Sri Dhana Lakshmi Stotram pdf download – శ్రీ ధనలక్ష్మీ స్తోత్రం

శ్రీధనదా ఉవాచ |
దేవీ దేవముపాగంయ నీలకంఠం మమ ప్రియం |
కృపయా పార్వతీ ప్రాహ శంకరం కరుణాకరం || 1 ||
శ్రీదేవ్యువాచ |
బ్రూహి వల్లభ సాధూనాం దరిద్రాణాం కుటుంబినాం |
దరిద్రదలనోపాయమంజసైవ ధనప్రదం || 2 ||
శ్రీశివ ఉవాచ |
పూజయన్ పార్వతీవాక్యమిదమాహ మహేశ్వరః |
ఉచితం జగదంబాసి తవ భూతానుకంపయా || 3 ||
స సీతం సానుజం రామం సాంజనేయం సహానుగం |
ప్రణంయ పరమానందం వక్ష్యేఽహం స్తోత్రముత్తమం || 4 ||
ధనదం శ్రద్ధధానానాం సద్యః సులభకారకం |
యోగక్షేమకరం సత్యం సత్యమేవ వచో మమ || 5 ||
పఠంతః పాఠయంతోఽపి బ్రాహ్మణైరాస్తికోత్తమైః |
ధనలాభో భవేదాశు నాశమేతి దరిద్రతా || 6 ||
భూభవాంశభవాం భూత్యై భక్తికల్పలతాం శుభాం |
ప్రార్థయేత్తాం యథాకామం కామధేనుస్వరూపిణీం || 7 ||
ధనదే ధనదే దేవి దానశీలే దయాకరే | [ధర్మదే] త్వం ప్రసీద మహేశాని యదర్థం ప్రార్థయాంయహం || 8 ||
ధరాఽమరప్రియే పుణ్యే ధన్యే ధనదపూజితే |
సుధనం ధార్మికే దేహి యజమానాయ సత్వరం || 9 ||
రంయే రుద్రప్రియే రూపే రామరూపే రతిప్రియే |
శిఖీసఖమనోమూర్తే ప్రసీద ప్రణతే మయి || 10 ||
ఆరక్తచరణాంభోజే సిద్ధిసర్వార్థదాయికే |
దివ్యాంబరధరే దివ్యే దివ్యమాల్యానుశోభితే || 11 ||
సమస్తగుణసంపన్నే సర్వలక్షణలక్షితే |
శరచ్చంద్రముఖే నీలే నీలనీరజలోచనే || 12 ||
చంచరీక చమూ చారు శ్రీహార కుటిలాలకే |
మత్తే భగవతీ మాతః కలకంఠరవామృతే || 13 ||
హాసాఽవలోకనైర్దివ్యైర్భక్తచింతాపహారికే |
రూప లావణ్య తారూణ్య కారూణ్య గుణభాజనే || 14 ||
క్వణత్కంకణమంజీరే లసల్లీలాకరాంబుజే |
రుద్రప్రకాశితే తత్త్వే ధర్మాధారే ధరాలయే || 15 ||
ప్రయచ్ఛ యజమానాయ ధనం ధర్మైకసాధనం |
మాతస్త్వం మేఽవిలంబేన దిశస్వ జగదంబికే || 16 ||
కృపయా కరుణాగారే ప్రార్థితం కురు మే శుభే |
వసుధే వసుధారూపే వసువాసవవందితే || 17 ||
ధనదే యజమానాయ వరదే వరదా భవ |
బ్రహ్మణ్యైర్బ్రాహ్మణైః పూజ్యే పార్వతీశివశంకరే || 18 ||
స్తోత్రం దరిద్రతావ్యాధిశమనం సుధనప్రదం |
శ్రీకరే శంకరే శ్రీదే ప్రసీద మయి కింకరే || 19 ||
పార్వతీశప్రసాదేన సురేశకింకరేరితం |
శ్రద్ధయా యే పఠిష్యంతి పాఠయిష్యంతి భక్తితః || 20 ||
సహస్రమయుతం లక్షం ధనలాభో భవేద్ధ్రువం |
ధనదాయ నమస్తుభ్యం నిధిపద్మాధిపాయ చ |
భవంతు త్వత్ప్రసాదాన్మే ధనధాన్యాదిసంపదః || 21 ||