ఘోరరూపే మహారావే సర్వశత్రుభయంకరి |
భక్తేభ్యో వరదే దేవి త్రాహి మాం శరణాగతం || 1 ||
సురాఽసురార్చితే దేవి సిద్ధగంధర్వసేవితే |
జాడ్యపాపహరే దేవి త్రాహి మాం శరణాగతం || 2 ||
జటాజూటసమాయుక్తే లోలజిహ్వాన్తకారిణీ |
ద్రుతబుద్ధికరే దేవి త్రాహి మాం శరణాగతం || 3 ||
సౌంయక్రోధధరే రూపే చండరూపే నమోఽస్తు తే |
సృష్టిరూపే నమస్తుభ్యం త్రాహి మాం శరణాగతం || 4 ||
జడానాం జడతాం హన్తి భక్తానాం భక్తవత్సలా |
మూఢతాం హర మే దేవి త్రాహి మాం శరణాగతం || 5 ||
హ్రూం హ్రూంకరమయే దేవి బలిహోమప్రియే నమః |
ఉగ్రతారే నమో నిత్యం త్రాహి మాం శరణాగతం || 6 ||
బుద్ధిం దేహి యశో దేహి కవిత్వం దేహి దేవి మే |
మూఢత్వం చ హరేర్దేవి త్రాహి మాం శరణాగతం || 7 ||
ఇన్ద్రాదివిలసద్వన్ద్వవన్దితే కరుణామయి |
తారే తారధినాథాస్యే త్రాహి మాం శరణాగతం || 8 ||
అష్టంయాం చ చతుర్దశ్యాం నవంయాం యః పఠేన్నరః |
షణ్మాసైః సిద్ధిమాప్నోతి నాఽత్ర కార్యా విచారణా || 9 ||
మోక్షార్థీ లభతే మోక్షం ధనార్థీ లభతే ధనం |
విద్యార్థీ లభతే విద్యాం తర్కవ్యాకరణాదికం || 10 ||
ఇదం స్తోత్రం పఠేద్యస్తు సతతం శ్రద్ధయాన్వితః |
తస్య శత్రుః క్షయం యాతి మహాప్రజ్ఞా ప్రజాయతే || 11 ||
పీడాయాం వాపి సంగ్రామే జాడ్యే దానే తథా భయే |
య ఇదం పఠతి స్తోత్రం శుభం తస్య న సంశయః || 12 ||
ఇతి ప్రణంయ స్తుత్వా చ యోనిముద్రాం ప్రదర్శయేత్ ||