Sri Gayatri Bhujanga Stotram pdf download – శ్రీ గాయత్రీ భుజంగ స్తోత్రం

ఉషఃకాలగంయాముదాత్త స్వరూపాం
అకారప్రవిష్టాముదారాంగభూషాం |
అజేశాది వంద్యామజార్చాంగభాజాం
అనౌపంయరూపాం భజాంయాదిసంధ్యాం || 1 ||
సదా హంసయానాం స్ఫురద్రత్నవస్త్రాం
వరాభీతిహస్తాం ఖగాంనాయరూపాం |
స్ఫురత్స్వాధికామక్షమాలాం చ కుంభం
దధనామహం భావయే పూర్వసంధ్యాం || 2 ||
ప్రవాళ ప్రకృష్టాంగ భూషోజ్జ్వలంతీం
కిరీటోల్లసద్రత్నరాజప్రభాతాం |
విశాలోరుభాసాం కుచాశ్లేషహారాం
భజే బాలకాం బ్రహ్మవిద్యాం వినోదాం || 3 ||
స్ఫురచ్చంద్రకాంతాం శరచ్చంద్రవక్త్రాం
మహాచంద్రకాంతాద్రి పీనస్తనాఢ్యాం |
త్రిశూలాక్షహస్తాం త్రినేత్రస్య పత్నీం
వృషారూఢపాదాం భజే మధ్యసంధ్యాం || 4 ||
షడాధారరూపాం షడాధారగంయాం
షడధ్వాతిశుద్ధాం యజుర్వేదరూపాం |
హిమాద్రేః సుతాం కుందదంతావభాసాం
మహేశార్ధదేహాం భజే మధ్యసంధ్యాం || 5 ||
సుషుంనాంతరస్థాం సుధాసేవ్యమానా-
-ముకారాంతరస్థాం ద్వితీయస్వరూపాం |
సహస్రార్కరశ్మి ప్రభాసత్రినేత్రాం
సదా యౌవనాఢ్యాం భజే మధ్యసంధ్యాం || 6 ||
సదాసామగానాం ప్రియాం శ్యామలాంగీం
అకారాంతరస్థాం కరోల్లాసిచక్రాం |
గదాపద్మహస్తాం ధ్వనత్పాంచజన్యాం
ఖగేశోపవిష్టాం భజేమాస్తసంధ్యాం || 7 ||
ప్రగల్భస్వరూపాం స్ఫురత్కంకణాఢ్యాం
అహంలంబమానస్తనప్రాంతహారం |
మహానీలరత్నప్రభాకుండలాభ్యాం
స్ఫురత్స్మేరవక్త్రాం భజే తుర్యసంధ్యాం || 8 ||
సదాతత్త్వమస్యాది వాక్యైకగంయాం
మహామోక్షమార్గైక పాథేయరూపాం |
మహాసిద్ధవిద్యాధరైః సేవ్యమానాం
భజేఽహం భవోత్తారణీం తుర్యసంధ్యాం || 9 ||
హృదంభోజమధ్యే పరాంనాయమీడే
సుఖాసీనసద్రాజహంసాం మనోజ్ఞాం |
సదా హేమభాసాం త్రయీవిద్యమధ్యాం
భజామ స్తువామో వదామ స్మరామః || 10 ||
సదా తత్పదైస్తూయమానాం సవిత్రీం
వరేణ్యాం మహాభర్గరూపాం త్రినేత్రాం |
సదా దేవదేవాది దేవస్య పత్నీం
అహం ధీమహీత్యాది పాదైక జుష్టాం || 11 ||
అనాథం దరిద్రం దురాచారయుక్తం
శఠం స్థూలబుద్ధిం పరం ధర్మహీనం |
త్రిసంధ్యాం జపధ్యానహీనం మహేశీం
పరం చింతయామి ప్రసీద త్వమేవ || 12 ||
ఇతీదం భుజంగం పఠేద్యస్తు భక్త్యా
సమాధాయ చిత్తే సదా శ్రీభవానీం |
త్రిసంధ్యస్వరూపాం త్రిలోకైకవంద్యాం
స ముక్తో భవేత్సర్వపాపైరజస్రం || 13 ||