శ్రీ పార్వత్యువాచ –
నాంనాం సహస్రం పరమం ఛిన్నమస్తాప్రియం శుభం |
కథితం భవతా శంభోస్సద్యశ్శత్రునికృంతనం || 1 ||
పునః పృచ్ఛాంయహం దేవ కృపాం కురు మమోపరి |
సహస్రనామపాఠే చ అశక్తో యః పుమాన్ భవేత్ || 2 ||
తేన కిం పఠ్యతే నాథ తన్మే బ్రూహి కృపామయ |
శ్రీ సదాశివ ఉవాచ –
అష్టోత్తరశతం నాంనాం పఠ్యతే తేన సర్వదా || 3 ||
సహస్రనామపాఠస్య ఫలం ప్రాప్నోతి నిశ్చితం |
ఓం అస్య శ్రీఛిన్నమస్తాదేవ్యష్టోత్తర శతనామ స్తోత్రమహామంత్రస్య సదాశివ
ఋషిః అనుష్టుప్ ఛందః శ్రీఛిన్నమస్తా దేవతా మమ సకలసిద్ధి ప్రాప్తయే జపే వినియోగః ||
ఓం ఛిన్నమస్తా మహావిద్యా మహాభీమా మహోదరీ |
చండేశ్వరీ చండమాతా చండముండప్రభంజినీ || 4 ||
మహాచండా చండరూపా చండికా చండఖండినీ |
క్రోధినీ క్రోధజననీ క్రోధరూపా కుహూః కళా || 5 ||
కోపాతురా కోపయుతా కోపసంహారకారిణీ |
వజ్రవైరోచనీ వజ్రా వజ్రకల్పా చ డాకినీ || 6 ||
డాకినీకర్మనిరతా డాకినీకర్మపూజితా |
డాకినీసంగనిరతా డాకినీప్రేమపూరితా || 7 ||
ఖట్వాంగధారిణీ ఖర్వా ఖడ్గఖర్పరధారిణీ |
ప్రేతాసనా ప్రేతయుతా ప్రేతసంగవిహారిణీ || 8 ||
ఛిన్నముండధరా ఛిన్నచండవిద్యా చ చిత్రిణీ |
ఘోరరూపా ఘోరదృష్టిః ఘోరరావా ఘనోదరీ || 9 ||
యోగినీ యోగనిరతా జపయజ్ఞపరాయణా |
యోనిచక్రమయీ యోనిర్యోనిచక్రప్రవర్తినీ || 10 ||
యోనిముద్రా యోనిగంయా యోనియంత్రనివాసినీ |
యంత్రరూపా యంత్రమయీ యంత్రేశీ యంత్రపూజితా || 11 ||
కీర్త్యా కపర్దినీ కాళీ కంకాళీ కలకారిణీ |
ఆరక్తా రక్తనయనా రక్తపానపరాయణా || 12 ||
భవానీ భూతిదా భూతిర్భూతిధాత్రీ చ భైరవీ |
భైరవాచారనిరతా భూతభైరవసేవితా || 13 ||
భీమా భీమేశ్వరీ దేవీ భీమనాదపరాయణా |
భవారాధ్యా భవనుతా భవసాగరతారిణీ || 14 ||
భద్రకాళీ భద్రతనుర్భద్రరూపా చ భద్రికా |
భద్రరూపా మహాభద్రా సుభద్రా భద్రపాలినీ || 15 ||
సుభవ్యా భవ్యవదనా సుముఖీ సిద్ధసేవితా |
సిద్ధిదా సిద్ధినివహా సిద్ధా సిద్ధనిషేవితా || 16 ||
శుభదా శుభగా శుద్ధా శుద్ధసత్త్వా శుభావహా |
శ్రేష్ఠా దృష్టిమయీ దేవీ దృష్టిసంహారకారిణీ || 17 ||
శర్వాణీ సర్వగా సర్వా సర్వమంగళకారిణీ |
శివా శాంతా శాంతిరూపా మృడానీ మదానతురా || 18 ||
ఇతి తే కథితం దేవీ స్తోత్రం పరమదుర్లభం |
గుహ్యాద్గుహ్యతరం గోప్యం గోపనియం ప్రయత్నతః || 19 ||
కిమత్ర బహునోక్తేన త్వదగ్రే ప్రాణవల్లభే |
మారణం మోహనం దేవి హ్యుచ్చాటనమతః పరం || 20 ||
స్తంభనాదికకర్మాణి ఋద్ధయస్సిద్ధయోఽపి చ |
త్రికాలపఠనాదస్య సర్వే సిద్ధ్యంత్యసంశయః || 21 ||
మహోత్తమం స్తోత్రమిదం వరాననే
మయేరితం నిత్యమనన్యబుద్ధయః |
పఠంతి యే భక్తియుతా నరోత్తమా
భవేన్న తేషాం రిపుభిః పరాజయః || 22 ||
ఇతి శ్రీఛిన్నమస్తాదేవ్యష్టోత్తరశతనామ స్తోత్రం ||
Sri Chinnamasta Ashtottara Shatanama Stotram pdf download – శ్రీ ఛిన్నమస్తాదేవి అష్టోత్తరశతనామ స్తోత్రం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
