Sri Shiva Shankara Stotram pdf download – శ్రీ శివశంకర స్తోత్రం

అతిభీషణకటుభాషణయమకింకిరపటలీ-
-కృతతాడనపరిపీడనమరణాగమసమయే |
ఉమయా సహ మమ చేతసి యమశాసన నివసన్
శివశంకర శివశంకర హర మే హర దురితం || 1 ||
అసదింద్రియవిషయోదయసుఖసాత్కృతసుకృతేః
పరదూషణపరిమోక్షణ కృతపాతకవికృతేః |
శమనాననభవకానననిరతేర్భవ శరణం
శివశంకర శివశంకర హర మే హర దురితం || 2 ||
విషయాభిధబడిశాయుధపిశితాయితసుఖతో
మకరాయితగతిసంసృతికృతసాహసవిపదం |
పరమాలయ పరిపాలయ పరితాపితమనిశం
శివశంకర శివశంకర హర మే హర దురితం || 3 ||
దయితా మమ దుహితా మమ జననీ మమ జనకో
మమ కల్పితమతిసంతతిమరుభూమిషు నిరతం |
గిరిజాసఖ జనితాసుఖవసతిం కురు సుఖినం
శివశంకర శివశంకర హర మే హర దురితం || 4 ||
జనినాశన మృతిమోచన శివపూజననిరతేః
అభితోఽదృశమిదమీదృశమహమావహ ఇతి హా |
గజకచ్ఛపజనితశ్రమ విమలీకురు సుమతిం
శివశంకర శివశంకర హర మే హర దురితం || 5 ||
త్వయి తిష్ఠతి సకలస్థితికరుణాత్మని హృదయే
వసుమార్గణకృపణేక్షణమనసా శివవిముఖం |
అకృతాహ్నికమసుపోషకమవతాద్గిరిసుతయా
శివశంకర శివశంకర హర మే హర దురితం || 6 ||
పితరావితి సుఖదావితి శిశునా కృతహృదయౌ
శివయా హృతభయకే హృది జనితం తవ సుకృతం |
ఇతి మే శివ హృదయం భవ భవతాత్తవ దయయా
శివశంకర శివశంకర హర మే హర దురితం || 7 ||
శరణాగతభరణాశ్రిత కరుణామృతజలధే
శరణం తవ చరణౌ శివ మమ సంసృతివసతేః |
పరిచిన్మయ జగదామయభిషజే నతిరవతాత్
శివశంకర శివశంకర హర మే హర దురితం || 8 ||
వివిధాధిభిరతిభీతిభిరకృతాధికసుకృతం
శతకోటిషు నరకాదిషు హతపాతకవివశం |
మృడ మామవ సుకృతీభవ శివయా సహ కృపయా
శివశంకర శివశంకర హర మే హర దురితం || 9 ||
కలినాశన గరలాశన కమలాసనవినుత
కమలాపతినయనార్చిత కరుణాకృతిచరణ |
కరుణాకర మునిసేవిత భవసాగరహరణ
శివశంకర శివశంకర హర మే హర దురితం || 10 ||
విజితేంద్రియవిబుధార్చిత విమలాంబుజచరణ
భవనాశన భయనాశన భజితాంగితహృదయ |
ఫణిభూషణ మునివేషణ మదనాంతక శరణం
శివశంకర శివశంకర హర మే హర దురితం || 11 ||
త్రిపురాంతక త్రిదశేశ్వర త్రిగుణాత్మక శంభో
వృషవాహన విషదూషణ పతితోద్ధర శరణం |
కనకాసన కనకాంబర కలినాశన శరణం
శివశంకర శివశంకర హర మే హర దురితం || 12 ||