Sri Dandapani Pancharatnam pdf download – శ్రీ దండపాణి పంచరత్నం

చండపాపహరపాదసేవనం
గండశోభివరకుండలద్వయం |
దండితాఖిలసురారిమండలం
దండపాణిమనిశం విభావయే || 1 ||
కాలకాలతనుజం కృపాలయం
బాలచంద్రవిలసజ్జటాధరం |
చేలధూతశిశువాసరేశ్వరం
దండపాణిమనిశం విభావయే || 2 ||
తారకేశసదృశాననోజ్జ్వలం
తారకారిమఖిలార్థదం జవాత్ |
తారకం నిరవధేర్భవాంబుధే-
-ర్దండపాణిమనిశం విభావయే || 3 ||
తాపహారినిజపాదసంస్తుతిం
కోపకామముఖవైరివారకం |
ప్రాపకం నిజపదస్య సత్వరం
దండపాణిమనిశం విభావయే || 4 ||
కామనీయకవినిర్జితాంగజం
రామలక్ష్మణకరాంబుజార్చితం |
కోమలాంగమతిసుందరాకృతిం
దండపాణిమనిశం విభావయే || 5 ||
ఇతి శృంగేరిజగద్గురు శ్రీసచ్చిదానందశివాభినవనృసింహభారతీ స్వామిభిః విరచితం శ్రీదండపాణి పంచరత్నం |