Sri Chandramoulishwara Varnamala Stotram pdf download – శ్రీ చంద్రమౌళీశ్వర వర్ణమాలా స్తోత్రం

శ్రీశాత్మభూముఖ్యసురార్చితాంఘ్రిం
శ్రీకంఠశర్వాదిపదాభిధేయం |
శ్రీశంకరాచార్యహృదబ్జవాసం
శ్రీచంద్రమౌలీశమహం నమామి || 1
చండాంశుశీతాంశుకృశానునేత్రం
చండీశముఖ్యప్రమథేడ్యపాదం |
షడాస్యనాగాస్యసుశోభిపార్శ్వం
శ్రీచంద్రమౌలీశమహం నమామి || 2
ద్రవ్యాదిసృష్టిస్థితినాశహేతుం
రవ్యాదితేజాంస్యపి భాసయంతం |
పవ్యాయుధాదిస్తుతవైభవం తం
శ్రీచంద్రమౌలీశమహం నమామి || 3
మౌలిస్ఫురజ్జహ్నుసుతాసితాంశుం
వ్యాలేశసంవేష్టితపాణిపాదం |
శూలాదినానాయుధశోభమానం
శ్రీచంద్రమౌలీశమహం నమామి || 4
లీలావినిర్ధూతకృతాంతదర్పం
శైలాత్మజాసంశ్రితవామభాగం |
శూలాగ్రనిర్భిన్నసురారిసంఘం
శ్రీచంద్రమౌలీశమహం నమామి || 5
శతైః శ్రుతీనాం పరిగీయమానం
యతైర్మునీంద్రైః పరిసేవ్యమానం |
నతైః సురేంద్రైరభిపూజ్యమానం
శ్రీచంద్రమౌలీశమహం నమామి || 6
మత్తేభకృత్యా పరిశోభితాంగం
చిత్తే యతీనాం సతతం వసంతం |
విత్తేశముఖ్యైః పరివేష్టితం తం
శ్రీచంద్రమౌలీశమహం నమామి || 7
హంసోత్తమైశ్చేతసి చింత్యమానం
సంసారపాథోనిధికర్ణధారం |
తం సామగానప్రియమష్టమూర్తిం
శ్రీచంద్రమౌలీశమహం నమామి || 8
నతాఘహం నిత్యచిదేకరూపం
సతాం గతిం సత్యసుఖస్వరూపం |
హతాంధకం హృద్యపరాక్రమం తం
శ్రీచంద్రమౌలీశమహం నమామి || 9
మాయాతిగం వీతభయం వినిద్రం
మోహాంతకం మృత్యుహరం మహేశం |
ఫాలానలం నీలగలం కృపాలుం
శ్రీచంద్రమౌలీశమహం నమామి || 10
మిత్రం హి యస్యాఖిలశేవధీశః
పుత్రశ్చ విఘ్నౌఘవిభేదదక్షః |
పాత్రం కృపాయాశ్చ సమస్తలోకః
శ్రీచంద్రమౌలీశమహం నమామి || 11
ఇతి శ్రీ చంద్రమౌళీశ్వర వర్ణమాలా స్తోత్రం ||