Sri Dakshina Kali Kavacham 1 pdf download – శ్రీ దక్షిణకాళీ కవచం –1

భైరవ ఉవాచ |
కాళికా యా మహావిద్యా కథితా భువి దుర్లభా |
తథాఽపి హృదయే శల్యమస్తి దేవి కృపాం కురు || 1 ||
కవచస్తు మహాదేవి కథయస్వానుకంపయా |
యది నో కథ్యతే మాతర్విముంచామి తదా తనుం || 2 ||
శ్రీదేవ్యువాచ |
శంకాపి జాయతే వత్స తవ స్నేహాత్ ప్రకాశితం |
న వక్తవ్యం న ద్రష్టవ్యమతిగుహ్యతరం మహత్ || 3 ||
కాళికా జగతాం మాతా శోకదుఃఖవినాశినీ |
విశేషతః కలియుగే మహాపాతకహారిణీ || 4 ||
అథ కవచం –
కాళీ మే పురతః పాతు పృష్ఠతశ్చ కపాలినీ |
కుల్లా మే దక్షిణే పాతు కురుకుల్లా తథోత్తరే || 5 ||
విరోధినీ శిరః పాతు విప్రచిత్తా తు చక్షుషీ |
ఉగ్రా మే నాసికాం పాతు కర్ణౌ చోగ్రప్రభా మతా || 6 ||
వదనం పాతు మే దీప్తా నీలా చ చిబుకం సదా |
ఘనా గ్రీవం సదా పాతు బలాకా బాహుయుగ్మకం || 7 ||
మాత్రా పాతు కరద్వంద్వం వక్షో ముద్రా సదావతు |
మితా పాతు స్తనద్వంద్వం యోనిమండలదేవతా || 8 ||
బ్రాహ్మీ మే జఠరం పాతు నాభిం నారాయణీ తథా |
ఊరూ మాహేశ్వరీ నిత్యం చాముండా పాతు లింగకం || 9 ||
కౌమారీ చ కటిం పాతు తథైవ జానుయుగ్మకం |
అపరాజితా చ పాదౌ మే వారాహీ పాతు చాంగుళీన్ || 10 ||
సంధిస్థానం నారసింహీ పత్రస్థా దేవతావతు |
రక్షాహీనం తు యత్ స్థానం వర్జితం కవచేన తు || 11 ||
తత్సర్వం రక్ష మే దేవి కాళికే ఘోరదక్షిణే |
ఊర్ధ్వమధస్తథా దిక్షు పాతు దేవీ స్వయం వపుః || 12 ||
హింస్రేభ్యః సర్వదా పాతు సాధకం చ జలాధికాత్ |
దక్షిణాకాళికా దేవీ వ్యాపకత్వే సదావతు || 13 ||
ఇదం కవచమజ్ఞాత్వా యో జపేద్దేవదక్షిణాం |
న పూజాఫలమాప్నోతి విఘ్నస్తస్య పదే పదే || 14 ||
కవచేనావృతో నిత్యం యత్ర యత్రైవ గచ్ఛతి |
తత్ర తత్రాఽభయం తస్య న క్షోభం విద్యతే క్వచిత్ || 15 ||
ఇతి కాళీకులసర్వస్వే శ్రీ దక్షిణకాళికా కవచం |