నాగరాజస్య దేవస్య కవచం సర్వకామదం |
ఋషిరస్య మహాదేవో గాయత్రీ ఛంద ఈరితః || 1 ||
తారాబీజం శివాశక్తిః క్రోధబీజస్తు కీలకః |
దేవతా నాగరాజస్తు ఫణామణివిరాజితః || 2 ||
సర్వకామార్థ సిద్ధ్యర్థే వినియోగః ప్రకీర్తితః |
అనంతో మే శిరః పాతు కంఠం సంకర్షణస్తథా || 3 ||
కర్కోటకో నేత్రయుగ్మం కపిలః కర్ణయుగ్మకం |
వక్షఃస్థలం నాగయక్షః బాహూ కాలభుజంగమః || 4 ||
ఉదరం ధృతరాష్ట్రశ్చ వజ్రనాగస్తు పృష్ఠకం |
మర్మాంగమశ్వసేనస్తు పాదావశ్వతరోఽవతు || 5 ||
వాసుకిః పాతు మాం ప్రాచ్యే ఆగ్నేయాం తు ధనంజయః |
తక్షకో దక్షిణే పాతు నైరృత్యాం శంఖపాలకః || 6 ||
మహాపద్మః ప్రతీచ్యాం తు వాయవ్యాం శంఖనీలకః |
ఉత్తరే కంబలః పాతు ఈశాన్యాం నాగభైరవః || 7 ||
ఊర్ధ్వం చైరావతోఽధస్తాత్ నాగభేతాళనాయకః |
సదా సర్వత్ర మాం పాతు నాగలోకాధినాయకాః || 8 ||