Sri Shatrugna Kavacham pdf download – శ్రీ శత్రుఘ్న కవచం

అగస్త్య ఉవాచ |
అథ శత్రుఘ్నకవచం సుతీక్ష్ణ శృణు సాదరం |
సర్వకామప్రదం రంయం రామసద్భక్తివర్ధనం || 1 ||
శత్రుఘ్నం ధృతకార్ముకం ధృతమహాతూణీరబాణోత్తమం
పార్శ్వే శ్రీరఘునందనస్య వినయాద్వామేస్థితం సుందరం |
రామం స్వీయకరేణ తాలదలజం ధృత్వాఽతిచిత్రం వరం
సూర్యాభం వ్యజనం సభాస్థితమహం తం వీజయంతం భజే || 2 ||
అస్య శ్రీశత్రుఘ్నకవచమంత్రస్య అగస్తిరృషిః శ్రీశత్రుఘ్నో దేవతా అనుష్టుప్ ఛందః సుదర్శన ఇతి బీజం కైకేయీనందన ఇతి శక్తిః శ్రీభరతానుజ ఇతి కీలకం భరతమంత్రీత్యస్త్రం శ్రీరామదాస ఇతి కవచం లక్ష్మణాంశజ ఇతి మంత్రః శ్రీశత్రుఘ్న ప్రీత్యర్థం సకలమనఃకామనాసిద్ధ్యర్థం జపే వినియోగః ||
అథ కరన్యాసః |
ఓం శత్రుఘ్నాయ అంగుష్ఠాభ్యాం నమః |
ఓం సుదర్శనాయ తర్జనీభ్యాం నమః |
ఓం కైకేయీనందనాయ మధ్యమాభ్యాం నమః |
ఓం భరతానుజాయ అనామికాభ్యాం నమః |
ఓం భరతమంత్రిణే కనిష్ఠికాభ్యాం నమః |
ఓం రామదాసాయ కరతలకరపృష్ఠాభ్యాం నమః |
అథ అంగన్యాసః |
ఓం శత్రుఘ్నాయ హృదయాయ నమః |
ఓం సుదర్శనాయ శిరసే స్వాహా |
ఓం కైకేయీనందనాయ శిఖాయై వషట్ |
ఓం భరతానుజాయ కవచాయ హుం |
ఓం భరతమంత్రిణే నేత్రత్రయాయ వౌషట్ |
ఓం రామదాసాయ అస్త్రాయ ఫట్ |
ఓం లక్ష్మణాంశజేతి దిగ్బంధః |
అథ ధ్యానం |
రామస్య సంస్థితం వామే పార్శ్వే వినయపూర్వకం |
కైకేయీనందనం సౌంయం ముకుటేనాతిరంజితం || 1 ||
రత్నకంకణకేయూరవనమాలావిరాజితం |
రశనాకుండలధరం రత్నహారసునూపురం || 2 ||
వ్యజనేన వీజయంతం జానకీకాంతమాదరాత్ |
రామన్యస్తేక్షణం వీరం కైకేయీతోషవర్ధనం || 3 ||
ద్విభుజం కంజనయనం దివ్యపీతాంబరాన్వితం |
సుభుజం సుందరం మేఘశ్యామలం సుందరాననం || 4 ||
రామవాక్యే దత్తకర్ణం రక్షోఘ్నం ఖడ్గధారిణం |
ధనుర్బాణధరం శ్రేష్ఠం ధృతతూణీరముత్తమం || 5 ||
సభాయాం సంస్థితం రంయం కస్తూరీతిలకాంకితం |
ముకుటస్థావతంసేన శోభితం చ స్మితాననం || 6 ||
రవివంశోద్భవం దివ్యరూపం దశరథాత్మజం |
మథురావాసినం దేవం లవణాసురమర్దనం || 7 ||
ఇతి ధ్యాత్వా తు శత్రుఘ్నం రామపాదేక్షణం హృది |
పఠనీయం వరం చేదం కవచం తస్య పావనం || 8 ||
అథ కవచం |
పూర్వే త్వవతు శత్రుఘ్నః పాతు యాంయే సుదర్శనః |
కైకేయీనందనః పాతు ప్రతీచ్యాం సర్వదా మమ || 9 ||
పాతూదీచ్యాం రామబంధుః పాత్వధో భరతానుజః |
రవివంశోద్భవశ్చోర్ధ్వం మధ్యే దశరథాత్మజః || 10 ||
సర్వతః పాతు మామత్ర కైకేయీతోషవర్ధనః |
శ్యామలాంగః శిరః పాతు భాలం శ్రీలక్ష్మణాంశజః || 11 ||
భ్రువోర్మధ్యే సదా పాతు సుముఖోఽత్రావనీతలే |
శ్రుతకీర్తిపతిర్నేత్రే కపోలే పాతు రాఘవః || 12 ||
కర్ణౌ కుండలకర్ణోఽవ్యాన్నాసాగ్రం నృపవంశజః |
ముఖం మమ యువా పాతు పాతు వాణీం స్ఫుటాక్షరః || 13 ||
జిహ్వాం సుబాహుతాతోఽవ్యాద్యూపకేతుపితా ద్విజాన్ |
చుబుకం రంయచుబుకః కంఠం పాతు సుభాషణః || 14 ||
స్కంధౌ పాతు మహాతేజాః భుజౌ రాఘవవాక్యకృత్ |
కరౌ మే కంకణధరః పాతు ఖడ్గీ నఖాన్మమ || 15 ||
కుక్షీ రామప్రియః పాతు పాతు వక్షో రఘూత్తమః |
పార్శ్వే సురార్చితః పాతు పాతు పృష్ఠం వరాననః || 16 ||
జఠరం పాతు రక్షోఘ్నః పాతు నాభిం సులోచనః |
కటీ భరతమంత్రీ మే గుహ్యం శ్రీరామసేవకః || 17 ||
రామార్పితమనాః పాతు లింగమూరూ స్మితాననః |
కోదండధారీ పాత్వత్ర జానునీ మమ సర్వదా || 18 ||
రామమిత్రం పాతు జంఘే గుల్ఫౌ పాతు సునూపురః |
పాదౌ నృపతిపూజ్యోఽవ్యాచ్ఛ్రీమాన్ పాదాంగులీర్మమ || 19 ||
పాత్వంగాని సమస్తాని హ్యుదారాంగః సదా మమ |
రోమాణి రమణీయోఽవ్యాద్రాత్రౌ పాతు సుధార్మికః || 20 ||
దివా మే సత్యసంధోఽవ్యాద్భోజనే శరసత్కరః |
గమనే కలకంఠోఽవ్యాత్సర్వదా లవణాంతకః || 21 ||
ఏవం శత్రుఘ్నకవచం మయా తే సముదీరితం |
యే పఠంతి నరాస్త్వేతత్తే నరాః సౌఖ్యభాగినః || 22 ||
శత్రుఘ్నస్య వరం చేదం కవచం మంగళప్రదం |
పఠనీయం నరైర్భక్త్యా పుత్రపౌత్రప్రవర్ధనం || 23 ||
అస్య స్తోత్రస్య పాఠేన యం యం కామం నరోఽర్థయేత్ |
తం తం లభేన్నిశ్చయేన సత్యమేతద్వచో మమ || 24 ||
పుత్రార్థీ ప్రాప్నుయాత్పుత్రం ధనార్థీ ధనమాప్నుయాత్ |
ఇచ్ఛాకామం తు కామార్థీ ప్రాప్నుయాత్పఠనాదినా || 25 ||
కవచస్యాస్య భూంయాం హి శత్రుఘ్నస్య వినిశ్చయాత్ |
తస్మాదేతత్సదా భక్త్యా పఠనీయం నరైః శుభం || 26 ||
ఇతి శ్రీమదానందరామాయణే సుతీక్ష్ణాగస్త్యసంవాదే శ్రీశత్రుఘ్నకవచం |