నైమిశే నిమిశక్షేత్రే గోమత్యా సమలంకృతే |
హరేరారాధనాసక్తం వందే విఖనసం మునిం || 1 ||
రేచకైః పూరకైశ్చైవ కుంభకైశ్చ సమాయుతం |
ప్రాణాయామపరం నిత్యం వందే విఖనసం మునిం || 2 ||
తులసీనళినాక్షైశ్చ కృతమాలా విభూషితం |
అంచితైరూర్ధ్వపుండ్రైశ్చ వందే విఖనసం మునిం || 3 ||
తులసీస్తబకైః పద్మైర్హరిపాదార్చనారతం |
శాంతం జితేంద్రియం మౌనిం వందే విఖనసం మునిం || 4 ||
కుండలాంగదహారాద్యైర్ముద్రికాభిరలంకృతం |
సర్వాభరణసంయుక్తం వందే విఖనసం మునిం || 5 ||
రత్నకంకణమంజీర కటిసూత్రైరలంకృతం |
కాంచీపీతాంబరధరం వందే విఖనసం మునిం || 6 ||
శరచ్చంద్రప్రతీకాశైర్ధవళైరుపవీతకైః |
సోత్తరీయం బద్ధశిఖం వందే విఖనసం మునిం || 7 ||
కంబుగ్రీవం విశాలాక్షం వికసత్పంకజాననం |
కందర్పకోటిలావణ్యం వందే విఖనసం మునిం || 8 ||
కుందేందుశంఖసదృశ దంతపంక్త్యా విరాజితం |
సూర్యకోటినిభం కాంత్యా వందే విఖనసం మునిం || 9 ||
జ్వాలామణిగణప్రఖ్య నఖపంక్త్యా సుశోభితం |
కరాభ్యామంజలికరం వందే విఖనసం మునిం || 10 ||
వందే విఖనసం సాక్షాద్బ్రహ్మరూపం మునీశ్వరం |
శ్రుతిస్మృతీతిహాసజ్ఞైః ఋషిభిః సమభిష్ఠుతం || 11 ||
వందే భృగుం తపోనిష్ఠం మరీచిం చ మహామునిం |
అత్రిం చైవ త్రికాలజ్ఞం కాశ్యపం బ్రహ్మవాదినం || 12 ||
ఏతద్విఖనసస్తోత్రం ప్రాతరుత్థాయ యః పఠేత్ |
దివా చ యది వా రాత్రౌ సమేషు విషమేషు చ |
న భయం విందతే కించిత్కార్యసిద్ధిం చ గచ్ఛతి || 13 ||
ఏతద్విఖనసస్తోత్రం యః పఠేద్ధరిసన్నిధౌ |
విష్ణోరారాధనే కాలే జపకాలే విశేషతః || 14 ||
య ఏతత్ ప్రాతరుత్థాయ నిత్యం చ ప్రయతః పఠేత్ |
పుత్రః పౌత్రైర్ధనం తస్య ఆయురారోగ్యసంపదః || 15 ||
ఏతైర్యుక్తో మహాభోగీ ఇహలోకే సుఖీ భవేత్ |
అంతే విమానమారుహ్య విష్ణులోకం చ గచ్ఛతి || 16 ||