అస్య శ్రీపంచవక్త్ర హనుమత్ హృదయస్తోత్రమంత్రస్య భగవాన్ శ్రీరామచంద్ర ఋషిః అనుష్టుప్ ఛందః శ్రీపంచవక్త్రహనుమాన్ దేవతా ఓం బీజం రుద్రమూర్తయే ఇతి శక్తిః స్వాహా కీలకం శ్రీపంచవక్త్రహనుమద్దేవతా ప్రసాదసిద్ధ్యర్థే జపే వినియోగః ||
కరన్యాసః –
ఓం హ్రాం అంజనాసుతాయ అంగుష్ఠాభ్యాం నమః |
ఓం హ్రీం రుద్రమూర్తయే తర్జనీభ్యాం నమః |
ఓం హ్రూం వాయుపుత్రాయ మధ్యమాభ్యాం నమః |
ఓం హ్రైం అగ్నిగర్భాయ అనామికాభ్యాం నమః |
ఓం హ్రౌం రామదూతాయ కనిష్ఠికాభ్యాం నమః |
ఓం హ్రః పంచవక్త్రహనుమతే కరతలకరపృష్ఠాభ్యాం నమః |
అంగన్యాసః –
ఓం హ్రాం అంజనాసుతాయ హృదయాయ నమః |
ఓం హ్రీం రుద్రమూర్తయే శిరసే స్వాహా |
ఓం హ్రూం వాయుపుత్రాయ శిఖాయై వషట్ |
ఓం హ్రైం అగ్నిగర్భాయ కవచాయ హుం |
ఓం హ్రౌం రామదూతాయ నేత్రత్రయాయ వౌషట్ |
ఓం హ్రః పంచవక్త్రహనుమతే అస్త్రాయ ఫట్ |
ఓం భూర్భువః స్వరోమితి దిగ్బంధః ||
ధ్యానం –
ధ్యాయేద్బాలదివాకరద్యుతినిభం దేవారిదర్పాపహం
దేవేంద్రప్రముఖైః ప్రశస్తయశసం దేదీప్యమానం ఋచా |
సుగ్రీవాదిసమస్తవానరయుతం సువ్యక్తతత్త్వప్రియం
సంరక్తారుణలోచనం పవనజం పీతాంబరాలంకృతం ||
హృదయ స్తోత్రం –
ఓం నమో వాయుపుత్రాయ పంచవక్త్రాయ తే నమః |
నమోఽస్తు దీర్ఘబాలాయ రాక్షసాంతకరాయ చ || 1 ||
వజ్రదేహ నమస్తుభ్యం శతాననమదాపహ |
సీతాసంతోషకరణ నమో రాఘవకింకర || 2 ||
సృష్టిప్రవర్తక నమో మహాస్థిత నమో నమః |
కలాకాష్ఠస్వరూపాయ మాససంవత్సరాత్మక || 3 ||
నమస్తే బ్రహ్మరూపాయ శివరూపాయ తే నమః |
నమో విష్ణుస్వరూపాయ సూర్యరూపాయ తే నమః || 4 ||
నమో వహ్నిస్వరూపాయ నమో గగనచారిణే |
సర్వరంభావనచర అశోకవననాశక || 5 ||
నమో కైలాసనిలయ మలయాచల సంశ్రయ |
నమో రావణనాశాయ ఇంద్రజిద్వధకారిణే || 6 ||
మహాదేవాత్మక నమో నమో వాయుతనూద్భవ |
నమః సుగ్రీవసచివ సీతాసంతోషకారణ || 7 ||
సముద్రోల్లంఘన నమో సౌమిత్రేః ప్రాణదాయక |
మహావీర నమస్తుభ్యం దీర్ఘబాహో నమో నమః || 8 ||
దీర్ఘబాల నమస్తుభ్యం వజ్రదేహ నమో నమః |
ఛాయాగ్రహహర నమో వరసౌంయముఖేక్షణ || 9 ||
సర్వదేవసుసంసేవ్య మునిసంఘనమస్కృత |
అర్జునధ్వజసంవాస కృష్ణార్జునసుపూజిత || 10 ||
ధర్మార్థకామమోక్షాఖ్య పురుషార్థప్రవర్తక |
బ్రహ్మాస్త్రబంద్య భగవన్ ఆహతాసురనాయక || 11 ||
భక్తకల్పమహాభుజ భూతభేతాళనాశక |
దుష్టగ్రహహరానంత వాసుదేవ నమోఽస్తు తే || 12 ||
శ్రీరామకార్యే చతుర పార్వతీగర్భసంభవ |
నమః పంపావనచర ఋష్యమూకకృతాలయ || 13 ||
ధాన్యమాలీశాపహర కాలనేమినిబర్హణ |
సువర్చలాప్రాణనాథ రామచంద్రపరాయణ || 14 ||
నమో వర్గస్వరూపాయ వర్ణనీయగుణోదయ |
వరిష్ఠాయ నమస్తుభ్యం వేదరూప నమో నమః || 15 ||
నమస్తుభ్యం నమస్తుభ్యం భూయో భూయో నమాంయహం |
ఇతి తే కథితం దేవి హృదయం శ్రీహనూమతః || 16 ||
సర్వసంపత్కరం పుణ్యం సర్వసౌఖ్యవివర్ధనం |
దుష్టభూతగ్రహహరం క్షయాపస్మారనాశనం || 17 ||
యస్త్వాత్మనియమో భక్త్యా వాయుసూనోః సుమంగళం |
హృదయం పఠతే నిత్యం స బ్రహ్మసదృశో భవేత్ || 18 ||
అజప్తం హృదయం యో యః మంత్రం జపతి మానవః |
స దుఃఖం శీఘ్రమాప్నోతి మంత్రసిద్ధిర్న జాయతే || 19 ||
సత్యం సత్యం పునః సత్యం మంత్రసిద్ధికరం పరం |
ఇత్థం చ కథితం పూర్వం సాంబేన స్వప్రియాం ప్రతి || 20 ||
మహర్షేర్గౌతమాత్ పూర్వం మయా ప్రాప్తమిదం మునే |
తన్మయా ప్రహితం సర్వం శిష్యవాత్సల్యకారణాత్ || 21 ||
ఇతి శ్రీపరాశరసంహితాయాం శ్రీపరాశరమైత్రేయసంవాదే శ్రీ పంచముఖ హనుమత్ హృదయ స్తోత్రం ||