Maha Tripura Sundari Shatkam pdf download – శ్రీ మహాత్రిపురసుందరీ షట్కం

మనోజ్ఞమణికుండలాం మహితచక్రరాజాలయాం
మనోఽంబుజవిహారిణీం పరశివస్య వామాంకగాం |
మహాహరిముఖామరప్రణతపాదపంకేరుహాం
మహాత్రిపురసుందరీం మనసి భావయే సంతతం || 1 ||
మతంగమునిపూజితాం మథితపాపసంఘాం జవా-
-న్మదారుణితలోచనాం మదముఖారినిర్వాపిణీం |
మనఃసు యమినాం సదా స్థితివిహారిణీం మోదతో
మహాత్రిపురసుందరీం మనసి భావయే సంతతం || 2 ||
విచిత్రకవితాప్రదాం నతతతేర్విలంబం వినా
విధీంద్రహరివందితాం విధినిషేధసక్తార్చితాం |
వినాయకవిభావసూద్భవవిభాసిపార్శ్వద్వయాం
మహాత్రిపురసుందరీం మనసి భావయే సంతతం || 3 ||
వినిందితవిభావరీవిటసహస్రగర్వాననాం
వినిర్మితజగత్త్రయీం విధుసమానమందస్మితాం |
విబోధనపటీయసీం వినతసంతతేః సత్వరం
మహాత్రిపురసుందరీం మనసి భావయే సంతతం || 4 ||
విమానచరమానినీవిహితపాదసేవాం ముదా
విశాలనయనాంబుజాం విధృతచాపపాశాంకుశాం |
విశుద్ధిసరసీరుహే కృతనిజాసనాం సర్వదా
మహాత్రిపురసుందరీం మనసి భావయే సంతతం || 5 ||
విరాగిజనసేవితాం విమలబుద్ధిసందాయినీం
విరాధరిపుపూజితాం వివిధరత్నభూషోజ్జ్వలాం |
విరించిహరిసుందరీకలితచామరావీజనాం
మహాత్రిపురసుందరీం మనసి భావయే సంతతం || 6 ||
ఇతి శృంగేరి శ్రీజగద్గురు శ్రీసచ్చిదానందశివాభినవనృసింహ భారతీస్వామిభిః విరచితం శ్రీ మహాత్రిపురసుందరీ షట్కం |