఘటయత్యేతత్ కవచం విశ్వమంగళం |
విశ్వస్య మంగళం యస్మాదతో వై విశ్వమంగళం || 32 ||
సాన్నిధ్యకారకం గుహ్యకాళ్యా ఏతత్ ప్రకీర్తితం |
భుక్త్వా భోగానఘం హత్వా దేహాంతే మోక్షమాప్నుయాత్ || 33 ||
ఇతి శ్రీ గుహ్యకాళీ విశ్వమంగళ కవచం ||