Ishana Stuti pdf download – ఈశాన స్తుతిః

వ్యాస ఉవాచ |
ప్రజాపతీనాం ప్రథమం తేజసాం పురుషం ప్రభుం |
భువనం భూర్భువం దేవం సర్వలోకేశ్వరం ప్రభుం || 1 ||
ఈశానం వరదం పార్థ దృష్టవానసి శంకరం |
తం గచ్ఛ శరణం దేవం వరదం భువనేశ్వరం || 2 ||
మహాదేవం మహాత్మానమీశానం జటిలం శివం |
త్ర్యక్షం మహాభుజం రుద్రం శిఖినం చీరవాససం || 3 ||
మహాదేవం హరం స్థాణుం వరదం భువనేశ్వరం |
జగత్ప్రధానమధికం జగత్ప్రీతమధీశ్వరం || 4 ||
జగద్యోనిం జగద్ద్వీపం జయినం జగతో గతిం |
విశ్వాత్మానాం విశ్వసృజం విశ్వమూర్తిం యశస్వినం || 5 ||
విశ్వేశ్వరం విశ్వనరం కర్మణామీశ్వరం ప్రభుం |
శంభుం స్వయంభుం భూతేశం భూతభవ్యభవోద్భవం || 6 ||
యోగం యోగేశ్వరం సర్వం సర్వలోకేశ్వరేశ్వరం |
సర్వశ్రేష్ఠం జగచ్ఛ్రేష్ఠం వరిష్ఠం పరమేష్ఠినం || 7 ||
లోకత్రయవిధాతారమేకం లోకత్రయాశ్రయం |
సుదుర్జయం జగన్నాథం జన్మమృత్యుజరాతిగం || 8 ||
జ్ఞానాత్మానం జ్ఞానగంయం జ్ఞానశ్రేష్ఠం సుదుర్విదం |
దాతారం చైవ భక్తానాం ప్రసాదవిహితాన్ వరాన్ || 9 ||
తస్య పారిషదా దివ్యా రూపైర్నానావిధైర్విభోః |
వామనా జటిలా ముండా హ్రస్వగ్రీవా మహోదరాః || 10 ||
మహాకాయా మహోత్సాహా మహాకర్ణాస్తథాపరే |
అననైర్వికృతైః పాదైః పార్థ వేషైశ్చ వైకృతైః || 11 ||
ఈదృశైః స మహాదేవః పూజ్యమానో మహేశ్వరః |
స శివస్తాత తేజస్వీ ప్రసాదాద్యాతి తేఽగ్రతః || 12 ||
తస్మిన్ ఘోరే సదా పార్థ సంగ్రామే లోమహర్షణే |
ద్రౌణికర్ణకృపైర్గుప్తాం మహేష్వాసైః ప్రహారిభిః || 13 ||
కస్తాం సేనాం తదా పార్థ మనసాపి ప్రధర్షయేత్ |
ఋతే దేవాన్మహేష్వాసాద్బహురూపాన్మహేశ్వరాత్ || 14 ||
స్థాతుముత్సహతే కశ్చిన్న తస్మిన్నగ్రతః స్థితే |
న హి భూతం సమం తేన త్రిషు లోకేషు విద్యతే || 15 ||
గంధేనాపి హి సంగ్రామే తస్య క్రుద్ధస్య శత్రవః |
విసంజ్ఞా హతభూయిష్ఠా వేపంతి చ పతంతి చ || 16 ||
తస్మై నమస్తు కుర్వంతో దేవాస్తిష్ఠంతి వై దివి |
యే చాన్యే మానవా లోకే యే చ స్వర్గజితో నరాః || 17 ||
యే భక్తా వరదం దేవం శివం రుద్రముమాపతిం |
ఇహ లోకే సుఖం ప్రాప్య తే యాంతి పరమాం గతిం || 18 ||
నమస్కురుష్వ కౌంతేయ తస్మై శాంతాయ వై సదా |
రుద్రాయ శితికంఠాయ కనిష్ఠాయ సువర్చసే || 19 ||
కపర్దినే కరాళాయ హర్యక్ష వరదాయ చ |
యాంయాయారక్తకేశాయ సద్వృత్తే శంకరాయ చ || 20 ||
కాంయాయ హరినేత్రాయ స్థాణవే పురుషాయ చ |
హరికేశాయ ముండాయ కనిష్ఠాయ సువర్చసే || 21 ||
భాస్కరాయ సుతీర్థాయ దేవదేవాయ రంహసే |
బహురూపాయ శర్వాయ ప్రియాయ ప్రియవాససే || 22 ||
ఉష్ణీషిణే సువక్త్రాయ సహస్రాక్షాయ మీఢుషే |
గిరిశాయ సుశాంతాయ పతయే చీరవాససే || 23 ||
హిరణ్యబాహవే రాజన్నుగ్రాయ పతయే దిశాం |
పర్జన్యపతయే చైవ భూతానాం పతయే నమః || 24 ||
వృక్షాణాం పతయే చైవ గవాం చ పతయే తథా |
వృక్షైరావృతకాయాయ సేనాన్యే మధ్యమాయ చ || 25 ||
శ్రువహస్తాయ దేవాయ ధన్వినే భార్గవాయ చ |
బహురూపాయ విశ్వస్య పతయే ముంజవాససే || 26 ||
సహస్రశిరసే చైవ సహస్రనయనాయ చ |
సహస్రబాహవే చైవ సహస్రచరణాయ చ || 27 ||
శరణం గచ్ఛ కౌంతేయ వరదం భువనేశ్వరం |
ఉమాపతిం విరూపాక్షం దక్షయజ్ఞనిబర్హణం || 28 ||
ప్రజానాం పతిమవ్యగ్రం భూతానాం పతిమవ్యయం |
కపర్దినం వృషావర్తం వృషనాభం వృషధ్వజం || 29 ||
వృషదర్పం వృషపతిం వృషశృంగం వృషర్షభం |
వృషాంకం వృషభోదారం వృషభం వృషభేక్షణం || 30 ||
వృషాయుధం వృషశరం వృషభూతం మహేశ్వరం |
మహోదరం మహాకాయం ద్వీపిచర్మనివాసినం || 31 ||
లోకేశం వరదం ముండం బ్రహ్మణ్యం బ్రాహ్మణప్రియం |
త్రిశూలపాణిం వరదం ఖడ్గచర్మధరం శుభం || 32 ||
పినాకినం ఖండపర్శుం లోకానాం పతిమీశ్వరం | [ఖడ్గధరం] ప్రపద్యే దేవమీశానం శరణ్యం చీరవాససం || 33 ||
నమస్తస్మై సురేశాయ యస్య వైశ్రవణః సఖా |
సువాససే నమో నిత్యం సువ్రతాయ సుధన్వినే || 34 ||
ధనుర్ధరాయ దేవయ ప్రియధన్వాయ ధన్వినే |
ధన్వంతరాయ ధనుషే ధన్వాచార్యాయ తే నమః || 35 ||
ఉగ్రాయుధాయ దేవయ నమః సురవరాయ చ |
నమోఽస్తు బహురూపాయ నమస్తే బహుధన్వినే || 36 ||
నమోఽస్తు స్థాణవే నిత్యం నమస్తస్మై సుధన్వినే |
నమోఽస్తు త్రిపురఘ్నాయ భగఘ్నాయ చ వై నమః || 37 ||
వనస్పతీనాం పతయే నరాణాం పతయే నమః |
మాతౄణాం పతయే చైవ గణానాం పతయే నమః || 38 ||
గవాం చ పతయే నిత్యం యజ్ఞానాం పతయే నమః |
అపాం చ పతయే నిత్యం దేవానాం పతయే నమః || 39 ||
పూష్ణో దంతవినాశాయ త్ర్యక్షాయ వరదాయ చ |
హరాయ నీలకంఠాయ స్వర్ణకేశాయ వై నమః || 40 ||
ఇతి శ్రీమహాభారతే ద్రోణపర్వణి త్ర్యధికద్విశతోఽధ్యాయే ఈశాన స్తుతిః ||