Sri Adisesha Stavam pdf download – శ్రీ ఆదిశేష స్తవం

శ్రీమద్విష్ణుపదాంభోజ పీఠాయుత ఫణాతలం |
శేషత్వైక స్వరూపం తం ఆదిశేషముపాస్మహే || 1 ||
అనంతాం దధతం శీర్షైః అనంతశయనాయితం |
అనంతే చ పదే భాంతం తం అనంతముపాస్మహే || 2 ||
శేషే శ్రియఃపతిస్తస్య శేషభూతం చరాచరం |
ప్రథమోదాహృతిం తత్ర శ్రీమంతం శేషమాశ్రయే || 3 ||
వందే సహస్రస్థూణాఖ్య శ్రీమహామణిమండపం |
ఫణా సహస్రరత్నౌఘైః దీపయంతం ఫణీశ్వరం || 4 ||
శేషః సింహాసనీ భూత్వా ఛత్రయిత్వా ఫణావళిం |
వీరాసనేనోపవిష్టే శ్రీశేఽస్మిన్నధికం బభౌ || 5 ||
పర్యంకీకృత్య భోగం స్వం స్వపంతం తత్ర మాధవం |
సేవమానం సహస్రాక్షం నాగరాజముపాస్మహే || 6 ||
శరదభ్రరుచిః స్వాంక శయిత శ్యామసుందరా |
శేషస్య మూర్తిరాభాతి చైత్రపర్వ శశాంకవత్ || 7 ||
సౌమిత్రీ భూయ రామస్య గుణైర్దాస్యముపాగతః |
శేషత్వానుగుణం శేషః తస్యాసీన్నిత్యకింకరః || 8 ||
అత్త్వాలోకాన్ లయాంబోధౌ యదా శిశయిషుర్హరిః |
వటపత్రతనుః శేషః తల్పం తస్యాభవత్తదా || 9 ||
పాదుకీభూత రామస్య తదాజ్ఞాం పరిపాలయన్ |
పారతంత్ర్యేఽతి శేషే త్వం శేష తాం జానకీమపి || 10 ||
చిరం విహృత్య విపినే సుఖం స్వపితుమిచ్ఛతోః |
సీతారాఘవయోరాసేదుపధానాం ఫణీశ్వరః || 11 ||
దేవకీగర్భమావిశ్య హరేస్త్రాతాసి శేష భోః |
సత్సంతానార్థినస్తస్మాత్ త్వత్ప్రతిష్టాం వితన్వతే || 12 ||
గృహీత్వా స్వశిశుం యాతి వసుదేవే వ్రజం ద్రుతం |
వర్ష త్రీ భూయ శేష త్వం తం రిరక్షిషురన్వగాః || 13 ||
ప్రసూనద్భిః ఫణారత్నైః నికుంజే భూయ భోగిరాట్ |
రాధామాధవయోరాసీత్ సంకేతస్థానముత్తమం || 14 ||
భగవచ్ఛేషభూతైస్త్వం అశేషైః శేష గీయసే |
ఆదిశేష ఇతి శ్రీమాన్ సార్థకం నామ తే తతః || 15 ||
అనంతశ్చాస్మి నాగానాం ఇతి గీతాసు సన్నుతః |
అనంతోఽనంతకైంకర్య సంపదాప్యేత్యనంత తాం || 16 ||
అహో వివిధరోఽప్యేషః శేషః శ్రీపతి సేవనాత్ |
సహస్రశీర్ష్యోఽనంతోఽభూత్ సహస్రాక్షః సహస్రపాత్ || 17 ||
హరేః శ్రీపాద చిహ్నాని ధత్తే శీర్షైః ఫణీశ్వరః |
చిహ్నాని స్వామినో దాసైః ధర్తవ్యానితి బోధయన్ || 18 ||
అనంత సేవినః సర్వే జీర్ణాం త్వచమివోరగః |
విముచ్య విషయాసక్తిం శేషత్వే కుర్వతే రతిం || 19 ||
శ్రీ శ్రీశనాయ సాహస్రీం యుగపత్పరికీర్తయన్ |
సహస్రవదనః శేషో నూనం ద్విరసనోఽభవత్ || 20 ||
అన్యోన్య వైరముత్సృజ్య ఫణీశ్వర ఖగేశ్వరౌ |
శయనం వాహనం విష్ణోః అభూతాం త్వత్పదాశ్రయౌ || 21 ||
వపుః శబ్దమనోదోషాన్విరస్య శృతిగోచరం |
దర్శయంతం పరబ్రహ్మం తం శేషం సముపాస్మహే || 22 ||
శేషతల్పేన రంగేశః శేషాద్రౌ వేంకటేశ్వరః |
హస్తి కాళేశ్వరః శేష భూషణేన విరాజతే || 23 ||
భవత్పాదుకాత్వం తే మహత్త్వా పాదుకో గుణః |
శిరసా ధారయంతి త్వాం భక్త్యా శేషయః స మే || 24 ||
భాగవత శేషతాయాః మహత్త్వమావేదయన్నయం శేషః |
గురురస్య వామపాదే విష్ణోర్వాహస్య వీరకటకమాభూత్ || 25 ||
శేషః పీతాంబరం విష్ణోః తద్విష్ణుధృతమంబరం |
శేషవస్త్రమితి ఖ్యాత్యా భక్త సంమాన్యతాం గతం || 26 ||
దుర్మతిం జననీం త్యక్త్వా శ్రీపతిం శరణం గతః |
తేన దత్త్వాభయోఽనంతః తస్యాసేన్నిత్యకింకరః || 27 ||
గర్గాయ మునయే జ్యోతిర్విద్యాం యః సముపాదిశత్ |
దేవర్షిగణసంపూజ్యం తం అనంతముపాస్మహే || 28 ||
వందేఽనంతం ముదాభాంతం రుచా శ్వేతం సురార్చితం |
హరిపాదాబ్జ శరణం తదీయాస్యాబ్జ తోషణం || 29 ||
శ్రీమతే విష్ణుభక్తాయ శంఖచక్రాదిధారిణే |
వారుణీ కీర్తి సహితాయానంతాయాస్తు మంగళం || 30 ||
ఇమం స్తుతిం అనంతస్య భక్త్యా నిత్యం పఠంతి యే |
సర్పబాధా న తేషాం స్యాత్ పుత్రిణః స్యుః హరేః ప్రియాః || 31 ||