గురుర్బ్రహ్మా గురుర్విష్ణుః గురుర్దేవో మహేశ్వరః |
గురుస్సాక్షాత్ పరం బ్రహ్మ తస్మై శ్రీ గురవే నమః ||
సంకల్పం |
మమ ఉపాత్త సమస్త దురిత క్షయద్వారా మమ మనస్సంకల్ప సిద్ధ్యర్థం శ్రీ సీతారామచంద్ర అనుగ్రహ సిద్ధ్యర్థం శ్రీమద్వాల్మీకీ రామాయణాంతర్గతే సుందరకాండే ___ సర్గ శ్లోక పారాయణం కరిష్యే |
(శ్రీ రామ స్తోత్రాలు చూ.)
రామాయ రామభద్రాయ రామచంద్రాయ వేధసే |
రఘునాథాయ నాథాయ సీతాయాః పతయే నమః |
రామం లక్ష్మణపూర్వజం రఘువరం సీతాపతిం సుందరం
కాకుత్స్థం కరుణార్ణవం గుణనిధిం విప్రప్రియం ధార్మికం |
రాజేంద్రం సత్యసంధం దశరథతనయం శ్యామలం శాంతమూర్తిం
వందే లోకాభిరామం రఘుకులతిలకం రాఘవం రావణారిం ||
ఆపదామపహర్తారం దాతారం సర్వసంపదాం |
లోకాభిరామం శ్రీరామం భూయో భూయో నమాంయహం ||
గోష్పదీకృతవారాశిం మశకీకృతరాక్షసం |
రామాయణమహామాలారత్నం వందేఽనిలాత్మజం ||
మనోజవం మారుతతుల్యవేగం
జితేంద్రియం బుద్ధిమతాం వరిష్ఠం |
వాతాత్మజం వానరయూథముఖ్యం
శ్రీరామదూతం శరణం ప్రపద్యే ||
బుద్ధిర్బలం యశో ధైర్యం నిర్భయత్వమరోగితా |
అజాడ్యం వాక్పటుత్వం చ హనూమత్ స్మరణాత్ భవేత్ |
కూజంతం రామ రామేతి మధురం మధురాక్షరం |
ఆరుహ్య కవితాశాఖాం వందే వాల్మీకికోకిలం ||