Anjaneya Bhujanga Stotram pdf download – శ్రీ ఆంజనేయ భుజంగ స్తోత్రం

ప్రసన్నాంగరాగం ప్రభాకాంచనాంగం
జగద్భీతశౌర్యం తుషారాద్రిధైర్యం |
తృణీభూతహేతిం రణోద్యద్విభూతిం
భజే వాయుపుత్రం పవిత్రాప్తమిత్రం || 1 ||
భజే పావనం భావనా నిత్యవాసం
భజే బాలభాను ప్రభా చారుభాసం |
భజే చంద్రికా కుంద మందార హాసం
భజే సంతతం రామభూపాల దాసం || 2 ||
భజే లక్ష్మణప్రాణరక్షాతిదక్షం
భజే తోషితానేక గీర్వాణపక్షం |
భజే ఘోర సంగ్రామ సీమాహతాక్షం
భజే రామనామాతి సంప్రాప్తరక్షం || 3 ||
కృతాభీలనాధక్షితక్షిప్తపాదం
ఘనక్రాంత భృంగం కటిస్థోరు జంఘం |
వియద్వ్యాప్తకేశం భుజాశ్లేషితాశ్మం
జయశ్రీ సమేతం భజే రామదూతం || 4 ||
చలద్వాలఘాతం భ్రమచ్చక్రవాళం
కఠోరాట్టహాసం ప్రభిన్నాబ్జజాండం |
మహాసింహనాదా ద్విశీర్ణత్రిలోకం
భజే చాంజనేయం ప్రభుం వజ్రకాయం || 5 ||
రణే భీషణే మేఘనాదే సనాదే
సరోషే సమారోపణామిత్ర ముఖ్యే |
ఖగానాం ఘనానాం సురాణాం చ మార్గే
నటంతం సమంతం హనూమంతమీడే || 6 ||
ఘనద్రత్న జంభారి దంభోళి భారం
ఘనద్దంత నిర్ధూత కాలోగ్రదంతం |
పదాఘాత భీతాబ్ధి భూతాదివాసం
రణక్షోణిదక్షం భజే పింగళాక్షం || 7 ||
మహాగ్రాహపీడాం మహోత్పాతపీడాం
మహారోగపీడాం మహాతీవ్రపీడాం |
హరత్యస్తు తే పాదపద్మానురక్తో
నమస్తే కపిశ్రేష్ఠ రామప్రియాయ || 8 ||
జరాభారతో భూరి పీడాం శరీరే
నిరాధారణారూఢ గాఢ ప్రతాపీ |
భవత్పాదభక్తిం భవద్భక్తిరక్తిం
కురు శ్రీహనూమత్ప్రభో మే దయాళో || 9 ||
మహాయోగినో బ్రహ్మరుద్రాదయో వా
న జానంతి తత్త్వం నిజం రాఘవస్య |
కథం జ్ఞాయతే మాదృశే నిత్యమేవ
ప్రసీద ప్రభో వానరేంద్రో నమస్తే || 10 ||
నమస్తే మహాసత్త్వవాహాయ తుభ్యం
నమస్తే మహావజ్రదేహాయ తుభ్యం |
నమస్తే పరీభూత సూర్యాయ తుభ్యం
నమస్తే కృతామర్త్య కార్యాయ తుభ్యం || 11 ||
నమస్తే సదా బ్రహ్మచర్యాయ తుభ్యం
నమస్తే సదా వాయుపుత్రాయ తుభ్యం |
నమస్తే సదా పింగళాక్షాయ తుభ్యం
నమస్తే సదా రామభక్తాయ తుభ్యం || 12 ||
హనూమద్భుజంగప్రయాతం ప్రభాతే
ప్రదోషేఽపి వా చార్ధరాత్రేఽపి మర్త్యః |
పఠన్నశ్నతోఽపి ప్రముక్తోఘజాలో
సదా సర్వదా రామభక్తిం ప్రయాతి || 13 ||
ఇతి శ్రీమదాంజనేయ భుజంగప్రయాత స్తోత్రం |