Sri Lakshmana Kavacham pdf download – శ్రీ లక్ష్మణ కవచం

అగస్త్య ఉవాచ |
సౌమిత్రిం రఘునాయకస్య చరణద్వంద్వేక్షణం శ్యామలం
బిభ్రంతం స్వకరేణ రామశిరసి చ్ఛత్రం విచిత్రాంబరం |
బిభ్రంతం రఘునాయకస్య సుమహత్కోదండబాణాసనే
తం వందే కమలేక్షణం జనకజావాక్యే సదా తత్పరం || 1 ||
ఓం అస్య శ్రీలక్ష్మణకవచమంత్రస్య అగస్త్య ఋషిః అనుష్టుప్ ఛందః శ్రీలక్ష్మణో దేవతా శేష ఇతి బీజం సుమిత్రానందన ఇతి శక్తిః రామానుజ ఇతి కీలకం రామదాస ఇత్యస్త్రం రఘువంశజ ఇతి కవచం సౌమిత్రిరితి మంత్రః శ్రీలక్ష్మణప్రీత్యర్థం సకలమనోఽభిలషితసిద్ధ్యర్థం జపే వినియోగః |
అథ కరన్యాసః |
ఓం లక్ష్మణాయ అంగుష్ఠాభ్యాం నమః |
ఓం శేషాయ తర్జనీభ్యాం నమః |
ఓం సుమిత్రానందనాయ మధ్యమాభ్యాం నమః |
ఓం రామానుజాయ అనామికాభ్యాం నమః |
ఓం రామదాసాయ కనిష్ఠికాభ్యాం నమః |
ఓం రఘువంశజాయ కరతలకరపృష్ఠాభ్యాం నమః |
అథ అంగన్యాసః |
ఓం లక్ష్మణాయ హృదయాయ నమః |
ఓం శేషాయ శిరసే స్వాహా |
ఓం సుమిత్రానందనాయ శిఖాయై వషట్ |
ఓం రామానుజాయ కవచాయ హుం |
ఓం రామదాసాయ నేత్రత్రయాయ వౌషట్ |
ఓం రఘువంశజాయ అస్త్రాయ ఫట్ |
ఓం సౌమిత్రయే ఇతి దిగ్బంధః |
అథ ధ్యానం |
రామపృష్ఠస్థితం రంయం రత్నకుండలధారిణం |
నీలోత్పలదళశ్యామం రత్నకంకణమండితం || 1 ||
రామస్య మస్తకే దివ్యం బిభ్రంతం ఛత్రముత్తమం |
వరపీతాంబరధరం ముకుటే నాతిశోభితం || 2 ||
తూణీరం కార్ముకం చాపి బిభ్రంతం చ స్మితాననం |
రత్నమాలాధరం దివ్యం పుష్పమాలావిరాజితం || 3 ||
ఏవం ధ్యాత్వా లక్ష్మణం చ రాఘవన్యస్తలోచనం |
కవచం జపనీయం హి తతో భక్త్యాత్ర మానవైః || 4 ||
అథ కవచం |
లక్ష్మణః పాతు మే పూర్వే దక్షిణే రాఘవానుజః |
ప్రతీచ్యాం పాతు సౌమిత్రిః పాతూదీచ్యాం రఘూత్తమః || 5 ||
అధః పాతు మహావీరశ్చోర్ధ్వం పాతు నృపాత్మజః |
మధ్యే పాతు రామదాసః సర్వతః సత్యపాలకః || 6 ||
స్మితాననః శిరః పాతు భాలం పాతూర్మిలాధవః |
భ్రువోర్మధ్యే ధనుర్ధారీ సుమిత్రానందనోఽక్షిణీ || 7 ||
కపోలే రామమంత్రీ చ సర్వదా పాతు వై మమ |
కర్ణమూలే సదా పాతు కబంధభుజఖండనః || 8 ||
నాసాగ్రం మే సదా పాతు సుమిత్రానందవర్ధనః |
రామన్యస్తేక్షణః పాతు సదా మేఽత్ర ముఖం భువి || 9 ||
సీతావాక్యకరః పాతు మమ వాణీం సదాఽత్ర హి |
సౌంయరూపః పాతు జిహ్వామనంతః పాతు మే ద్విజాన్ || 10 ||
చిబుకం పాతు రక్షోఘ్నః కంఠం పాత్వసురార్దనః |
స్కంధౌ పాతు జితారాతిర్భుజౌ పంకజలోచనః || 11 ||
కరౌ కంకణధారీ చ నఖాన్ రక్తనఖోఽవతు |
కుక్షిం పాతు వినిద్రో మే వక్షః పాతు జితేంద్రియః || 12 ||
పార్శ్వే రాఘవపృష్ఠస్థః పృష్ఠదేశం మనోరమః |
నాభిం గంభీరనాభిస్తు కటిం చ రుక్మమేఖలః || 13 ||
గుహ్యం పాతు సహస్రాస్యః పాతు లింగం హరిప్రియః |
ఊరూ పాతు విష్ణుతుల్యః సుముఖోఽవతు జానునీ || 14 ||
నాగేంద్రః పాతు మే జంఘే గుల్ఫౌ నూపురవాన్మమ |
పాదావంగదతాతోఽవ్యాత్ పాత్వంగాని సులోచనః || 15 ||
చిత్రకేతుపితా పాతు మమ పాదాంగులీః సదా |8
రోమాణి మే సదా పాతు రవివంశసముద్భవః || 16 ||
దశరథసుతః పాతు నిశాయాం మమ సాదరం |
భూగోలధారీ మాం పాతు దివసే దివసే సదా || 17 ||
సర్వకాలేషు మామింద్రజిద్ధంతాఽవతు సర్వదా |
ఏవం సౌమిత్రికవచం సుతీక్ష్ణ కథితం మయా || 18 ||
ఇదం ప్రాతః సముత్థాయ యే పఠంత్యత్ర మానవాః |
తే ధన్యా మానవా లోకే తేషాం చ సఫలో భవః || 19 ||
సౌమిత్రేః కవచస్యాస్య పఠనాన్నిశ్చయేన హి |
పుత్రార్థీ లభతే పుత్రాన్ ధనార్థీ ధనమాప్నుయాత్ || 20 ||
పత్నీకామో లభేత్పత్నీం గోధనార్థీ తు గోధనం |
ధాన్యార్థీ ప్రాప్నుయాద్ధాన్యం రాజ్యార్థీ రాజ్యమాప్నుయాత్ || 21 ||
పఠితం రామకవచం సౌమిత్రికవచం వినా |
ఘృతేన హీనం నైవేద్యం తేన దత్తం న సంశయః || 22 ||
కేవలం రామకవచం పఠితం మానవైర్యది |
తత్పాఠేన తు సంతుష్టో న భవేద్రఘునందనః || 23 ||
అతః ప్రయత్నతశ్చేదం సౌమిత్రికవచం నరైః |
పఠనీయం సర్వదైవ సర్వవాంఛితదాయకం || 24 ||
ఇతి శ్రీమదానందరామాయణే సుతీక్ష్ణాగస్త్యసంవాదే శ్రీలక్ష్మణకవచం |