దేవా ఊచుః |
నమో దేవాదిదేవాయ త్రినేత్రాయ మహాత్మనే |
రక్తపింగళనేత్రాయ జటామకుటధారిణే || 1 ||
భూతవేతాళజుష్టాయ మహాభోగోపవీతినే |
భీమాట్టహాసవక్త్రాయ కపర్ది స్థాణవే నమః || 2 ||
పూషదంతవినాశాయ భగనేత్రహనే నమః |
భవిష్యద్వృషచిహ్నాయ మహాభూతపతే నమః || 3 ||
భవిష్యత్త్రిపురాంతాయ తథాంధకవినాశినే |
కైలాసవరవాసాయ కరికృత్తినివాసినే || 4 ||
వికరాళోర్ధ్వకేశాయ భైరవాయ నమో నమః |
అగ్నిజ్వాలాకరాళాయ శశిమౌళికృతే నమః || 5 ||
భవిష్యత్ కృతకాపాలివ్రతాయ పరమేష్ఠినే |
తథా దారువనధ్వంసకారిణే తిగ్మశూలినే || 6 ||
కృతకంకణభోగీంద్ర నీలకంఠ త్రిశూలినే |
ప్రచండదండహస్తాయ బడబాగ్నిముఖాయ చ || 7 ||
వేదాంతవేద్యాయ నమో యజ్ఞమూర్తే నమో నమః |
దక్షయజ్ఞవినాశాయ జగద్భయకరాయ చ || 8 ||
విశ్వేశ్వరాయ దేవాయ శివ శంభో భవాయ చ |
కపర్దినే కరాళాయ మహాదేవాయ తే నమః || 9 ||
ఏవం దేవైః స్తుతః శంభురుగ్రధన్వా సనాతనః |
ఉవాచ దేవదేవోయం యత్కరోమి తదుచ్యతే || 10 ||
ఇతి శ్రీవరాహపురాణే దేవకృత శివస్తోత్రం |
Deva Krita Shiva Stotram pdf download – శ్రీ శివ స్తోత్రం (దేవ కృతం)
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
