శ్వేతపద్మాసనారూఢాం శుద్ధస్ఫటికసన్నిభాం |
వందే వాగ్దేవతాం ధ్యాత్వా దేవీం త్రిపురసుందరీం || 1 ||
శైలాధిరాజతనయాం శంకరప్రియవల్లభాం |
తరుణేందునిభాం వందే దేవీం త్రిపురసుందరీం || 2 ||
సర్వభూతమనోరంయాం సర్వభూతేషు సంస్థితాం |
సర్వసంపత్కరీం వందే దేవీం త్రిపురసుందరీం || 3 ||
పద్మాలయాం పద్మహస్తాం పద్మసంభవసేవితాం |
పద్మరాగనిభాం వందే దేవీం త్రిపురసుందరీం || 4 ||
పంచబాణధనుర్బాణపాశాంకుశధరాం శుభాం |
పంచబ్రహ్మమయీం వందే దేవీం త్రిపురసుందరీం || 5 ||
షట్పుండరీకనిలయాం షడాననసుతామిమాం |
షట్కోణాంతఃస్థితాం వందే దేవీం త్రిపురసుందరీం || 6 ||
హరార్ధభాగనిలయామంబామద్రిసుతాం మృడాం |
హరిప్రియానుజాం వందే దేవీం త్రిపురసుందరీం || 7 ||
అష్టైశ్వర్యప్రదామంబామష్టదిక్పాలసేవితాం |
అష్టమూర్తిమయీం వందే దేవీం త్రిపురసుందరీం || 8 ||
నవమాణిక్యమకుటాం నవనాథసుపూజితాం |
నవయౌవనశోభాఢ్యాం వందే త్రిపురసుందరీం || 9 ||
కాంచీవాసమనోరంయాం కాంచీదామవిభూషితాం |
కాంచీపురీశ్వరీం వందే దేవీం త్రిపురసుందరీం || 10 ||