నమస్తే భగవన్ దేవ దత్తాత్రేయ జగత్ప్రభో |
సర్వబాధాప్రశమనం కురు శాంతిం ప్రయచ్ఛ మే || 1 ||
అనసూయాసుత శ్రీశః జనపాతకనాశన |
దిగంబర నమో నిత్యం తుభ్యం మే వరదో భవ || 2 ||
భూతప్రేతపిశాచాద్యాః యస్య స్మరణ మాత్రతః |
దూరాదేవ పలాయంతే దత్తాత్రేయం నమామి తం || 3 ||
యన్నామస్మరణాద్దైన్యం పాపం తాపం చ నశ్యతి |
భీతర్గ్రహార్తిదుఃస్వప్నం దత్తాత్రేయం నమామి తం || 4 ||
దద్రుస్ఫోటక కుష్టాది మహామారీ విషూచికాః |
నశ్యంత్యన్యేపి రోగాశ్చ దత్తాత్రేయం నమామి తం || 5 ||
సంగజా దేశకాలోత్థాః తాపత్రయ సముత్థితాః |
శాంయంతి యత్ స్మరణతో దత్తాత్రేయం నమామి తం || 6 ||
సర్పవృశ్చికదష్టాణాం విషార్తానాం శరీరిణాం |
యన్నామ శాంతిదం శీఘ్రం దత్తాత్రేయం నమామి తం || 7 ||
త్రివిధోత్పాతశమనం వివిధారిష్టనాశనం |
యన్నామ క్రూరభీతిఘ్నం దత్తాత్రేయం నమామి తం || 8 ||
వైర్యాదికృతమంత్రాది ప్రయోగా యస్య కీర్తనాత్ |
నశ్యంతి దేహబాధాశ్చ దత్తాత్రేయం నమామి తం || 9 ||
యచ్ఛిష్యస్మరణాత్ సద్యో గతనష్టాది లభ్యతే |
యశ్చమే సర్వతస్త్రాతా దత్తాత్రేయం నమామి తం || 10 ||
జయ లాభ యశః కామ దాతుర్దత్తస్య యః స్తవం |
భోగమోక్షప్రదస్యేమం పఠేద్దత్తప్రియో భవేత్ || 11 ||
దేవనాథగురో స్వామిన్ దేశిక స్వాత్మనాయక |
త్రాహి త్రాహి కృపాసింధో పూర్ణపారాయణం కురు ||
ఇతి శ్రీమత్పరమహంస పరివ్రాజకాచార్యవర్య శ్రీవాసుదేవానందసరస్వతీ విరచిత శ్రీ దత్తాత్రేయ శాంతి స్తోత్రం |
Sri Dattatreya Shanti Stotram pdf download – శ్రీ దత్తాత్రేయ శాంతి స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
