Sri Dakshina Kali Hrudayam -1 (Mahakauthuhalam) pdf download – శ్రీ దక్షిణకాళీ హృదయ స్తోత్రం –1 (మహాకౌతూహలం)

శ్రీమహాకాల ఉవాచ |
మహాకౌతూహలస్తోత్రం హృదయాఖ్యం మహోత్తమం |
శృణు ప్రియే మహాగోప్యం దక్షిణాయాః సుగోపితం || 1 ||
అవాచ్యమపి వక్ష్యామి తవ ప్రీత్యా ప్రకాశితం |
అన్యేభ్యః కురు గోప్యం చ సత్యం సత్యం చ శైలజే || 2 ||
శ్రీదేవ్యువాచ |
కస్మిన్ యుగే సముత్పన్నం కేన స్తోత్రం కృతం పురా |
తత్సర్వం కథ్యతాం శంభో మహేశ్వర దయానిధే || 3 ||
శ్రీమహాకాల ఉవాచ |
పురా ప్రజాపతేః శీర్షచ్ఛేదనం కృతవానహం |
బ్రహ్మహత్యాకృతైః పాపైర్భైరవత్వం మమాగతం || 4 ||
బ్రహ్మహత్యా వినాశాయ కృతం స్తోత్రం మయా ప్రియే |
కృత్యారినాశకం స్తోత్రం బ్రహ్మహత్యాపహారకం || 5 ||
అస్య శ్రీ దక్షిణకాళీ హృదయ స్తోత్ర మంత్రస్య శ్రీమహాకాల ఋషిః ఉష్ణిక్ ఛందః శ్రీదక్షిణకాళికా దేవతా క్రీం బీజం హ్రీం శక్తిః నమః కీలకం సర్వపాపక్షయార్థే జపే వినియోగః ||
కరన్యాసః –
ఓం క్రాం అంగుష్ఠాభ్యాం నమః |
ఓం క్రీం తర్జనీభ్యాం నమః |
ఓం క్రూం మధ్యమాభ్యాం నమః |
ఓం క్రైం అనామికాభ్యాం నమః |
ఓం క్రౌం కనిష్ఠికాభ్యాం నమః |
ఓం క్రః కరతలకరపృష్ఠాభ్యాం నమః |
హృదయాది న్యాసః –
ఓం క్రాం హృదయాయ నమః |
ఓం క్రీం శిరసే స్వాహా |
ఓం క్రూం శిఖాయై వషట్ |
ఓం క్రైం కవచాయ హుం |
ఓం క్రౌం నేత్రత్రయాయ వౌషట్ |
ఓం క్రః అస్త్రాయ ఫట్ |
ధ్యానం –
ధ్యాయేత్కాళీం మహామాయాం త్రినేత్రాం బహురూపిణీం |
చతుర్భుజాం లలజ్జిహ్వాం పూర్ణచంద్రనిభాననాం || 1 ||
నీలోత్పలదళప్రఖ్యాం శత్రుసంఘవిదారిణీం |
వర ముండం తథా ఖడ్గం ముసలం వరదం తథా || 2 ||
బిభ్రాణాం రక్తవదనాం దంష్ట్రాళీం ఘోరరూపిణీం |
అట్టాట్టహాసనిరతాం సర్వదా చ దిగంబరాం || 3 ||
శవాసనస్థితాం దేవీం ముండమాలావిభూషితాం |
ఇతి ధ్యాత్వా మహాదేవీం తతస్తు హృదయం పఠేత్ || 4 ||
అథ హృదయ స్తోత్రం |
కాళికా ఘోరరూపాఢ్యా సర్వకామఫలప్రదా |
సర్వదేవస్తుతా దేవీ శత్రునాశం కరోతు మే || 5 ||
హ్రీం హ్రీం స్వరూపిణీ శ్రేష్ఠా త్రిషులోకేషు దుర్లభా |
తవ స్నేహాన్మయాఖ్యాతం న దేయం యస్య కస్యచిత్ || 6 ||
అథ ధ్యానం ప్రవక్ష్యామి నిశామయ పరాత్మికే |
యస్య విజ్ఞానమాత్రేణ జీవన్ముక్తో భవిష్యతి || 7 ||
నాగయజ్ఞోపవీతాం చ చంద్రార్ధకృతశేఖరాం |
జటాజూటాం చ సంచింత్య మహాకాలసమీపగాం || 8 ||
ఏవం న్యాసాదయః సర్వే యే ప్రకుర్వంతి మానవాః |
ప్రాప్నువంతి చ తే మోక్షం సత్యం సత్యం వరాననే || 9 ||
యంత్రం శృణు పరం దేవ్యాః సర్వాభీష్టప్రదాయకం |
గోప్యాద్గోప్యతరం గోప్యం గోప్యాద్గోప్యతరం మహత్ || 10 ||
త్రికోణం పంచకం చాష్టకమలం భూపురాన్వితం |
ముండపంక్తిం చ జ్వాలం చ కాళీయంత్రం సుసిద్ధిదం || 11 ||
మంత్రం తు పూర్వం కథితం ధారయస్వ సదా ప్రియే |
దేవ్యా దక్షిణకాళ్యాస్తు నామ మాలాం నిశామయ || 12 ||
కాళీ దక్షిణకాళీ చ కృష్ణరూపా పరాత్మికా |
ముండమాలీ విశాలాక్షీ సృష్టిసంహారకారిణీ || 13 ||
స్థితిరూపా మహామాయా యోగనిద్రా భగాత్మికా |
భగసర్పిః పానరతా భగధ్యేయా భగాంగజా || 14 ||
ఆద్యా సదా నవా ఘోరా మహాతేజాః కరాళికా |
ప్రేతవాహా సిద్ధిలక్ష్మీరనిరుద్ధా సరస్వతీ || 15 ||
నామాన్యేతాని సుభగే యే పఠంతి దినే దినే |
తేషాం దాసస్య దాసోఽహం సత్యం సత్యం మహేశ్వరి || 16 ||
ఓం | కాళీం కాలహరాం దేవీం కంకాళీం బీజరూపిణీం |
కాలరూపాం కళాతీతాం కాళికాం దక్షిణాం భజే || 17 ||
కుండగోళప్రియాం దేవీం స్వయంభూ కుసుమే రతాం |
రతిప్రియాం మహారౌద్రీం కాళికాం ప్రణమాంయహం || 18 ||
దూతీప్రియాం మహాదూతీం దూతీయోగేశ్వరీం పరాం |
దూతీయోగోద్భవరతాం దూతీరూపాం నమాంయహం || 19 ||
క్రీం మంత్రేణ జలం జప్త్వా సప్తధా సేచనేన తు |
సర్వేరోగాః వినశ్యంతి నాత్ర కార్యా విచారణా || 20 ||
క్రీం స్వాహాంతైర్మహామంత్రైశ్చందనం సాధయేత్తతః |
తిలకం క్రియతే ప్రాజ్ఞైర్లోకోవశ్యో భవేత్సదా || 21 ||
క్రీం హూం హ్రీం మంత్రజప్తైశ్చ హ్యక్షతైః సప్తభిః ప్రియే |
మహాభయవినాశశ్చ జాయతే నాత్ర సంశయః || 22 ||
క్రీం హ్రీం హూం స్వాహా మంత్రేణ శ్మశానే భస్మ మంత్రయేత్ |
శత్రోర్గృహే ప్రతిక్షిప్త్వా శత్రోర్మృత్యుర్భవిష్యతి || 23 ||
హూం హ్రీం క్రీం చైవ ఉచ్చాటే పుష్పం సంశోధ్య సప్తధా |
రిపూణాం చైవ చోచ్చాటం నయత్యేవ న సంశయః || 24 ||
ఆకర్షణే చ క్రీం క్రీం క్రీం జప్త్వాక్షతాన్ ప్రతిక్షిపేత్ |
సహస్రయోజనస్థా చ శీఘ్రమాగచ్ఛతి ప్రియే || 25 ||
క్రీం క్రీం క్రీం హ్రూం హ్రూం హ్రీం హ్రీం చ కజ్జలం శోధితం తథా |
తిలకేన జగన్మోహః సప్తధా మంత్రమాచరేత్ || 26 ||
హృదయం పరమేశాని సర్వపాపహరం పరం |
అశ్వమేధాదియజ్ఞానాం కోటి కోటి గుణోత్తరం || 27 ||
కన్యాదానాది దానానాం కోటి కోటిగుణం ఫలం |
దూతీయాగాది యాగానాం కోటి కోటి ఫలం స్మృతం || 28 ||
గంగాది సర్వతీర్థానాం ఫలం కోటిగుణం స్మృతం |
ఏకధా పాఠమాత్రేణ సత్యం సత్యం మయోదితం || 29 ||
కౌమారీస్వేష్టరూపేణ పూజాం కృత్వా విధానతః |
పఠేత్‍ స్తోత్రం మహేశాని జీవన్ముక్తః స ఉచ్యతే || 30 ||
రజస్వలాభగం దృష్ట్వా పఠేదేకాగ్రమానసః |
లభతే పరమం స్థానం దేవీలోకే వరాననే || 31 ||
మహాదుఃఖే మహారోగే మహాసంకటకే దినే |
మహాభయే మహాఘోరే పఠేత్‍ స్తోత్రం మహోత్తమం |
సత్యం సత్యం పునః సత్యం గోపయేన్మాతృజారవత్ || 32 ||
ఇతి మహాకౌతూహలం నామ శ్రీ దక్షిణకాళీ హృదయ స్తోత్రం |