బ్రహ్మోవాచ |
ఆదిదేవోఽసి దేవానామైశ్వర్యాచ్చ త్వమీశ్వరః |
ఆదికర్తాఽసి భూతానాం దేవదేవో దివాకరః || 1 ||
జీవనః సర్వభూతానాం దేవగంధర్వరక్షసాం |
మునికిన్నరసిద్ధానాం తథైవోరగపక్షిణాం || 2 ||
త్వం బ్రహ్మా త్వం మహాదేవస్త్వం విష్ణుస్త్వం ప్రజాపతిః |
వాయురింద్రశ్చ సోమశ్చ వివస్వాన్ వరుణస్తథా || 3 ||
త్వం కాలః సృష్టికర్తా చ హర్తా భర్తా తథా ప్రభుః |
సరితః సాగరాః శైలా విద్యుదింద్రధనూంషి చ || 4 ||
ప్రళయః ప్రభవశ్చైవ వ్యక్తావ్యక్తః సనాతనః |
ఈశ్వరాత్పరతో విద్యా విద్యాయాః పరతః శివః || 5 ||
శివాత్పరతరో దేవస్త్వమేవ పరమేశ్వరః |
సర్వతః పాణిపాదాంతః సర్వతోక్షిశిరోముఖః || 6 ||
సహస్రాంశుః సహస్రాస్యః సహస్రచరణేక్షణః |
భూతాదిర్భూర్భువః స్వశ్చ మహః సత్యం తపో జనః || 7 ||
ప్రదీప్తం దీపనం దివ్యం సర్వలోకప్రకాశకం |
దుర్నిరీక్ష్యం సురేంద్రాణాం యద్రూపం తస్య తే నమః || 8 ||
సురసిద్ధగణైర్జుష్టం భృగ్వత్రిపులహాదిభిః |
స్తుతస్య పరమవ్యక్తం యద్రూపం తస్య తే నమః || 9 ||
వేద్యం వేదవిదాం నిత్యం సర్వజ్ఞానసమన్వితం |
సర్వదేవాధిదేవస్య యద్రూపం తస్య తే నమః || 10 ||
విశ్వకృద్విశ్వభూతం చ వైశ్వానరసురార్చితం |
విశ్వస్థితమవేద్యం చ యద్రూపం తస్య తే నమః || 11 ||
పరం యజ్ఞాత్పరం వేదాత్పరం లోకాత్పరం దివః |
పరమాత్మేత్యభిఖ్యాతం యద్రూపం తస్య తే నమః || 12 ||
అవిజ్ఞేయమనాలక్ష్యమధ్యానగతమవ్యయం |
అనాదినిధనం చైవ యద్రూపం తస్య తే నమః || 13 ||
నమో నమః కారణకారణాయ
నమో నమః పాపవిమోచనాయ |
నమో నమస్తేఽదితివందితాయ
నమో నమో రోగవినాశనాయ || 14 ||
నమో నమః సర్వవరప్రదాయ
నమో నమః సర్వసుఖప్రదాయ |
నమో నమః సర్వధనప్రదాయ
నమో నమః సర్వమతిప్రదాయ || 15 ||
ఇతి శ్రీబ్రహ్మపురాణే ఏకత్రింశోఽధ్యాయే బ్రహ్మకృత శ్రీ సూర్య స్తుతిః |
Brahma Krutha Surya Stuti pdf download – శ్రీ సూర్య స్తుతిః (బ్రహ్మ కృతం)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
