దధన్నైరంతర్యాదపి మలినచర్యాం సపది యత్
సపర్యాం పశ్యన్ సన్ విశతు సురపుర్యాం నరపశుః |
భటాన్వర్యాన్ వీర్యాసమహరదసూర్యాన్ సమితి యా
జగద్ధుర్యా కాళీ మమ మనసి కుర్యాన్నివసతిం || 1 ||
లసన్నాసాముక్తా నిజచరణభక్తావనవిధౌ
సముద్యుక్తా రక్తాంబురుహదృగలక్తాధరపుటా |
అపి వ్యక్తాఽవ్యక్తాయమనియమసక్తాశయశయా
జగద్ధుర్యా కాళీ మమ మనసి కుర్యాన్నివసతిం || 2 ||
రణత్సన్మంజీరా ఖలదమనధీరాఽతిరుచిర-
-స్ఫురద్విద్యుచ్చీరా సుజనఝషనీరాయితతనుః |
విరాజత్కోటీరా విమలతరహీరా భరణభృత్
జగద్ధుర్యా కాళీ మమ మనసి కుర్యాన్నివసతిం || 3 ||
వసానా కౌశేయం కమలనయనా చంద్రవదనా
దధానా కారుణ్యం విపులజఘనా కుందరదనా |
పునానా పాపాద్యా సపది విధునానా భవభయం
జగద్ధుర్యా కాళీ మమ మనసి కుర్యాన్నివసతిం || 4 ||
రధూత్తంసప్రేక్షారణరణికయా మేరుశిఖరాత్
సమాగాద్యా రాగాజ్ఝటితి యమునాగాధిపమసౌ |
నగాదీశప్రేష్ఠా నగపతిసుతా నిర్జరనుతా
జగద్ధుర్యా కాళీ మమ మనసి కుర్యాన్నివసతిం || 5 ||
విలసన్నవరత్నమాలికా
కుటిలశ్యామలకుంతలాలికా |
నవకుంకుమభవ్యభాలికా-
-ఽవతు సా మాం సుఖకృద్ధి కాళికా || 6 ||
యమునాచలద్దమునా దుఃఖదవస్య దేహినాం |
అమునా యది వీక్షితా సకృచ్ఛము నానావిధమాతనోత్యహో || 7 ||
అనుభూతి సతీప్రాణపరిత్రాణపరాయణా |
దేవైః కృతసపర్యా సా కాళీ కుర్యాచ్ఛుభాని నః || 8 ||
య ఇదం కాళికాస్తోత్రం పఠేత్తు ప్రయతః శుచిః |
దేవీసాయుజ్యభుక్ చేహ సర్వాన్ కామానవాప్నుయాత్ || 9 ||