షట్కోణాంతరమధ్యపద్మనిలయం తత్సంధిదిష్ఠాననం
చక్రాద్యాయుధచారుభూషణభుజం సజ్వాలకేశోదయం |
వస్త్రాలేపనమాల్యవిగ్రహతనుం తం ఫాలనేత్రం గుణైః
ప్రత్యాలీఢపదాంబుజం త్రినయనం చక్రాధిరాజం భజే || 1 ||
శంఖం శార్ఙ్గం సఖేటం హలపరశు గదా కుంత పాశాన్ దధానం
అన్యైర్వామైశ్చ చక్రేష్వసి ముసలలసద్వజ్రశూలాం కుశాగ్నీన్ |
జ్వాలాకేశం త్రినేత్రం జ్వలదనలనిభం హారకేయూరభూషం
ధ్యాయే షట్కోణ సంస్థం సకల రిపుజన ప్రాణసంహార చక్రం || 2 ||
వ్యాప్తి వ్యాప్తాంతరిక్షం క్షరదరుణ నిభా వాసితా శాంతరాళం
దంష్ట్రా నిష్ఠ్యూత వహ్ని ప్రవిరళ శబలాదభ్రశుభ్రాట్టహాసం |
శంఖారి శ్రీ గదాంభోరుహ ముసల ధనుః పాశ దీప్తాంకుశాడ్యైః
దోర్భిః పింగాక్షవేషం ప్రణమత శిరసా విష్ణు చక్రాభిదానం || 3 ||
ధ్యాయే చతుర్భుజం దేవం శఙ్ఖ చక్ర వరాభయం |
ధ్యాయే సుదర్శనం వీరం సర్వకార్యార్థ సిద్ధయే || 4 ||
సుదర్శన నమస్తేఽస్తు నమస్తే శత్రుసంహర |
అర్చయాంయుపచారేణ విష్ణురూపాయ తే నమః || 5 ||
చక్రద్వయం చాంకుశపాశయుక్తం
చతుర్భుజం భీకర సింహవక్త్రం |
నేత్రత్రయాలంకృత నిర్మలాంగం
నమామి సౌదర్శన నారసింహం || 6 ||
శఙ్ఖ చక్ర ధరం దేవం జ్వాలాచక్రమయం హరిం |
రోగఘ్నం పరమానందం చింతితార్థ ప్రదాయకం || 7 ||
హృత్పంకజే సమాసీనం జ్వాలామయ సుదర్శనం |
శంఖ చక్రాంబుజ గదా భూషితం రోహనాశనం || 8 ||
ధ్యాయేత్సౌదర్శనం దేవం ఆత్మరక్షాకరం ప్రభుం |
జ్వాలామాలా పరీతం చ ధ్యాయే హృదయపఙ్కజే || 9 ||
ధ్యాయే సుదర్శనం దేవం ఖేదనం పరవిద్యయోః |
సూర్యకోటిప్రతీకాశం ధ్యాయే హృదయ పంకజే || 10 ||
శంఖ చక్ర ధరం దేవం కోటిసూర్య సమప్రభం |
శత్రూణాం మారణార్థం చ అస్త్రచక్రం నమాంయహం || 11 ||
పాశాంకుశధరం దేవం పరిపూర్ణ కృపాకరం |
వశీకరణబాణాయ సంయక్సౌదర్శనాయ చ || 12 ||
రక్తవస్త్రధరం దేవం రక్తమాల్యానులేపనం |
వందేఽహం వశ్య బాణాయ చక్రరాజాయ తే నమః || 13 ||
పాశాంకుశం శక్తి శూలం చతుర్బాహుం త్రిలోచనం |
సంమోహనకరం వీరం ధ్యాయే సౌదర్శనేశ్వరం || 14 ||
సంమోహనాస్త్రరాజాయ నమః సౌదర్శనాయ చ |
మోహనార్థం భజాంయాశు సంమోహయ జగత్రయం || 15 ||
జ్వాలామాలానిభం దేవం సహస్రకరసంయుతం |
శత్రు మారణ కార్యేషు భజే హృచ్చక్రనాయకం || 16 ||
ఆకర్షణకరం దేవం పాశాంకుశధరం హరిం |
సంమోహాకర్షణాస్త్రం చ ధృత నారాయణం ప్రభుం || 17 ||
చక్రరాజ నమస్తేస్తు సర్వాకర్షణ సాయక |
ఆకర్షయ జగన్నాథ శరణం త్వాం గతోస్ంయహం || 18 ||
చక్రాద్యాయుధ చారు షోడశభుజం స జ్వాల కేశోజ్జ్వలం
చక్రం శంఖ గదాబ్జ శూల శరధీంశ్చాపం చ పాశాంకుశౌ |
కున్తం చర్మహలం భుశుణ్డి పరశూ వజ్రం తథా తర్జనీం
హేతిం షోడశధారిణం రిపుహరం శ్రీచక్రరాజం భజే || 19 ||
సింహాసన సమాసీనం దేవం చక్రం సురేశ్వరం
శ్రోతుం చక్రేశ కవచమబ్రువన్ సురసత్తమాః |
దేవ దేవ సహస్రాక్ష దైత్యాంతక శచీపతే
త్వయా సౌదర్శినీం రక్షాం శ్రోతుమిచ్ఛామహే వయం || 20 ||
Sri Sudarshana Vimsathi pdf download – శ్రీ సుదర్శన వింశతి
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
