అస్య శ్రీ వశ్యవారాహీ స్తోత్ర మహామంత్రస్య నారద ఋషిః అనుష్టుప్ ఛందః శ్రీ వశ్యవారాహీ దేవతా ఐం బీజం క్లీం శక్తిః గ్లౌం కీలకం మమ సర్వవశార్థే జపే వినియోగః |
ఋష్యాదిన్యాసః –
నారద ఋషయే నమః శిరసి |
అనుష్టుప్ ఛందసే నమః ముఖే |
వశ్యవారాహి దేవతాయై నమః హృదయే |
ఐం బీజాయ నమః గుహ్యే |
క్లీం శక్తయే నమః పాదయోః |
గ్లౌం కీలకాయ నమః నభౌ |
మమ సర్వవశార్థే జపే వినియోగాయ నమః సర్వాంగే |
కరన్యాసః –
ఓం ఐం అంగుష్ఠాభ్యాం నమః |
ఓం క్లీం తర్జనీభ్యాం నమః |
ఓం గ్లౌం మధ్యమాభ్యాం నమః |
ఓం అశ్వారూఢా అనామికాభ్యాం నమః |
ఓం సర్వవశ్యవారాహ్యై కనిష్ఠికాభ్యాం నమః |
ఓం మమ సర్వవశంకరి కురు కురు ఠః ఠః కరతలకరపృష్ఠాభ్యాం నమః |
హృదయాదిన్యాసః –
ఓం ఐం హృదయాయ నమః |
ఓం క్లీం శిరసే స్వాహా |
ఓం గ్లౌం శిఖాయై వషట్ |
ఓం అశ్వారూఢా కవచాయ హుం |
ఓం సర్వవశ్యవారాహ్యై నేత్రత్రయాయ వౌషట్ |
ఓం మమ సర్వవశంకరి కురు కురు ఠః ఠః అస్త్రాయ ఫట్ |
అథ ధ్యానం –
తారే తారిణి దేవి విశ్వజనని ప్రౌఢప్రతాపాన్వితే
తారే దిక్షు విపక్ష యక్ష దలిని వాచా చలా వారుణీ |
లక్ష్మీకారిణి కీర్తిధారిణి మహాసౌభాగ్యసంధాయిని
రూపం దేహి యశశ్చ దేహి సతతం వశ్యం జగత్యావృతం ||
లమిత్యాది పంచపూజాః –
లం పృథివ్యాత్మికాయై గంధం పరికల్పయామి |
హం ఆకాశాత్మికాయై పుష్పం పరికల్పయామి |
యం వాయ్వాత్మికాయై ధూపం పరికల్పయామి |
రం అగ్న్యాత్మికాయై దీపం పరికల్పయామి |
వం అమృతాత్మికాయై నైవేద్యం పరికల్పయామి |
సం సర్వాత్మికాయై సర్వోపచారాన్ పరికల్పయామి |
అథ మంత్రః –
ఓం ఐం క్లీం గ్లౌం అశ్వారూఢా సర్వవశ్యవారాహీ మమ సర్వవశంకరి కురు కురు ఠః ఠః ||
అథ స్తోత్రం –
అశ్వారూఢే రక్తవర్ణే స్మితసౌంయముఖాంబుజే |
రాజ్యస్త్రీ సర్వజంతూనాం వశీకరణనాయికే || 1 ||
వశీకరణకార్యార్థం పురా దేవేన నిర్మితం |
తస్మాద్వశ్యవారాహీ సర్వాన్మే వశమానయ || 2 ||
యథా రాజా మహాజ్ఞానం వస్త్రం ధాన్యం మహావసు |
మహ్యం దదాతి వారాహి యథా త్వం వశమానయ || 3 ||
అంతర్బహిశ్చ మనసి వ్యాపారేషు సభాసు చ |
యథా మామేవం స్మరతి తథా వశ్యం వశం కురు || 4 ||
చామరం దోలికాం ఛత్రం రాజచిహ్నాని యచ్ఛతి |
అభీష్టం సంప్రదోరాజ్యం యథా దేవి వశం కురు || 5 ||
మన్మథస్మరణాద్రామారతిర్యాతు మయా సహ |
స్త్రీరత్నేషు మహత్ప్రేమ తథా జనయ కామదే || 6 ||
మృగపక్ష్యాదయాః సర్వే మాం దృష్ట్వా ప్రేమమోహితాః |
అనుగచ్ఛతి మామేవ త్వత్ప్రసాదాద్దయాం కురు || 7 ||
వశీకరణకార్యార్థం యత్ర యత్ర ప్రయుంజతి |
సంమోహనార్థం వర్ధిత్వాత్తత్కార్యం తత్ర కర్షయ || 8 ||
వశమస్తీతి చైవాత్ర వశ్యకార్యేషు దృశ్యతే |
తథా మాం కురు వారాహీ వశ్యకార్య ప్రదర్శయ || 9 ||
వశీకరణ బాణాస్త్రం భక్త్యాపద్ధినివారణం |
తస్మాద్వశ్యవారాహీ జగత్సర్వం వశం కురు || 10 ||
వశ్యస్తోత్రమిదం దేవ్యా త్రిసంధ్యం యః పఠేన్నరః |
అభీష్టం ప్రాప్నుయాద్భక్తో రమాం రాజ్యం యథాపి వః || 11 ||
ఇతి అథర్వశిఖాయాం శ్రీ వశ్యవారాహీ స్తోత్రం |