అతులితబలధామం హేమశైలాభదేహం
దనుజవనకృశానుం జ్ఞానినామగ్రగణ్యం |
సకలగుణనిధానం వానరాణామధీశం
రఘుపతిప్రియభక్తం వాతజాతం నమామి || 1 ||
గోష్పదీకృతవారీశం మశకీకృతరాక్షసం |
రామాయణమహామాలారత్నం వందేఽనిలాత్మజం || 2 ||
అంజనానందనం వీరం జానకీశోకనాశనం |
కపీశమక్షహంతారం వందే లంకాభయంకరం || 3 ||
మహావ్యాకరణాంభోధి-మంథమానసమందరం |
కవయంతం రామకీర్త్యా హనుమంతముపాస్మహే || 4 ||
ఉల్లంఘ్య సింధోః సలిలం సలీలం
యః శోకవహ్నిం జనకాత్మజాయాః |
ఆదాయ తేనైవ దదాహ లంకాం
నమామి తం ప్రాంజలిరాంజనేయం || 5 ||
మనోజవం మారుతతుల్యవేగం
జితేంద్రియం బుద్ధిమతాం వరిష్ఠం |
వాతాత్మజం వానరయూథముఖ్యం
శ్రీరామదూతం శిరసా నమామి || 6 ||
ఆంజనేయమతిపాటలాననం
కాంచనాద్రికమనీయవిగ్రహం |
పారిజాతతరుమూలవాసినం
భావయామి పవమాననందనం || 7 ||
యత్ర యత్ర రఘునాథకీర్తనం
తత్ర తత్ర కృతమస్తకాంజలిం |
బాష్పవారిపరిపూర్ణలోచనం
మారుతిం నమత రాక్షసాంతకం || 8 ||