శ్రీకృష్ణ ఉవాచ |
మత్తసింధురమస్తకోపరి నృత్యమానపదాంబుజం
భక్తచింతితసిద్ధిదానవిచక్షణం కమలేక్షణం |
భుక్తిముక్తిఫలప్రదం భవపద్మజాచ్యుతపూజితం
కృత్తివాససమాశ్రయే మమ సర్వసిద్ధిదమీశ్వరం || 1 ||
విత్తదప్రియమర్చితం కృతకృచ్ఛ్రతీవ్రతపశ్చరైః
ముక్తికామిభిరాశ్రితైర్మునిభిర్దృఢామలభక్తిభిః |
ముక్తిదం నిజపాదపంకజసక్తమానసయోగినాం
కృత్తివాససమాశ్రయే మమ సర్వసిద్ధిదమీశ్వరం || 2 ||
కృత్తదక్షమఖాధిపం వరవీరభద్రగణేన వై
యక్షరాక్షసమర్త్యకిన్నరదేవపన్నగవందితం |
రక్తభుగ్గణనాథహృద్భ్రమరాంచితాంఘ్రిసరోరుహం
కృత్తివాససమాశ్రయే మమ సర్వసిద్ధిదమీశ్వరం || 3 ||
నక్తనాథకళాధరం నగజాపయోధరనీరజా-
-లిప్తచందనపంకకుంకుమపంకిలామలవిగ్రహం |
శక్తిమంతమశేషసృష్టివిధాయకం సకలప్రభుం
కృత్తివాససమాశ్రయే మమ సర్వసిద్ధిదమీశ్వరం || 4 ||
రక్తనీరజతుల్యపాదపయోజసన్మణినూపురం
పత్తనత్రయదేహపాటనపంకజాక్షశిలీముఖం |
విత్తశైలశరాసనం పృథుశింజినీకృతతక్షకం
కృత్తివాససమాశ్రయే మమ సర్వసిద్ధిదమీశ్వరం || 5 ||
యః పఠేచ్చ దినే దినే స్తవపంచరత్నముమాపతేః
ప్రాతరేవ మయా కృతం నిఖిలాఘతూలమహానలం |
తస్య పుత్రకళత్రమిత్రధనాని సంతు కృపాబలాత్
తే మహేశ్వర శంకరాఖిల విశ్వనాయక శాశ్వత || 6 ||
ఇతి శ్రీశివమహాపురాణే శ్రీకృష్ణకృత శ్రీశివపంచరత్నస్తుతిః |
Sri Shiva Pancharatna Stuti (Krishna Kritam) pdf download – శ్రీ శివ పంచరత్న స్తుతిః (కృష్ణ కృతం)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
