నమామి దూతం రామస్య సుఖదం చ సురద్రుమం |
శ్రీ మారుతాత్మసంభూతం విద్యుత్కాంచన సన్నిభం || 1
పీనవృత్తం మహాబాహుం సర్వశత్రునివారణం |
రామప్రియతమం దేవం భక్తాభీష్టప్రదాయకం || 2
నానారత్నసమాయుక్తం కుండలాదివిరాజితం |
ద్వాత్రింశల్లక్షణోపేతం స్వర్ణపీఠవిరాజితం || 3
త్రింశత్కోటిబీజసంయుక్తం ద్వాదశావర్తి ప్రతిష్ఠితం |
పద్మాసనస్థితం దేవం షట్కోణమండలమధ్యగం || 4
చతుర్భుజం మహాకాయం సర్వవైష్ణవశేఖరం |
గదాఽభయకరం హస్తౌ హృదిస్థో సుకృతాంజలిం || 5
హంసమంత్ర ప్రవక్తారం సర్వజీవనియామకం |
ప్రభంజనశబ్దవాచ్యేణ సర్వదుర్మతభంజకం || 6
సర్వదాఽభీష్టదాతారం సతాం వై దృఢమహవే |
అంజనాగర్భసంభూతం సర్వశాస్త్రవిశారదం || 7
కపీనాం ప్రాణదాతారం సీతాన్వేషణతత్పరం |
అక్షాదిప్రాణహంతారం లంకాదహనతత్పరం || 8
లక్ష్మణప్రాణదాతారం సర్వవానరయూథపం |
కింకరాః సర్వదేవాద్యాః జానకీనాథస్య కింకరం || 9
వాసినం చక్రతీర్థస్య దక్షిణస్థ గిరౌ సదా |
తుంగాంభోది తరంగస్య వాతేన పరిశోభితే || 10
నానాదేశగతైః సద్భిః సేవ్యమానం నృపోత్తమైః |
ధూపదీపాది నైవేద్యైః పంచఖాద్యైశ్చ శక్తితః || 11
భజామి శ్రీహనూమంతం హేమకాంతిసమప్రభం |
వ్యాసతీర్థయతీంద్రేణ పూజితం చ విధానతః || 12
త్రివారం యః పఠేన్నిత్యం స్తోత్రం భక్త్యా ద్విజోత్తమః |
వాంఛితం లభతేఽభీష్టం షణ్మాసాభ్యంతరే ఖలు || 13
పుత్రార్థీ లభతే పుత్రం యశోఽర్థీ లభతే యశః |
విద్యార్థీ లభతే విద్యాం ధనార్థీ లభతే ధనం || 14
సర్వథా మాఽస్తు సందేహో హరిః సాక్షీ జగత్పతిః |
యః కరోత్యత్ర సందేహం స యాతి నరకం ధ్రువం || 15
యంత్రోధారకస్తోత్రం షోడశశ్లోకసంయుతం |
శ్రవణం కీర్తనం వా సర్వపాపైః ప్రముచ్యతే || 16
ఇతి శ్రీ వ్యాసరాజకృత యంత్రోధారక హనుమత్ స్తోత్రం ||