Sri Rama Anusmruti Stotram pdf download – శ్రీ రామానుస్మృతి స్తోత్రం

బ్రహ్మోవాచ |
వందే రామం జగద్వంద్యం సుందరాస్యం శుచిస్మితం |
కందర్పకోటిలావణ్యం కామితార్థప్రదాయకం || 1 ||
భాస్వత్కిరీటకటకకటిసూత్రోపశోభితం |
విశాలలోచనం భ్రాజత్తరుణారుణకుండలం || 2 ||
శ్రీవత్సకౌస్తుభలసద్వక్షసం వనమాలినం |
ముక్తాహారసుశోభాఢ్యం ముద్రికారత్నభాసురం || 3 ||
సర్వాంగసుందరం హృద్యం ద్విభుజం రఘునందనం |
నీలజీమూతసంకాశం నీలాలకవృతాననం || 4 ||
జ్ఞానముద్రాలసద్వక్షోబాహుం జ్ఞానమయం హరిం |
వామజానూపరిన్యస్తవామహస్తాంబుజం ప్రభుం || 5 ||
వీరాసనే సమాసీనం విద్యుత్పుంజనిభాంబరం |
కోటిసూర్యప్రతీకాశం కోమలాంగసముజ్జ్వలం || 6 ||
జానకీలక్ష్మణాభ్యాం చ వామదక్షిణశోభితం |
హనుమద్రవిముఖ్యాదికపిముఖ్యైశ్చ సేవితం || 7 ||
దివ్యరత్నసమాయుక్తసింహాసనగతం ప్రభుం |
ప్రత్యహం ప్రాతరుత్థాయ ధ్యాత్వైవం రాఘవం హృది || 8 ||
ఏభిః షోడశభిర్నామపదైః స్తుత్వా నమేద్ధరిం |
నమో రామాయ శుద్ధాయ బుద్ధాయ పరమాత్మనే || 9 ||
విశుద్ధజ్ఞానదేహాయ రఘునాథాయ తే నమః |
నమో రావణహంత్రే తే నమో వాలివినాశినే || 10 ||
నమో వైకుంఠనాథాయ నమో విష్ణుస్వరూపిణే |
నమో యజ్ఞస్వరూపాయ యజ్ఞభోక్త్రే నమో నమః || 11 ||
యోగిధ్యేయాయ యోగాయ పరమానందరూపిణే |
శంకరప్రియమిత్రాయ జానకీజానయే నమః || 12 ||
య ఏవం ప్రాతరుత్థాయ భక్తిశ్రద్ధాసమన్వితః |
షోడశైతాని నామాని రామచంద్రస్య నిత్యశః || 13 ||
పఠేద్విద్వాన్ స్మరన్ రామం స ఏవ స్యాద్రఘూత్తమః |
శ్రీరామే భక్తిరచలా భవత్యేవ హి సర్వదా || 14 ||
సమయే సమనుప్రాప్తే రాఘవః సీతయా సహ |
హృది సందృశ్యతే తస్య సాక్షాత్ సౌమిత్రిణా సహ || 15 ||
నిత్యం చాపరరాత్రేషు రామస్యైతాం సమాహితః |
ముచ్యతేఽనుస్మృతిం జప్త్వా మృత్యుదారిద్ర్యపాతకైః || 16 ||
ఇతి బ్రహ్మప్రోక్తం శ్రీరామానుస్మృతి స్తోత్రం |