Jagad Vilakshana Surya Kavacham pdf download – శ్రీ సూర్య కవచం –3 (జగద్విలక్షణం)

బృహస్పతిరువాచ |
ఇంద్ర శృణు ప్రవక్ష్యామి కవచం పరమాద్భుతం |
యద్ధృత్వా మునయః పూతా జీవన్ముక్తాశ్చ భారతే || 1 ||
కవచం బిభ్రతో వ్యాధిర్న భియాఽఽయాతి సన్నిధిం |
యథా దృష్ట్వా వైనతేయం పలాయంతే భుజంగమాః || 2 ||
శుద్ధాయ గురుభక్తాయ స్వశిష్యాయ ప్రకాశయేత్ |
ఖలాయ పరశిష్యాయ దత్త్వా మృత్యుమవాప్నుయాత్ || 3 ||
జగద్విలక్షణస్యాస్య కవచస్య ప్రజాపతిః |
ఋషిశ్ఛందశ్చ గాయత్రీ దేవో దినకరః స్వయం || 4 ||
వ్యాధిప్రణాశే సౌందర్యే వినియోగః ప్రకీర్తితః |
సద్యో రోగహరం సారం సర్వపాపప్రణాశనం || 5 ||
ఓం క్లీం హ్రీం శ్రీం శ్రీసూర్యాయ స్వాహా మే పాతు మస్తకం |
అష్టాదశాక్షరో మంత్రః కపాలం మే సదాఽవతు || 6 ||
ఓం హ్రీం హ్రీం శ్రీం శ్రీం సూర్యాయ స్వాహా మే పాతు నాసికాం |
చక్షుర్మే పాతు సూర్యశ్చ తారకం చ వికర్తనః || 7 ||
భాస్కరో మేఽధరం పాతు దంతాన్ దినకరః సదా |
ప్రచండః పాతు గండం మే మార్తాండః కర్ణమేవ చ |
మిహిరశ్చ సదా స్కంధే జంఘే పూషా సదాఽవతు || 8 ||
వక్షః పాతు రవిః శశ్వన్నాభిం సూర్యః స్వయం సదా |
కంకాలం మే సదా పాతు సర్వదేవనమస్కృతః || 9 ||
కర్ణౌ పాతు సదా బ్రధ్నః పాతు పాదౌ ప్రభాకరః |
విభాకరో మే సర్వాంగం పాతు సంతతమీశ్వరః || 10 ||
ఇతి తే కథితం వత్స కవచం సుమనోహరం |
జగద్విలక్షణం నామ త్రిజగత్సు సుదుర్లభం || 11 ||
పురా దత్తం చ మనవే పులస్త్యేన తు పుష్కరే |
మయా దత్తం చ తుభ్యం తద్యస్మై కస్మై న దేహి భోః || 12 ||
వ్యాధితో ముచ్యసే త్వం చ కవచస్య ప్రసాదతః |
భవానరోగీ శ్రీమాంశ్చ భవిష్యతి న సంశయః || 13 ||
లక్షవర్షహవిష్యేణ యత్ఫలం లభతే నరః |
తత్ఫలం లభతే నూనం కవచస్యాస్య ధారణాత్ || 14 ||
ఇదం కవచమజ్ఞాత్వా యో మూఢో భాస్కరం యజేత్ |
దశలక్షప్రజప్తోఽపి మంత్రసిద్ధిర్న జాయతే || 15 ||
ఇతి శ్రీబ్రహ్మవైవర్తే మహాపురాణే గణపతిఖండే ఏకోనవింశోఽధ్యాయే బృహస్పతి కృత శ్రీ సూర్య కవచం |