శ్రితజనపరిపాలం రామకార్యానుకూలం
ధృతశుభగుణజాలం యాతుతంత్వార్తిమూలం |
స్మితముఖసుకపోలం పీతపాటీరచేలం
పతినతినుతిలోలం నౌమి వాతేశబాలం || 1 ||
దినకరసుతమిత్రం పంచవక్త్రం త్రినేత్రం
శిశుతనుకృతచిత్రం రామకారుణ్యపాత్రం |
అశనిసదృశగాత్రం సర్వకార్యేషు జైత్రం
భవజలధివహిత్రం స్తౌమి వాయోః సుపుత్రం || 2 ||
ముఖవిజితశశాంకం చేతసా ప్రాప్తలంకం
గతనిశిచరశంకం క్షాలితాత్మీయపంకం |
నగకుసుమవిటంకం త్యక్తశాపాఖ్యశృంకం
రిపుహృదయలటంకం నౌమి రామధ్వజాంకం || 3 ||
దశరథసుతదూతం సౌరసాస్యోద్గగీతం
హతశశిరిపుసూతం తార్క్ష్యవేగాతిపాతం |
మితసగరజఖాతం మార్గితాశేషకేతం
నయనపథగసీతం భావయే వాతజాతం || 4 ||
నిగదితసుఖిరామం సాంత్వితైక్ష్వాకువామం
కృతవిపినవిరామం సర్వరక్షోఽతిభీమం |
రిపుకులకలికామం రావణాఖ్యాబ్జసోమం
మతరిపుబలసీమం చింతయే తం నికామం || 5 ||
నిహతనిఖిలశూరః పుచ్ఛవహ్నిప్రచారో
ద్రుతగతపరతీరః కీర్తితాశేషసారః |
సమసితమధుధారో జాతపంపావతారో
నతరఘుకులవీరః పాతు వాయోః కుమారః || 6 ||
కృతరఘుపతితోషః ప్రాప్తసీతాంగభూషః
కథితచరితశేషః ప్రోక్తసీతోక్తభాషః |
మిలితసఖిహనూషః సేతుజాతాభిలాషః
కృతనిజపరిపోషః పాతు కీనాశవేషః || 7 ||
క్షపితబలివిపక్షో ముష్టిపాతార్తరక్షో
రవిజనపరిమోక్షో లక్ష్మణోద్ధారదక్షః |
హృతమృతిపరపక్షో జాతసీతాపరోక్షో
విరమితరణదీక్షః పాతు మాం పింగళాక్షః || 8 ||
సుఖితసుహృదనీకః పుష్పయానప్రతీకః
శమితభరతశోకో దృష్టరామాభిషేకః |
స్మృతపతిసుఖిసేకో రామభక్తప్రవేకః
పవనసుకృతపాకః పాతు మాం వాయుతోకః || 9 ||
అష్టాశ్రీకృతనవరత్నపద్మమాలాం
భక్త్యా శ్రీహనుమదురఃస్థలే నిబద్ధాం |
సంగృహ్య ప్రయతమనా జపేత్ సదా యః
సోఽభీష్టం హరివరతో లభేత శీఘ్రం || 10 ||
Sri Hanuman Navaratna Padyamala pdf download – శ్రీ హనుమాన్ నవరత్నపద్యమాలా
Author
Pavan Teja
పవన్ తేజ రచయితగా సినిమాలు, రాజకీయం, ఆరోగ్యం, వ్యాయామం, అందం, ధర్మం, విజ్ఞాన శాస్త్రం, సాంకేతికత, డబ్బు సంపాదించే మార్గాలు, ఆంగ్లం నుండి తెలుగు అనువాదం మొదలైన అంశాలలో అనుభవం పొందాడు. అతను గతంలో తెలుగు సినిమా విశ్లేషకుడిగా పని చేశాడు. ప్రస్తుతం అసిస్టెంట్ డైరెక్టర్ గా పనిచేస్తున్నాడు.
