ఔషధే చింతయేద్విష్ణుం భోజనే చ జనార్దనం |
శయనే పద్మనాభం చ వివాహే చ ప్రజాపతిం || 1 ||
యుద్ధే చక్రధరం దేవం ప్రవాసే చ త్రివిక్రమం |
నారాయణం తనుత్యాగే శ్రీధరం ప్రియసంగమే || 2 ||
దుస్స్వప్నే స్మర గోవిందం సంకటే మధుసూదనం |
కాననే నారసింహం చ పావకే జలశాయినం || 3 ||
జలమధ్యే వరాహం చ పర్వతే రఘునందనం |
గమనే వామనం చైవ సర్వకాలేషు మాధవం || 4 ||
షోడశైతాని నామాని ప్రాతరూత్థాయ యః పఠేత్ |
సర్వపాపవినిర్ముక్తో విష్ణులోకే మహీయతే || 5 ||