Sri Rajarajeswari Mantra Matruka Stava pdf download – శ్రీ రాజరాజేశ్వరీ మంత్రమాతృకా స్తవః

కళ్యాణాయుత పూర్ణచంద్రవదనాం ప్రాణేశ్వరానందినీం
పూర్ణాం పూర్ణతరాం పరేశమహిషీం పూర్ణామృతాస్వాదినీం |
సంపూర్ణాం పరమోత్తమామృతకలాం విద్యావతీం భారతీం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 1 ||
ఏకారాది సమస్తవర్ణ వివిధాకారైక చిద్రూపిణీం
చైతన్యాత్మక చక్రరాజనిలయాం చంద్రాంతసంచారిణీం |
భావాభావవిభావినీం భవపరాం సద్భక్తిచింతామణిం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 2 ||
ఈహాధిక్పరయోగిబృందవినుతాం స్వానందభూతాం పరాం
పశ్యంతీం తనుమధ్యమాం విలసినీం శ్రీవైఖరీ రూపిణీం |
ఆత్మానాత్మవిచారిణీం వివరగాం విద్యాం త్రిబీజాత్మికాం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 3 ||
లక్ష్యాలక్ష్యనిరీక్షణాం నిరూపమాం రుద్రాక్షమాలాధరాం
త్ర్యక్షార్ధాకృతి దక్షవంశకలికాం దీర్ఘాక్షిదీర్ఘస్వరాం |
భద్రాం భద్రవరప్రదాం భగవతీం భద్రేశ్వరీం ముద్రిణీం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 4 ||
హ్రీం‍బీజాగత నాదబిందుభరితామోంకార నాదాత్మికాం
బ్రహ్మానంద ఘనోదరీం గుణవతీం జ్ఞానేశ్వరీం జ్ఞానదాం |
ఇచ్ఛాజ్ఞాకృతినీం మహీం గతవతీం గంధర్వసంసేవితాం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 5 ||
హర్షోన్మత్త సువర్ణపాత్రభరితాం పీనోన్నతాం ఘూర్ణితాం
హుంకారప్రియశబ్దజాలనిరతాం సారస్వతోల్లాసినీం |
సారాసారవిచార చారుచతురాం వర్ణాశ్రమాకారిణీం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 6 ||
సర్వేశాంగవిహారిణీం సకరుణాం సన్నాదినీం నాదినీం
సంయోగప్రియరూపిణీం ప్రియవతీం ప్రీతాం ప్రతాపోన్నతాం |
సర్వాంతర్గతిశాలినీం శివతనూసందీపినీం దీపినీం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 7 ||
కర్మాకర్మవివర్జితాం కులవతీం కర్మప్రదాం కౌలినీం
కారుణ్యాంబుధి సర్వకామనిరతాం సింధుప్రియోల్లాసినీం |
పంచబ్రహ్మ సనాతనాసనగతాం గేయాం సుయోగాన్వితాం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 8 ||
హస్త్యుత్కుంభనిభ స్తనద్వితయతః పీనోన్నతాదానతాం
హారాద్యాభరణాం సురేంద్రవినుతాం శృంగారపీఠాలయాం |
యోన్యాకారక యోనిముద్రితకరాం నిత్యాం నవార్ణాత్మికాం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 9 ||
లక్ష్మీలక్షణపూర్ణ భక్తవరదాం లీలావినోదస్థితాం
లాక్షారంజిత పాదపద్మయుగళాం బ్రహ్మేంద్రసంసేవితాం |
లోకాలోకిత లోకకామజననీం లోకాశ్రయాంకస్థితాం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 10 ||
హ్రీం‍కారాశ్రిత శంకరప్రియతనుం శ్రీయోగపీఠేశ్వరీం
మాంగళ్యాయుత పంకజాభనయనాం మాంగళ్యసిద్ధిప్రదాం |
కారుణ్యేన విశేషితాంగ సుమహాలావణ్య సంశోభితాం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 11 ||
సర్వజ్ఞానకళావతీం సకరుణాం సర్వేశ్వరీం సర్వగాం
సత్యాం సర్వమయీం సహస్రదళజాం సత్త్వార్ణవోపస్థితాం |
సంగాసంగవివర్జితాం సుఖకరీం బాలార్కకోటిప్రభాం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 12 ||
కాదిక్షాంత సువర్ణబిందు సుతనుం సర్వాంగసంశోభితాం
నానావర్ణ విచిత్రచిత్రచరితాం చాతుర్యచింతామణీం |
చిత్రానందవిధాయినీం సుచపలాం కూటత్రయాకారిణీం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 13 ||
లక్ష్మీశాన విధీంద్ర చంద్రమకుటాద్యష్టాంగ పీఠాశ్రితాం
సూర్యేంద్వగ్నిమయైకపీఠనిలయాం త్రిస్థాం త్రికోణేశ్వరీం |
గోప్త్రీం గర్వనిగర్వితాం గగనగాం గంగాగణేశప్రియాం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 14 ||
హ్రీం‍కూటత్రయరూపిణీం సమయినీం సంసారిణీం హంసినీం
వామాచారపరాయణీం సుకులజాం బీజావతీం ముద్రిణీం |
కామాక్షీం కరుణార్ద్రచిత్తసహితాం శ్రీం శ్రీత్రిమూర్త్యంబికాం
శ్రీచక్రప్రియ బిందుతర్పణపరాం శ్రీరాజరాజేశ్వరీం || 15 ||
యా విద్యా శివకేశవాదిజననీ యా వై జగన్మోహినీ
యా బ్రహ్మాదిపిపీలికాంత జగదానందైకసందాయినీ |
యా పంచప్రణవద్విరేఫనళినీ యా చిత్కళామాలినీ
సా పాయాత్పరదేవతా భగవతీ శ్రీరాజరాజేశ్వరీ || 16 ||
ఇతి శ్రీ రాజరాజేశ్వరీ మంత్రమాతృకా స్తవః |