Dakaradi Sri Dattatreya Ashtottara Shatanama Stotram pdf download – దకారాది శ్రీ దత్తాత్రేయాష్టోత్తరశతనామ స్తోత్రం

దత్తం వందే దశాతీతం దయాబ్ధి దహనం దమం |
దక్షం దరఘ్నం దస్యుఘ్నం దర్శం దర్పహరం దవం || 1 ||
దాతారం దారుణం దాంతం దాస్యాదం దానతోషణం |
దానం దానప్రియం దావం దాసత్రం దారవర్జితం || 2 ||
దిక్పం దివసపం దిక్స్థం దివ్యయోగం దిగంబరం |
దివ్యం దిష్టం దినం దిశ్యం దివ్యాంగం దితిజార్చితం || 3 ||
దీనపం దీధితిం దీప్తం దీర్ఘం దీపం చ దీప్తగుం |
దీనసేవ్యం దీనబంధుం దీక్షాదం దీక్షితోత్తమం || 4 ||
దుర్జ్ఞేయం దుర్గ్రహం దుర్గం దుర్గేశం దుఃఖభంజనం |
దుష్టఘ్నం దుగ్ధపం దుఃఖం దుర్వాసోఽగ్ర్యం దురాసదం || 5 ||
దూతం దూతప్రియం దూష్యం దూష్యత్రం దూరదర్శిపం |
దూరం దూరతమం దూర్వాభం దూరాంగం చ దూరగం || 6 ||
దేవార్చ్యం దేవపం దేవం దేయజ్ఞం దేవతోత్తమం |
దేవజ్ఞం దేహినం దేశం దేశికం దేహిజీవనం || 7 ||
దైన్యం దైన్యహరం దైవం దైన్యదం దైవికాంతకం |
దైత్యఘ్నం దైవతం దైర్ఘ్యం దైవజ్ఞం దైహికార్తిదం || 8 ||
దోషఘ్నం దోషదం దోషం దోషిత్రం దోర్ద్వయాన్వితం |
దోషజ్ఞం దోహపం దోషేడ్బంధుం దోర్జ్ఞం చ దోహదం || 9 ||
దౌరాత్ంయఘ్నం దౌర్మనస్యహరం దౌర్భాగ్యమోచనం |
దౌష్టత్ర్యం దౌష్కుల్యదోషహరం దౌర్హృద్యభంజనం || 10 ||
దండజ్ఞం దండినం దండం దంభఘ్నం దంభిశాసనం |
దంత్యాస్యం దంతురం దంశిఘ్నం దండ్యజ్ఞం చ దండదం || 11 ||
అనంతానంతనామాని సంతి తేఽనంతవిక్రమ |
వేదోఽపి చకితో యత్ర నృర్వాగ్ హృద్దూర కా కథా || 12 ||
ఇతి శ్రీపరమహంస పరివ్రాజకాచార్య శ్రీవాసుదేవానందసరస్వతీ విరచితం దకారాది దత్తాత్రేయాష్టోత్తరశతనామ స్తోత్రం |