Sri Maha Kali Shatanama Stotram (Brihan Nila Tantram) pdf download – శ్రీ మహాకాళీ శతనామ స్తోత్రం (బృహన్నీలతంత్రే)

శ్రీదేవ్యువాచ |
పురా ప్రతిశ్రుతం దేవ క్రీడాసక్తో యదా భవాన్ |
నాంనాం శతం మహాకాళ్యాః కథయస్వ మయి ప్రభో || 1 ||
శ్రీభైరవ ఉవాచ |
సాధు పృష్టం మహాదేవి అకథ్యం కథయామి తే |
న ప్రకాశ్యం వరారోహే స్వయోనిరివ సుందరి || 2 ||
ప్రాణాధికప్రియతరా భవతీ మమ మోహినీ |
క్షణమాత్రం న జీవామి త్వాం వినా పరమేశ్వరి || 3 ||
యథాదర్శేఽమలే బింబం ఘృతం దధ్యాదిసంయుతం |
తథాహం జగతామాద్యే త్వయి సర్వత్ర గోచరః || 4 ||
శృణు దేవి ప్రవక్ష్యామి జపాత్ సార్వజ్ఞదాయకం |
సదాశివ ఋషిః ప్రోక్తోఽనుష్టుప్ ఛందశ్చ ఈరితః || 5 ||
దేవతా భైరవో దేవి పురుషార్థచతుష్టయే |
వినియోగః ప్రయోక్తవ్యః సర్వకర్మఫలప్రదః || 6 ||
అథ స్తోత్రం |
మహాకాళీ జగద్ధాత్రీ జగన్మాతా జగన్మయీ |
జగదంబా జగత్సారా జగదానందకారిణీ || 7 ||
జగద్విధ్వంసినీ గౌరీ దుఃఖదారిద్ర్యనాశినీ |
భైరవభావినీ భావానంతా సారస్వతప్రదా || 8 ||
చతుర్వర్గప్రదా సాధ్వీ సర్వమంగళమంగళా |
భద్రకాళీ విశాలాక్షీ కామదాత్రీ కళాత్మికా || 9 ||
నీలవాణీ మహాగౌరసర్వాంగా సుందరీ పరా |
సర్వసంపత్ప్రదా భీమనాదినీ వరవర్ణినీ || 10 ||
వరారోహా శివారోహా మహిషాసురఘాతినీ |
శివపూజ్యా శివప్రీతా దానవేంద్రప్రపూజితా || 11 ||
సర్వవిద్యామయీ శర్వసర్వాభీష్టఫలప్రదా |
కోమలాంగీ విధాత్రీ చ విధాతృవరదాయినీ || 12 ||
పూర్ణేందువదనా నీలమేఘవర్ణా కపాలినీ |
కురుకుల్లా విప్రచిత్తా కాంతచిత్తా మదోన్మదా || 13 ||
మత్తాంగీ మదనప్రీతా మదాఘూర్ణితలోచనా |
మదోత్తీర్ణా ఖర్పరాఽసినరముండవిలాసినీ || 14 ||
నరముండస్రజా దేవీ ఖడ్గహస్తా భయానకా |
అట్టహాసయుతా పద్మా పద్మరాగోపశోభితా || 15 ||
వరాఽభయప్రదా కాళీ కాలరాత్రిస్వరూపిణీ |
స్వధా స్వాహా వషట్కారా శరదిందుసమప్రభా || 16 ||
శరత్జ్యోత్స్నా చ సంహ్లాదా విపరీతరతాతురా |
ముక్తకేశీ ఛిన్నజటా జటాజూటవిలాసినీ || 17 ||
సర్పరాజయుతా భీమా సర్పరాజోపరిస్థితా |
శ్మశానస్థా మహానందిస్తుతా సందీప్తలోచనా || 18 ||
శవాసనరతా నందా సిద్ధచారణసేవితా |
బలిదానప్రియా గర్భా భూర్భువఃస్వఃస్వరూపిణీ || 19 ||
గాయత్రీ చైవ సావిత్రీ మహానీలసరస్వతీ |
లక్ష్మీర్లక్షణసంయుక్తా సర్వలక్షణలక్షితా || 20 ||
వ్యాఘ్రచర్మావృతా మేధ్యా త్రివలీవలయాంచితా |
గంధర్వైః సంస్తుతా సా హి తథా చేందా మహాపరా || 21 ||
పవిత్రా పరమా మాయా మహామాయా మహోదయా |
ఇతి తే కథితం దివ్యం శతం నాంనాం మహేశ్వరి || 22 ||
యః పఠేత్ ప్రాతరుత్థాయ స తు విద్యానిధిర్భవేత్ |
ఇహ లోకే సుఖం భుక్త్వా దేవీసాయుజ్యమాప్నుయాత్ || 23 ||
తస్య వశ్యా భవంత్యేతే సిద్ధౌఘాః సచరాచరాః |
ఖేచరా భూచరాశ్చైవ తథా స్వర్గచరాశ్చ యే || 24 ||
తే సర్వే వశమాయాంతి సాధకస్య హి నాన్యథా |
నాంనాం వరం మహేశాని పరిత్యజ్య సహస్రకం || 25 ||
పఠితవ్యం శతం దేవి చతుర్వర్గఫలప్రదం |
అజ్ఞాత్వా పరమేశాని నాంనాం శతం మహేశ్వరి || 26 ||
భజతే యో మహకాళీం సిద్ధిర్నాస్తి కలౌ యుగే |
ప్రపఠేత్ ప్రయతో భక్త్యా తస్య పుణ్యఫలం శృణు || 27 ||
లక్షవర్షసహస్రస్య కాళీపూజాఫలం భవేత్ |
బహునా కిమిహోక్తేన వాంఛితార్థీ భవిష్యతి || 28 ||
ఇతి శ్రీబృహన్నీలతంత్రే త్రయోవింశః పటలే భైరవపార్వతీసంవాదే శ్రీ మహాకాళీ శతనామ స్తోత్రం ||