నారాయణాంఘ్రి జలజద్వయ సక్తచిత్తం
శ్రుత్యర్థసంపదనుకంపిత చారుకీర్తిం |
వాల్మీకిముఖ్యమునిభిః కృతవందనాఢ్యం
శాంతం సదా విఖనసం మునిమాశ్రయామి || 1 ||
లక్ష్మీపతేః ప్రియసుతం లలితప్రభావం
మంత్రార్థతత్త్వరసికం కరుణాంబురాశిం |
భక్తాఽనుకూలహృదయం భపబంధనాశం
శాంతం సదా విఖనసం మునిమాశ్రయామి || 2 ||
శ్రీవాసుదేవచరణాంబుజభృంగరాజం
కామాదిదోషదమనం పరవిష్ణురూపం |
వైఖానసార్చితపదం పరమం పవిత్రం
శాంతం సదా విఖనసం మునిమాశ్రయామి || 3 ||
భృగ్వాదిశిష్యమునిసేవితపాదపద్మం
యోగీశ్వరేశ్వరగురుం పరమం దయాళుం |
పాపాపహం భగదర్పితచిత్తవృత్తిం
శాంతం సదా విఖనసం మునిమాశ్రయామి || 4 ||
కంఠావలగ్నతులసీనళినాక్షమాలా
కాంతిప్రకాశవిలసద్ఘనపీనవత్సం |
స్మేరాననాంబుజ లసద్ధవళోర్ధ్వపుండ్రం
శాంతం సదా విఖనసం మునిమాశ్రయామి || 5 ||
వేదాంతవేద్యమఖిలార్థవిదాం వరిష్ఠం
శ్రీకాంతపాదసరసీరుహలగ్నచిత్తం |
కేయూరహారమణిరాజవిభూషితాంగం
శాంతం సదా విఖనసం మునిమాశ్రయామి || 6 ||
కాషాయవస్త్రకమనీయజటాకలాపం
దండత్రయోజ్జ్వలకరం విమలోపవీతం |
లోకావలోకనకరం విగళద్విచారం
శాంతం సదా విఖనసం మునిమాశ్రయామి || 7 ||
స్వాబద్ధసూత్రగతవిష్ణుబలిప్రమేయా-
-దాగర్భవైష్ణవముపాదిశదాదరాద్యః |
తత్తాదృశం బుధవశం వినిపాతితాశం
శాంతం సదా విఖనసం మునిమాశ్రయామి || 8 ||
ఏవం పరం విఖనసాష్టకమాత్మనా యే
శృణ్వంతి చాత్మని పఠంతి మహాదరేణ
తాన్ముక్తదోష నిచయానపవర్గయోగ్యాన్
సంప్రీత ఆశు తనుయాత్కమలా సుపుత్రః || 9 ||