భేదాభేదౌ సపదిగళితౌ పుణ్యపాపే విశీర్ణే
మాయామోహౌ క్షయమధిగతౌ నష్టసందేహవృత్తీ |
శబ్దాతీతం త్రిగుణరహితం ప్రాప్య తత్త్వావబోధం
నిస్త్రైగుణ్యే పథి విచరతాం కో విధిః కో నిషేధః || 1 ||
యస్స్వాత్మానం సకలవపుషామేకమంతర్బహిస్థం
దృష్ట్వా పూర్ణం ఖమివ సతతం సర్వభాండస్థమేకం |
నాన్యత్కార్యం కిమపి చ తథా కారణాద్భిన్నరూపం
నిస్త్రైగుణ్యే పథి విచరతాం కో విధిః కో నిషేధః || 2 ||
యద్వన్నద్యోఽంబుధిమధిగతాస్సాగరత్వం ప్రపన్నాః
తద్ద్వజ్జీవాస్సమరసగతాః చిత్స్వరూపం ప్రపన్నాః |
వాచాతీతే సమరసఘనే సచ్చిదానందరూపే
నిస్త్రైగుణ్యే పథి విచరతాం కో విధిః కో నిషేధః || 3 ||
హేంనః కార్యం హుతవహగతం హేమతామేతి తద్వత్
క్షీరం క్షీరే సమరసగతం తోయమేవాంబుమధ్యే |
ఏవం సర్వం సమరసగతం త్వం పదం తత్పదార్థే
నిస్త్రైగుణ్యే పథి విచరతాం కో విధిః కో నిషేధః || 4 ||
కశ్చాత్రాహం కిమపి చ భవాన్ కోఽయమత్ర ప్రపంచః
స్వాంతర్వేద్యే గగనసదృశే పూర్ణతత్త్వప్రకాశే |
ఆనందాఖ్యే సమరసఘనే బాహ్య అంతర్విలీనే
నిస్త్రైగుణ్యే పథి విచరతాం కో విధిః కో నిషేధః || 5 ||
దృష్ట్వా సర్వం పరమమమృతం స్వప్రకాశస్వరూపం
బుధ్వాత్మానం విమలమచలం సచ్చిదానందరూపం |
బ్రహ్మాధారం సకలజగతాం సాక్షిణం నిర్విశేషం
నిస్త్రైగుణ్యే పథి విచరతాం కో విధిః కో నిషేధః || 6 ||
కార్యాకార్యం కిమపి చరతో నైవకర్తృత్వమస్తి
జీవన్ముక్తిస్స్థితిరిహ గతా దగ్ధవస్త్రావభాసా |
ఏవం దేహే ప్రచలితతయా దృశ్యమానస్స ముక్తో
నిస్త్రైగుణ్యే పథి విచరతాం కో విధిః కో నిషేధః || 7 ||
యస్మిన్ విశ్వం సకలభువనం సైంధవం సింధుమధ్యే
పృథ్వ్యంబ్వగ్నిశ్వసనగగనం జీవభావక్రమేణ |
యద్యల్లీనం తదిదమఖిలం సచ్చిదానందరూపం
నిస్త్రైగుణ్యే పథి విచరతాం కో విధిః కో నిషేధః || 8 ||
సత్యం సత్యం పరమమమృతం శాంతి కళ్యాణహేతుం
మాయారణ్యే దహనమమలం శాంతినిర్వాణదీపం |
తేజోరాశిం నిగమసదనం వ్యాసపుత్రాష్టకం యః
ప్రాతఃకాలే పఠతి సహసా యాతి నిర్వాణమార్గం || 9 ||
Shuka Ashtakam (Vyasa Putra Ashtakam) pdf download – శుకాష్టకం
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
