Bilva Ashttotara Shatanama Stotram pdf download – బిల్వాష్టోత్తరశతనామ స్తోత్రం

త్రిదళం త్రిగుణాకారం త్రినేత్రం చ త్రియాయుధం |
త్రిజన్మ పాపసంహారం ఏకబిల్వం శివార్పణం || 1 ||
త్రిశాఖైః బిల్వపత్రైశ్చ అచ్ఛిద్రైః కోమలైః శుభైః |
తవ పూజాం కరిష్యామి ఏకబిల్వం శివార్పణం || 2 ||
సర్వత్రైలోక్యకర్తారం సర్వత్రైలోక్యపాలనం |
సర్వత్రైలోక్యహర్తారం ఏకబిల్వం శివార్పణం || 3 ||
నాగాధిరాజవలయం నాగహారేణ భూషితం |
నాగకుండలసంయుక్తం ఏకబిల్వం శివార్పణం || 4 ||
అక్షమాలాధరం రుద్రం పార్వతీప్రియవల్లభం |
చంద్రశేఖరమీశానం ఏకబిల్వం శివార్పణం || 5 ||
త్రిలోచనం దశభుజం దుర్గాదేహార్ధధారిణం |
విభూత్యభ్యర్చితం దేవం ఏకబిల్వం శివార్పణం || 6 ||
త్రిశూలధారిణం దేవం నాగాభరణసుందరం |
చంద్రశేఖరమీశానం ఏకబిల్వం శివార్పణం || 7 ||
గంగాధరాంబికానాథం ఫణికుండలమండితం |
కాలకాలం గిరీశం చ ఏకబిల్వం శివార్పణం || 8 ||
శుద్ధస్ఫటిక సంకాశం శితికంఠం కృపానిధిం |
సర్వేశ్వరం సదాశాంతం ఏకబిల్వం శివార్పణం || 9 ||
సచ్చిదానందరూపం చ పరానందమయం శివం |
వాగీశ్వరం చిదాకాశం ఏకబిల్వం శివార్పణం || 10 ||
శిపివిష్టం సహస్రాక్షం కైలాసాచలవాసినం |
హిరణ్యబాహుం సేనాన్యం ఏకబిల్వం శివార్పణం || 11 ||
అరుణం వామనం తారం వాస్తవ్యం చైవ వాస్తవం |
జ్యేష్టం కనిష్ఠం గౌరీశం ఏకబిల్వం శివార్పణం || 12 ||
హరికేశం సనందీశం ఉచ్చైర్ఘోషం సనాతనం |
అఘోరరూపకం కుంభం ఏకబిల్వం శివార్పణం || 13 ||
పూర్వజావరజం యాంయం సూక్ష్మం తస్కరనాయకం |
నీలకంఠం జఘన్యం చ ఏకబిల్వం శివార్పణం || 14 ||
సురాశ్రయం విషహరం వర్మిణం చ వరూధినం
మహాసేనం మహావీరం ఏకబిల్వం శివార్పణం || 15 ||
కుమారం కుశలం కూప్యం వదాన్యం చ మహారథం |
తౌర్యాతౌర్యం చ దేవ్యం చ ఏకబిల్వం శివార్పణం || 16 ||
దశకర్ణం లలాటాక్షం పంచవక్త్రం సదాశివం |
అశేషపాపసంహారం ఏకబిల్వం శివార్పణం || 17 ||
నీలకంఠం జగద్వంద్యం దీననాథం మహేశ్వరం |
మహాపాపసంహారం ఏకబిల్వం శివార్పణం || 18 ||
చూడామణీకృతవిభుం వలయీకృతవాసుకిం |
కైలాసవాసినం భీమం ఏకబిల్వం శివార్పణం || 19 ||
కర్పూరకుందధవళం నరకార్ణవతారకం |
కరుణామృతసింధుం చ ఏకబిల్వం శివార్పణం || 20 ||
మహాదేవం మహాత్మానం భుజంగాధిపకంకణం |
మహాపాపహరం దేవం ఏకబిల్వం శివార్పణం || 21 ||
భూతేశం ఖండపరశుం వామదేవం పినాకినం |
వామే శక్తిధరం శ్రేష్ఠం ఏకబిల్వం శివార్పణం || 22 ||
ఫాలేక్షణం విరూపాక్షం శ్రీకంఠం భక్తవత్సలం |
నీలలోహితఖట్వాంగం ఏకబిల్వం శివార్పణం || 23 ||
కైలాసవాసినం భీమం కఠోరం త్రిపురాంతకం |
వృషాంకం వృషభారూఢం ఏకబిల్వం శివార్పణం || 24 ||
సామప్రియం సర్వమయం భస్మోద్ధూళితవిగ్రహం |
మృత్యుంజయం లోకనాథం ఏకబిల్వం శివార్పణం || 25 ||
దారిద్ర్యదుఃఖహరణం రవిచంద్రానలేక్షణం |
మృగపాణిం చంద్రమౌళిం ఏకబిల్వం శివార్పణం || 26 ||
సర్వలోకభయాకారం సర్వలోకైకసాక్షిణం |
నిర్మలం నిర్గుణాకారం ఏకబిల్వం శివార్పణం || 27 ||
సర్వతత్త్వాత్మకం సాంబం సర్వతత్త్వవిదూరకం |
సర్వతత్త్వస్వరూపం చ ఏకబిల్వం శివార్పణం || 28 ||
సర్వలోకగురుం స్థాణుం సర్వలోకవరప్రదం |
సర్వలోకైకనేత్రం చ ఏకబిల్వం శివార్పణం || 29 ||
మన్మథోద్ధరణం శైవం భవభర్గం పరాత్మకం |
కమలాప్రియపూజ్యం చ ఏకబిల్వం శివార్పణం || 30 ||
తేజోమయం మహాభీమం ఉమేశం భస్మలేపనం |
భవరోగవినాశం చ ఏకబిల్వం శివార్పణం || 31 ||
స్వర్గాపవర్గఫలదం రఘునాథవరప్రదం |
నగరాజసుతాకాంతం ఏకబిల్వం శివార్పణం || 32 ||
మంజీరపాదయుగళం శుభలక్షణలక్షితం |
ఫణిరాజవిరాజం చ ఏకబిల్వం శివార్పణం || 33 ||
నిరామయం నిరాధారం నిస్సంగం నిష్ప్రపంచకం |
తేజోరూపం మహారౌద్రం ఏకబిల్వం శివార్పణం || 34 ||
సర్వలోకైకపితరం సర్వలోకైకమాతరం |
సర్వలోకైకనాథం చ ఏకబిల్వం శివార్పణం || 35 ||
చిత్రాంబరం నిరాభాసం వృషభేశ్వరవాహనం |
నీలగ్రీవం చతుర్వక్త్రం ఏకబిల్వం శివార్పణం || 36 ||
రత్నకంచుకరత్నేశం రత్నకుండలమండితం |
నవరత్నకిరీటం చ ఏకబిల్వం శివార్పణం || 37 ||
దివ్యరత్నాంగుళీస్వర్ణం కంఠాభరణభూషితం |
నానారత్నమణిమయం ఏకబిల్వం శివార్పణం || 38 ||
రత్నాంగుళీయవిలసత్కరశాఖానఖప్రభం |
భక్తమానసగేహం చ ఏకబిల్వం శివార్పణం || 39 ||
వామాంగభాగవిలసదంబికావీక్షణప్రియం |
పుండరీకనిభాక్షం చ ఏకబిల్వం శివార్పణం || 40 ||
సంపూర్ణకామదం సౌఖ్యం భక్తేష్టఫలకారణం |
సౌభాగ్యదం హితకరం ఏకబిల్వం శివార్పణం || 41 ||
నానాశాస్త్రగుణోపేతం స్ఫురన్మంగళ విగ్రహం |
విద్యావిభేదరహితం ఏకబిల్వం శివార్పణం || 42 ||
అప్రమేయగుణాధారం వేదకృద్రూపవిగ్రహం |
ధర్మాధర్మప్రవృత్తం చ ఏకబిల్వం శివార్పణం || 43 ||
గౌరీవిలాససదనం జీవజీవపితామహం |
కల్పాంతభైరవం శుభ్రం ఏకబిల్వం శివార్పణం || 44 ||
సుఖదం సుఖనాశం చ దుఃఖదం దుఃఖనాశనం |
దుఃఖావతారం భద్రం చ ఏకబిల్వం శివార్పణం || 45 ||
సుఖరూపం రూపనాశం సర్వధర్మఫలప్రదం |
అతీంద్రియం మహామాయం ఏకబిల్వం శివార్పణం || 46 ||
సర్వపక్షిమృగాకారం సర్వపక్షిమృగాధిపం |
సర్వపక్షిమృగాధారం ఏకబిల్వం శివార్పణం || 47 ||
జీవాధ్యక్షం జీవవంద్యం జీవం జీవనరక్షకం |
జీవకృజ్జీవహరణం ఏకబిల్వం శివార్పణం || 48 ||
విశ్వాత్మానం విశ్వవంద్యం వజ్రాత్మా వజ్రహస్తకం |
వజ్రేశం వజ్రభూషం చ ఏకబిల్వం శివార్పణం || 49 ||
గణాధిపం గణాధ్యక్షం ప్రళయానలనాశకం |
జితేంద్రియం వీరభద్రం ఏకబిల్వం శివార్పణం || 50 ||
త్ర్యంబకం మృడం శూరం అరిషడ్వర్గనాశకం |
దిగంబరం క్షోభనాశం ఏకబిల్వం శివార్పణం || 51 ||
కుందేందుశంఖధవళం భగనేత్రభిదుజ్జ్వలం |
కాలాగ్నిరుద్రం సర్వజ్ఞం ఏకబిల్వం శివార్పణం || 52 ||
కంబుగ్రీవం కంబుకంఠం ధైర్యదం ధైర్యవర్ధకం |
శార్దూలచర్మవసనం ఏకబిల్వం శివార్పణం || 53 ||
జగదుత్పత్తిహేతుం చ జగత్ప్రళయకారణం |
పూర్ణానందస్వరూపం చ ఏకబిల్వం శివార్పణం || 54 ||
సర్గకేశం మహత్తేజం పుణ్యశ్రవణకీర్తనం |
బ్రహ్మాండనాయకం తారం ఏకబిల్వం శివార్పణం || 55 ||
మందారమూలనిలయం మందారకుసుమప్రియం |
బృందారకప్రియతరం ఏకబిల్వం శివార్పణం || 56 ||
మహేంద్రియం మహాబాహుం విశ్వాసపరిపూరకం |
సులభాసులభం లభ్యం ఏకబిల్వం శివార్పణం || 57 ||
బీజాధారం బీజరూపం నిర్బీజం బీజవృద్ధిదం |
పరేశం బీజనాశం చ ఏకబిల్వం శివార్పణం || 58 ||
యుగాకారం యుగాధీశం యుగకృద్యుగనాశకం |
పరేశం బీజనాశం చ ఏకబిల్వం శివార్పణం || 59 ||
ధూర్జటిం పింగళజటం జటామండలమండితం |
కర్పూరగౌరం గౌరీశం ఏకబిల్వం శివార్పణం || 60 ||
సురావాసం జనావాసం యోగీశం యోగిపుంగవం |
యోగదం యోగినాం సింహం ఏకబిల్వం శివార్పణం || 61 ||
ఉత్తమానుత్తమం తత్త్వం అంధకాసురసూదనం |
భక్తకల్పద్రుమస్తోమం ఏకబిల్వం శివార్పణం || 62 ||
విచిత్రమాల్యవసనం దివ్యచందనచర్చితం |
విష్ణుబ్రహ్మాది వంద్యం చ ఏకబిల్వం శివార్పణం || 63 ||
కుమారం పితరం దేవం శ్రితచంద్రకళానిధిం |
బ్రహ్మశత్రుం జగన్మిత్రం ఏకబిల్వం శివార్పణం || 64 ||
లావణ్యమధురాకారం కరుణారసవారధిం |
భ్రువోర్మధ్యే సహస్రార్చిం ఏకబిల్వం శివార్పణం || 65 ||
జటాధరం పావకాక్షం వృక్షేశం భూమినాయకం |
కామదం సర్వదాగంయం ఏకబిల్వం శివార్పణం || 66 ||
శివం శాంతం ఉమానాథం మహాధ్యానపరాయణం |
జ్ఞానప్రదం కృత్తివాసం ఏకబిల్వం శివార్పణం || 67 ||
వాసుక్యురగహారం చ లోకానుగ్రహకారణం |
జ్ఞానప్రదం కృత్తివాసం ఏకబిల్వం శివార్పణం || 68 ||
శశాంకధారిణం భర్గం సర్వలోకైకశంకరం |
శుద్ధం చ శాశ్వతం నిత్యం ఏకబిల్వం శివార్పణం || 69 ||
శరణాగతదీనార్తపరిత్రాణపరాయణం |
గంభీరం చ వషట్కారం ఏకబిల్వం శివార్పణం || 70 ||
భోక్తారం భోజనం భోజ్యం జేతారం జితమానసం |
కరణం కారణం జిష్ణుం ఏకబిల్వం శివార్పణం || 71 ||
క్షేత్రజ్ఞం క్షేత్రపాలం చ పరార్ధైకప్రయోజనం |
వ్యోమకేశం భీమవేషం ఏకబిల్వం శివార్పణం || 72 ||
భవఘ్నం తరుణోపేతం క్షోదిష్టం యమనాశకం |
హిరణ్యగర్భం హేమాంగం ఏకబిల్వం శివార్పణం || 73 ||
దక్షం చాముండజనకం మోక్షదం మోక్షకారణం |
హిరణ్యదం హేమరూపం ఏకబిల్వం శివార్పణం || 74 ||
మహాశ్మశాననిలయం ప్రచ్ఛన్నస్ఫటికప్రభం |
వేదాస్యం వేదరూపం చ ఏకబిల్వం శివార్పణం || 75 ||
స్థిరం ధర్మం ఉమానాథం బ్రహ్మణ్యం చాశ్రయం విభుం |
జగన్నివాసం ప్రథమం ఏకబిల్వం శివార్పణం || 76 ||
రుద్రాక్షమాలాభరణం రుద్రాక్షప్రియవత్సలం |
రుద్రాక్షభక్తసంస్తోమం ఏకబిల్వం శివార్పణం || 77 ||
ఫణీంద్రవిలసత్కంఠం భుజంగాభరణప్రియం |
దక్షాధ్వరవినాశం చ ఏకబిల్వం శివార్పణం || 78 ||
నాగేంద్రవిలసత్కర్ణం మహీంద్రవలయావృతం |
మునివంద్యం మునిశ్రేష్ఠం ఏకబిల్వం శివార్పణం || 79 ||
మృగేంద్రచర్మవసనం మునీనామేకజీవనం |
సర్వదేవాదిపూజ్యం చ ఏకబిల్వం శివార్పణం || 80 ||
నిధనేశం ధనాధీశం అపమృత్యువినాశనం |
లింగమూర్తిమలింగాత్మం ఏకబిల్వం శివార్పణం || 81 ||
భక్తకళ్యాణదం వ్యస్తం వేదవేదాంతసంస్తుతం |
కల్పకృత్కల్పనాశం చ ఏకబిల్వం శివార్పణం || 82 ||
ఘోరపాతకదావాగ్నిం జన్మకర్మవివర్జితం |
కపాలమాలాభరణం ఏకబిల్వం శివార్పణం || 83 ||
మాతంగచర్మవసనం విరాడ్రూపవిదారకం |
విష్ణుక్రాంతమనంతం చ ఏకబిల్వం శివార్పణం || 84 ||
యజ్ఞకర్మఫలాధ్యక్షం యజ్ఞవిఘ్నవినాశకం |
యజ్ఞేశం యజ్ఞభోక్తారం ఏకబిల్వం శివార్పణం || 85 ||
కాలాధీశం త్రికాలజ్ఞం దుష్టనిగ్రహకారకం |
యోగిమానసపూజ్యం చ ఏకబిల్వం శివార్పణం || 86 ||
మహోన్నతమహాకాయం మహోదరమహాభుజం |
మహావక్త్రం మహావృద్ధం ఏకబిల్వం శివార్పణం || 87 ||
సునేత్రం సులలాటం చ సర్వభీమపరాక్రమం |
మహేశ్వరం శివతరం ఏకబిల్వం శివార్పణం || 88 ||
సమస్తజగదాధారం సమస్తగుణసాగరం |
సత్యం సత్యగుణోపేతం ఏకబిల్వం శివార్పణం || 89 ||
మాఘకృష్ణచతుర్దశ్యాం పూజార్థం చ జగద్గురోః |
దుర్లభం సర్వదేవానాం ఏకబిల్వం శివార్పణం || 90 ||
తత్రాపి దుర్లభం మన్యేత్ నభోమాసేందువాసరే |
ప్రదోషకాలే పూజాయాం ఏకబిల్వం శివార్పణం || 91 ||
తటాకం ధననిక్షేపం బ్రహ్మస్థాప్యం శివాలయం |
కోటికన్యామహాదానం ఏకబిల్వం శివార్పణం || 92 ||
దర్శనం బిల్వవృక్షస్య స్పర్శనం పాపనాశనం |
అఘోరపాపసంహారం ఏకబిల్వం శివార్పణం || 93 ||
తులసీ బిల్వ నిర్గుండీ జంబీరామలకం తథా |
పంచబిల్వమితి ఖ్యాతం ఏకబిల్వం శివార్పణం || 94 ||
అఖండబిల్వపత్రైశ్చ పూజయేన్నందికేశ్వరం |
ముచ్యతే సర్వపాపేభ్యః ఏకబిల్వం శివార్పణం || 95 ||
సాలంకృతా శతావృత్తా కన్యాకోటిసహస్రకం |
సాంరాజ్యపృథ్వీదానం చ ఏకబిల్వం శివార్పణం || 96 ||
దంత్యశ్వకోటిదానాని అశ్వమేధసహస్రకం |
సవత్సధేనుదానాని ఏకబిల్వం శివార్పణం || 97 ||
చతుర్వేదసహస్రాణి భారతాదిపురాణకం |
సాంరాజ్యపృథ్వీదానం చ ఏకబిల్వం శివార్పణం || 98 ||
సర్వరత్నమయం మేరుం కాంచనం దివ్యవస్త్రకం |
తులాభాగం శతావర్తం ఏకబిల్వం శివార్పణం || 99 ||
అష్టోత్తరశ్శతం బిల్వం యోఽర్చయేల్లింగమస్తకే |
అథర్వోక్తం వదేద్యస్తు ఏకబిల్వం శివార్పణం || 100 ||
కాశీక్షేత్రనివాసం చ కాలభైరవదర్శనం |
అఘోరపాపసంహారం ఏకబిల్వం శివార్పణం || 101 ||
అష్టోత్తరశతశ్లోకైః స్తోత్రాద్యైః పూజయేద్యథా |
త్రిసంధ్యం మోక్షమాప్నోతి ఏకబిల్వం శివార్పణం || 102 ||
దంతికోటిసహస్రాణాం భూః హిరణ్యసహస్రకం |
సర్వక్రతుమయం పుణ్యం ఏకబిల్వం శివార్పణం || 103 ||
పుత్రపౌత్రాదికం భోగం భుక్త్వా చాత్ర యథేప్సితం |
అంతే చ శివసాయుజ్యం ఏకబిల్వం శివార్పణం || 104 ||
విప్రకోటిసహస్రాణాం విత్తదానాశ్చ యత్ఫలం |
తత్ఫలం ప్రాప్నుయాత్సత్యం ఏకబిల్వం శివార్పణం || 105 ||
త్వన్నామకీర్తనం తత్త్వం తవపాదాంబు యః పిబేత్ |
జీవన్ముక్తోభవేన్నిత్యం ఏకబిల్వం శివార్పణం || 106 ||
అనేకదానఫలదం అనంతసుకృతాదికం |
తీర్థయాత్రాఖిలం పుణ్యం ఏకబిల్వం శివార్పణం || 107 ||
త్వం మాం పాలయ సర్వత్ర పదధ్యానకృతం తవ |
భవనం శాంకరం నిత్యం ఏకబిల్వం శివార్పణం || 108 ||
ఉమయాసహితం దేవం సవాహనగణం శివం |
భస్మానులిప్తసర్వాంగం ఏకబిల్వం శివార్పణం || 109 ||
సాలగ్రామసహస్రాణి విప్రాణాం శతకోటికం |
యజ్ఞకోటిసహస్రాణి ఏకబిల్వం శివార్పణం || 110 ||
అజ్ఞానేన కృతం పాపం జ్ఞానేనాపి కృతం చ యత్ |
తత్సర్వం నాశమాయాతు ఏకబిల్వం శివార్పణం || 111 ||
ఏకైకబిల్వపత్రేణ కోటియజ్ఞఫలం భవేత్ |
మహాదేవస్య పూజార్థం ఏకబిల్వం శివార్పణం || 112 ||
అమృతోద్భవవృక్షస్య మహాదేవప్రియస్య చ |
ముచ్యంతే కంటకాఘాతాత్ కంటకేభ్యో హి మానవాః || 113 ||
ఏకకాలే పఠేన్నిత్యం సర్వశత్రునివారణం |
ద్వికాలే చ పఠేన్నిత్యం మనోరథఫలప్రదం |
త్రికాలే చ పఠేన్నిత్యం ఆయుర్వర్ధ్యో ధనప్రదం |
అచిరాత్కార్యసిద్ధిం చ లభతే నాత్ర సంశయః || 114 ||
ఏకకాలం ద్వికాలం వా త్రికాలం యః పఠేన్నరః |
లక్ష్మీప్రాప్తిశ్శివావాసః శివేన సహ మోదతే || 115 ||
కోటిజన్మకృతం పాపం అర్చనేన వినశ్యతి |
సప్తజన్మకృతం పాపం శ్రవణేన వినశ్యతి |
జన్మాంతరకృతం పాపం పఠనేన వినశ్యతి |
దివారాత్రకృతం పాపం దర్శనేన వినశ్యతి |
క్షణేక్షణేకృతం పాపం స్మరణేన వినశ్యతి |
పుస్తకం ధారయేద్దేహీ ఆరోగ్యం భయనాశనం || 116 ||
యేమామనన్య శరణాస్సతతం వరేణ్యం |
సంపూజయంతి నవకోమల బిల్వపత్రైః |
తే నిర్గుణాఽపి గుణాం బుధయో భవంతి |
విందంతి భక్తిమనుభుక్త సమస్త భోగాః ||
ఇతి బిల్వాష్టోత్తరశతనామస్తోత్రం సంపూర్ణం ||