పార్వత్యువాచ |
దేవ శంకర సర్వేశ భక్తానామభయప్రద |
విజ్ఞప్తిం శృణు మే శంభో నరాణాం హితకారణం || 1 ||
ఈశ్వర ఉవాచ |
వద ప్రియే మహాభాగే భక్తానుగ్రహకారిణి || 2 ||
పార్వత్యువాచ |
దేవ దేవస్య దత్తస్య హృదయం బ్రూహి మే ప్రభో |
సర్వారిష్టహరం పుణ్యం జనానాం ముక్తిమార్గదం || 3 ||
ఈశ్వర ఉవాచ |
శృణు దేవి మహాభాగే హృదయం పరమాద్భుతం |
ఆదినాథస్య దత్తస్య హృదయం సర్వకామదం || 4 ||
అస్య శ్రీదత్తాత్రేయ హృదయ మహామంత్రస్య శ్రీభగవాన్ ఈశ్వరో ఋషిః అనుష్టుప్ ఛందః శ్రీచిత్స్వరూప దత్తాత్రేయో దేవతా, ఆం బీజం హ్రీం శక్తిః, క్రోం కీలకం శ్రీదత్తాత్రేయ ప్రసాద సిద్ధ్యర్థే జపే వినియోగః ||
ద్రామిత్యాది కరహృదయాదిన్యాసః ||
ధ్యానం –
శ్రీభాలచంద్రశోభితకిరీటినం
పుష్పహార మణియుక్తవక్షకం |
పీతవస్త్ర మణిశోభిత మధ్యం
ప్రణమాంయనసూయోద్భవదత్తం ||
దత్తం సనాతనం నిత్యం నిర్వికల్పం నిరామయం |
హరం శివం మహాదేవం సర్వభూతోపకారకం || 1 ||
నారాయణం మహావిష్ణుం సర్గస్థిత్యంతకారణం |
నిరాకారం చ సర్వేశం కార్తవీర్యవరప్రదం || 2 ||
అత్రిపుత్రం మహాతేజం మునివంద్యం జనార్దనం |
ద్రాం బీజవరదం శుద్ధం హ్రీం బీజేన సమన్వితం || 3 ||
శరణ్యం శాశ్వతం యుక్తం మాయయా చ గుణాన్వితం |
త్రిగుణం త్రిగుణాతీతం త్రియామాపతిమౌళికం || 4 ||
రామం రమాపతిం కృష్ణం గోవిందం పీతవాససం |
దిగంబరం నాగహారం వ్యాఘ్రచర్మోత్తరీయకం || 5 ||
భస్మగంధాదిలిప్తాంగం మాయాముక్తం జగత్పతిం |
నిర్గుణం చ గుణోపేతం విశ్వవ్యాపినమీశ్వరం || 6 ||
ధ్యాత్వా దేవం మహాత్మానం విశ్వవంద్యం ప్రభుం గురుం |
కిరీటకుండలాభ్యాం చ యుక్తం రాజీవలోచనం || 7 ||
చంద్రానుజం చంద్రవక్త్రం రుద్రమింద్రాదివందితం |
అనసూయావక్త్రపద్మదినేశమమరాధిపం || 8 ||
దేవదేవ మహాయోగిన్ అబ్జాసనాదివందిత |
నారాయణ విరూపాక్ష దత్తాత్రేయ నమోఽస్తు తే || 9 ||
అనంత కమలాకాంత ఔదుంబరస్థిత ప్రభో |
నిరంజన మహాయోగిన్ దత్తాత్రేయ నమోఽస్తు తే || 10 ||
మహాబాహో మునిమణే సర్వవిద్యావిశారద |
స్థావరం జంగమానాం చ దత్తాత్రేయ నమోఽస్తు తే || 11 ||
ఐంద్ర్యాం పాతు మహావీరో వహ్న్యాం ప్రణవపూర్వకం |
యాంయాం దత్తాత్రేయో రక్షేత్ నైరృత్యాం భక్తవత్సలః || 12 || [దత్తాత్రిజో] ప్రతీచ్యాం పాతు యోగీశో యోగీనాం హృదయే స్థితః |
అనిల్యాం వరదః శంభుః కౌబేర్యాం చ జగత్ప్రభుః || 13 ||
ఈశాన్యాం పాతు మే రామో ఊర్ధ్వం పాతు మహామునిః |
షడక్షరో మహామంత్రః పాత్వధస్తాజ్జగత్పతిః || 14 ||
ఏవం పంక్తిదశో రక్షేద్యమరాజవరప్రదః |
అకారాది క్షకారాంతం సదా రక్షేద్విభుః స్వయం || 15 ||
దత్తం దత్తం పునర్దత్తం యో వదేద్భక్తిసంయుతః |
తస్య పాపాని సర్వాణి క్షయం యాంతి న సంశయః || 16 ||
య ఇదం పఠతే నిత్యం హృదయం సర్వకామదం |
పిశాచ శాకినీ భూత డాకినీ కాకినీ తథా || 17 ||
బ్రహ్మరాక్షస వేతాళా క్షోటింగా బాలభూతకాః |
గచ్ఛంతి పఠనాదేవ నాత్ర కార్యా విచారణా || 18 ||
అపవర్గప్రదం సాక్షాత్ మనోరథప్రపూరకం |
ఏకవారం ద్వివారం చ త్రివారం చ పఠేన్నరః || 19 ||
జన్మమృత్యుం చ దుఃఖం చ సుఖం ప్రాప్నోతి భక్తిమాన్ |
గోపనీయం ప్రయత్నేన జననీజారవత్ ప్రియే || 20 ||
న దేయమిదం స్తోత్రం హృదయాఖ్యం చ భామినీ |
గురుభక్తాయ దాతవ్యం అన్యథా న ప్రకాశయేత్ || 21 ||
తవ స్నేహాచ్చ కథితం భక్తిం జ్ఞాత్వా మయా శుభే |
దత్తాత్రేయస్య కృపయా స భవేద్దీర్ఘమాయుకః || 22 ||
ఇతి శ్రీరుద్రయామలే శివపార్వతీసంవాదే శ్రీ దత్తాత్రేయ హృదయం ||